السلام عليكم ياكياويه
انا ملاحظ ان ماشاء الله السيراتويه بيزيدوا يوم عن يوم
وانا طالب منكم خدمه
مكتوب فى الورقه اللى فيها المواصفات
ان ال sx فيها عدادات رياضيه وكمبيوتر للسائق
لكن ال ex مفيهاش
فياريت الاخوه الأفاضل يصورلنا دى ودى عشان نعرف الفرق
وجزاكم الله خيرا ومشكورين مقدما
وسؤال تانى معلش
ال ex معاها ريموت ولا لأ عشان مكتوب فى الورقه انها بتنزل بريموت
لكن فى اعضاء قالوا انهم مستلموش ريموت
الex فيها كمبيوتر رحلات زى sx و مش بيجى معاها ريموت لو وكيل و معاها ريموت لو خليجى بس ريموت external مش فى المفتاح.
بالنسبة لشكل العدادات ممكن حضرتك تيجى المقابلة اللى جاية ..... منها نتشرف بمعرفة حضرتك و تشوفها على الطبيعة أحسن.
حسام باشا الفرق الى انا لاحظته انا معايا ال ex نفس العداد وفى رحلات واستهلاك البزين والبنزين يمشيك قد اية لكن فى ضوء حولين العداد عامل زى دايرة حولين دواير العداد شوفتها فى الاخ الى حاطط صور عربيته sx وهقولك نصيحة تفهمها للناس هنا وعلشان متجيب العربية ان شاء الله انا اول مجبت العربية كنت مضايف ان العفشة ناشفة لكن دلوقتى بعد ممشيت 3 الف كيلو بقت احسن غير كدة لازم تخلى الكاوتش على 28 مع ان الكاتلوج 32 وكمان نيتروحين علشان ميزدش مع الحرارة ولكن لو عملته 32 العفشة هتدب معاك اوى لكن انا كدة متكيف عاملة نيتروجين و28 الضغط غير كدة العربية تحفة بجد مفهاش اى عيب انت طبعا خبرة وعارف ان كل العربيات حتى لو المانى ولا يابانى فيها عيوب اللنسر مثلا مسوقتها معجبنيش سحبها خالص و كمان حسيت انها عادية وكل عربية لو تدخلوا هتلاقوا فيها عيوب لكن الحمد لله السيراتو الى فيها دة مش عيب لان المشكلة فى الطرق عندنا وهيا مش ناشفة بمعنى مؤزية لا انا ركبت هوندا نفس الفكرة وقولت لصاحبها يعمل الكواتش كدة برضو لانها كانت نفس النشوفية تخيل بقى الهوندا سيفك كدة لكن علشان يابانى محدش بيتكلم :) و فى المقابل ثبات وهمى وتجميع جميل وبالنسبة للسعر دة دى افضل قيمة وشكرا
بص يا باشا الفرق بالظبط زى ما قال العضو Bassem بالاضافة الى النواكل اللى داخل السيارة وكذلك Indicator للحرارة داخل الكمبيوتر على فكرة انا معايا Ex وبالنسبة لموضوع العفشة حقيقى بعد ما غيرت الهواء بنتروجين على ضغط 30 الموضوع اختلف تماما وبعد ما مشيت 3500 كم العفشة ممتازة مقارنة بكل السيارات اللى فى نفس الفئة مش سيئة زى ما بعض الناس بتقول وان فى نظرى السيارة فى مجملها سيارة مقبولة جدا جدا ...
ارجو الاهتمام بضغط الكاوتش ان يكون 32 و ليس 28 او 30
علشان الكاوتش نوعه low profile و ده بيحتاج لضغوط عالية علشان يحافظ على عمره
و اسألوا المهندس نجاد مدير بريدجستون
اقتباس:
المشاركة الأصلية كتبت بواسطة eng.marwan
انا معاك في الحكاية دي
كنت عاملهم على 30 و النتيجة ان هاشتري فردتين بسبب خبطة رصيف و حفرة محترمة
انا اول ما اجيب الفرد الجديدة ان شاء الله
هارجع 32
شكرا لنصيحة حضرتك القيمة
الف شكر على المساعده ياجماعه
يا جماعة انا مش عارف ازاي املا الكاوتش نيتروجين بدل الهوا وبيتجاب منين والاقيه فين ده
وهل ينفع لكل العربيات انا عندي عربية بوينتر 2005 والعفشة ناشفة وكنت نازي اجيب سيراتو بس خوفت لما سمعت ان العفشة ناشفة برضه يعني لو عملت الكاوتش نيتروجين في البوينتر يشتغل معايا ولا لا
وشكرا يا سادة
العربيه جداا مكتسحه يا رجاله
بشوفها كتير و بالوان جميله جدااا شفت منها لون بترولى روعه او موف مش بترولى اوى بس روعه
اقتباس:
المشاركة الأصلية كتبت بواسطة survey
حضرتك النيتروجين ده بدل الهوا اللى بنملا بية الكاوتش وطبعا ينفع مع اى عربية و مميزات النيتروجين كتير المسألة مش مسألة احساس بالنعومة فى العفشة وبس حضرتك ممكن تروح فرع بريدجستون فى اخر شارع عباس العقاد الفرع موجود جو ة البنزينة
اقتباس:
المشاركة الأصلية كتبت بواسطة hamdymsr
تسلم يا غالي
اصلي كنت حاسس اني زي الاطرش في الزفة:shyy:
تسلم لي يا غالياقتباس:
المشاركة الأصلية كتبت بواسطة hamdymsr
على فكره لو قللت الضغط اى نعم العربيه هتنعم بس الثبات هيقل وانا برده المفروض يكون الضغط على 33 بس انا خليته 29 لفتره علشان النعومه بس الثبات حسيت انه قل خصوصا انى بجرى كثير بالعربيه فذوته تانى
العربيه دى نفسى اجربها انا كنت مستنى واحد صاحبى يستلمها علشان اجربها ولكن لسه ما استلمهاش لحد دلوقتى مع انه حاجز بقاله شهووووور وكل شويه تاجيل فى تاجيل وللاسف هو باع العربيه الالنترا اللى كانت معاه ودلوقتى من غير عربيه هيستنى لحد نصف شهر 8 لو ما جتش بيقول هيذود شويه ويجيب خليجى من جابر عبد الشهيد
طبعا انا مش معنى انى بعمله 28 انى بفهم اكتر من الشركة او الكاتلوج بس فعلا مبعمله 30 حتة العفشة بتبقى ناشفة وفى الاخر مفكرت فيها لقيت انى استمتع بنعومة العربية على حساب الكاوتش حتى لو هغيره قبل معادة بدل ميقعد مثلا 50 الف يقعد 40 المهم محسش بالمطبات الجميلة الى فى بلدنا وعين القط الى عاملنتها بارزة وتخليك تتنطط بالعربية وتبهدل العفشة يبقى الكاوتش يبوظ احسن مالعربية نفسها تبوظ دة راى خاص ليا و بالنسبة للثبات مش هتفرق جامد غير بعد ال120 ومش هتحس بفرق غير بقى لو بتخد غرز وملفات جامدة اوى بسرعة عالية على العموم الى جرب غير المجربش والى ايده فى الموضوع هيحسها اكتر وعلى فكرة انا عاملة 28 فى الحر وانا راجع من الشغل لقتها بدبدب مرة كان يوم حر اوى رحت قست الضغط لقيته 30 مع انى عامل نيتروجين لكن برضو بيتمدد مع الحرارة معنى كدة انك لو عملته 32 يبقى هيزيد اكتر وشكرا