طلب بسيط اشترى نصف نقل ام ميكروباس

**rrrrreee** · 03-08-2009 09:48 AM

اخوانى الاعضاء الكرام ارجو النصيحة

انا اريد ان اعمل مشروع يكون لة دخل لاسرة

اولأ:- فكرت فى عربية نصف نقل

ثانيا:-فكرت فى عربية ميكروباس اجرة ركاب

المشكلة :- انا لا اعرف ما هو دخل العربيات النصف نقل وهل هو مجزى ام لا

المشكلة الثانية انى فى حيرة من امرى بالنسبة للاختيار وانا ميال الى الميكروباس ولكن المشكلة انى لا اعرف انوعها واسعرها

انا سمعت ان فى هيونداى وهى ارخص من تويوتا وسمعت ان التويوتا بحوالى 167 الف الفاضية

ارجو النصيحة اشترى نصف نقل افضل ام اشتر ميكروباس ؟؟؟؟؟ والرجاء ذكر سبب الاختيار ويا ريت عن تجربة

الرجاء ذكر انواع واسعار الميكروباس الاجرة ركاب فى مصر ؟؟؟؟؟

اسف على الاطالة

**HeMa_LanCeR** · 03-08-2009 01:34 PM

هقول انا لحضرتك
موضوع النص نقل ده حوار لو انت اللي مش هتركبها
علشان شغلها مش معروف بتبقي حسب الشغل اللي بتطلعه وطبعا انت مش هتقعد مراقب السواق ولازم هيسرقك يعني هيسرقك لكن لو انت فاضيله يبقي توكل علي الله
وبالنسبه للميكروباص انا شايف انه افضل
لأنك بتسلمه للسواق وبتاخد منه حق ورديه يعني هو بقي طلع عمل فرده او فردتين او تلاته دي انت مالكش دعوه بيها انت ليك دعوه بالورديه اللي هو بيديهالك

بس نصيحه حاول تفكر في اي مشروع تاني
انا عندي عربيات نقل وبجد بقت شغلانه مقرفه بسبب الحكومه حسبي الله ونعم الوكيل فيها

**Sameh** · 03-08-2009 04:54 PM

المشاركة الأصلية كتبت بواسطة hema_lancer

-------------
بس نصيحه حاول تفكر في اي مشروع تاني
انا عندي عربيات نقل وبجد بقت شغلانه مقرفه بسبب الحكومه حسبي الله ونعم الوكيل فيها

ممكن توضح يا هيما ليه موضوع العربية النقل بقا شغلانة مقرفة ؟ وهل الوضع كدة فى القاهرة بس ولا فى الأقاليم كمان ؟ لأنى كنت ناوى أعمل الموضوع ده أنا وواحد أنا واثق فيه ، وإحنا على وشك نجيب دبابة من منصور بالتقسيط ، إنت إيه رأيك نكمل ولا نكنسل ؟ وإن كان أوك هل شغلها الخاص أحسن ولا نحاول نتفق مع شركة أو مصنع ؟ وبيكون فى حدود كام فى الشهر لو تعاقد مع مصنع مثلاً
معلش أسئلة كتيرة بس يا ريت تفيدنا طالما ليك خبرة فى الموضوع

**HeMa_LanCeR** · 03-08-2009 06:18 PM

المشاركة الأصلية كتبت بواسطة sameh

ممكن توضح يا هيما ليه موضوع العربية النقل بقا شغلانة مقرفة ؟ وهل الوضع كدة فى القاهرة بس ولا فى الأقاليم كمان ؟ لأنى كنت ناوى أعمل الموضوع ده أنا وواحد أنا واثق فيه ، وإحنا على وشك نجيب دبابة من منصور بالتقسيط ، إنت إيه رأيك نكمل ولا نكنسل ؟ وإن كان أوك هل شغلها الخاص أحسن ولا نحاول نتفق مع شركة أو مصنع ؟ وبيكون فى حدود كام فى الشهر لو تعاقد مع مصنع مثلاً
معلش أسئلة كتيرة بس يا ريت تفيدنا طالما ليك خبرة فى الموضوع

اولا احنا هنا عندنا في القاهره معظم المناطق ممنوع منها
غير بعد الساعه 8 بليل وده طبعا حاجه خلت الشغل بالنسبالي قل قوي وبقي محدود
لأنك علشان تعتمد انك تنقل الحاجه بعد 8 بليل ده يحتاج سائق ليلي غير سائق النهار وده طبعا هيزيد التكلفه علشان انا شغلي من دائم
يعني علي حسب الطلب والعرض
المهم
دي اهم نقطه
وتاني نقطه السواق نفسه علشان كده كنت بقول لو انت بنفسك اللي هتسوق او شخص قريب منك وانت واثق فيه فا كده بأذن الله الموضوع هينجح
لأنه كده هيحافظ علي العربيه كويس
علي فكره هو مشروع كويس بس الحاجات اللي رخمه فيه هي موضوع المرور
وكمان موضوع الشغل (طبعا الارزاق دي بتاعه ربنا) بس انت ممكن يوم تشتغل ويوم لأ
عموما انا شغال عن طريق المعارف والعلاقات يعني انا مش ثابت مع شركه او مصنع او الكلام ده
بس انت لو عرفت تظبط مع شركه او مصنع بسعر كويس هتكون تمام كده
انا عموما عندي 3 دبابات و 2 جامبو
ولو اي استفسار انا تحت امرك

**rrrrreee** · 04-08-2009 09:59 AM

اية يا جماعة محدش بيشارك ويقول رأية لية

نفسى اعرف انواع السيارات النقل واسعارهم
واسعار وانواع الميكروباس

اين الردود يا شباب جزاكم الله خيرا
والف شكر للاخ هيما

**Sameh** · 05-08-2009 12:21 AM

الف الف شكر يا أستاذ هيما
أنا ساكن فى القاهرة ، والولد اللى معايا قاهرى بس بلده فى الكريمات فبنفكر ننقل من هناك لسوق العبور مثلاً ، وطبعاً موضوع المرور عاملنا قلق برضه ، وكمان ماعندناش فكرة إيراد العربية ممكن يكون قد إيه عشان نحدد قيمة القسط - إن شاء الله أبعتلك على الخاص لو ماعندكش مانع وأستفسر منك على حاجات زى نصيب اللى هيسوقها المفروض يتحسب إزاى عشان ماحدش يظلم التانى لأننا نعتبر أصدقاء ومالناش خبرة سابقة فى المسائل دى ، ونشيل قد إيه مصروف للعربية وكدة

أستاذ rrreee اللى أعرفه عن الأسعار هو سعر الشيفروليه الربع نقل ودى بتعمل 98 الف كاش وفيه موديل تانى أغلى شوية بالتكييف والباور ، وفيه النيسان أعتقد فى حدود السبعينات ، وأغلى واحدة هى التويوتا الهاى لوكس ب 100 وشوية ، بس أكثرهم إنتشاراً طبعاً الشيفرولية

**rrrrreee** · 06-08-2009 09:04 AM

thanks alot
شكرا اخى سامح وياريت مشاركة الاعضاء الكرام

**lada2010** · 16-08-2009 03:10 PM

استاذ rrrreeee انا بفكر اشترى ميكروباص تويوتا ملاكى موديل التمانييات لغرض عايز اعملوا اية رايك نتقبل ونشوف الاسعار اية فى السوق

**shaddadfalcon1** · 22-12-2009 01:12 PM

انا رايئ الميكروباص برده لأن النص نقل شغلها مش مضمون لا لو مظبط مع شركه او مصنع

الموضوع: طلب بسيط اشترى نصف نقل ام ميكروباس

LinkBack

أدوات الموضوع

عرض

طلب بسيط اشترى نصف نقل ام ميكروباس - انشر الموضوع فى :

-

-

-

-

المواضيع المتشابهه

استفسار بسيط عن كسر بسيط فى دلايه اكصدام خلفى

سؤال بسيط للخبراء لو عاوز اشترى عربيه مستعمله اكشف عليها ازاى؟

مطلوب ميكروباس اجرة شرقية

مطلوب ميكروباس اجرة شرقية يكون موديل بعد الثمانيات الى 2010

مطلوب سيارة ميكروباس اجرة او تاكسى (الشرقية)

الكلمات الدلالية لهذا الموضوع

المفضلات

المفضلات

ضوابط المشاركة