| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 27

الموضوع: مصر عام 2085

  1. #1

    الصورة الرمزية eng_mkhalaf

    رقم العضوية : 1869

    تاريخ التسجيل : 22Aug2007

    المشاركات : 4,058

    النوع : ذكر

    الاقامة : السعودية

    السيارة: A11

    السيارة[2]: TAHOE

    دراجة بخارية: لا

    الحالة : eng_mkhalaf غير متواجد حالياً

    افتراضي مصر عام 2085 - Facebook Twitter whatsapp انشر الموضوع فى :

    hasad">

    دة احنا ايامنا حلوة والله

    >>المكان : أحد أحياء القاهرة
    >>
    >>الزمان : يوم من أيام صيف عام 2085
    >>
    >>========================
    >>
    >>حفيدة في سن المراهقة (12 سنة) تجلس مع
    >>جدتها
    >> (70 سنة)
    >> ويدور بينهما هذا الحوار
    >>
    >>الحفيدة : تيته ميرو إزيك..بقى لي زمان ما
    >>قعدتش معاكي
    >>
    >>الجدة : وهو أنا عارفة أتلم عليكي خالص.. ده
    >>أنا قاعدة زهقانة قوي ومش لاقية حاجة تسليني
    >>
    >>الحفيدة : ومابتفتحيش الدش ليه يا تيته
    >>
    >>الجدة : التليفزيون بقى ممل خالص مافيهوش غير
    >>سبعتلاف وخمسميت محطة بس!.وأنا كمان ما
    >>بعرفش أغير المحطات
    >>!
    >>الحفيدة : وإيه الحلاوة دي؟ حلو البادي اللي انتي
    >>لابساه ده..بس ده موضة قديمة قوي ياتيته
    >>
    >>الجدة : يا بنتي أنا ست دقة قديمة وبالبس زي ما
    >>جيلنا الصاعد اتعود وحسب التقاليد القديمة بتاعتنا
    >>
    >>الحفيدة : أيوه بس مش حاسة إنك مخنوقة وانتي
    >>لابساه؟
    >>
    >>الجدة : أبداً ده هو ده اللبس المحتشم اللي
    >>مفروض الكل يلبسه ويحافظ عليه..فين أيام زمان
    >>لما كنا نلبس البادي اللي مبين البطن والظهر
    >>بس، مع البنطلون السترتش الجلد …كانت حاجة
    >>آخر روشنة
    >>
    >>الحفيدة : ياه يا تيته.. ده انتوا كان ليكم تقاليد
    >>غريبة خالص
    >> !
    >>الجدة : وهو انتي فاكرة إن أيامكم دي أيام؟
    >> يا بنتي أيامكم دي ما يعلم بيها إلا ربنا .. فين أيام
    >>سنة 2005 هي الواحدة فينا كانت تستجري
    >>تشرب سيجارة البانجو ولا تسحب لها سطر بودرة
    >>قدام أبوها؟
    >> طب ده الدنيا كانت تتقلب ساعتها وما تتعدلش ..
    >>أمال إيه .. كان فيه حاجة اسمها أخلاق
    >>
    >>الحفيدة : معقول يا تيته؟ للدرجة الفظيعة دي!!؟
    >>
    >>الجدة : أمال انتي فاكرة إيه .. وبعدين كانت الست
    >>من دول ما تلبسش اللبس الخليع بتاع اليومين
    >>دول..يعني الجيبة كان ما يقلش طولها عن شبر
    >>ربع .. وكانوا الستات يلبسوا فوقيها بلوزة
    >>باستمرار ..مش زي دلوقتي! حسبي الله نعم
    >>الوكيل
    >>
    >>الحفيدة : يا خبر .. وإيه كمان ياتيته
    >>
    >>الجدة : ح أقول لك إيه ولا إيه يعني خدي عندك
    >>مثلاً
    >> ..
    >>زمان كنا نسمع الطرب الأصيل لمطربين
    >>حقيقيين :مصطفى قمر وعمرو دياب وطبعاً كانت
    >>سيدة الغناء شاكيرا، وكانت الأغنية مدتها أكثر من
    >>دقيقتين متواصلين من الطرب الأصيل والموسيقى
    >>الهادية الراسية اللي تعمر النافوخ بصحيح كانوا
    >>مطربين روشين وآخر طحن، حسبي الله ونعم
    >>الوكيل
    >>
    >>الحفيدة : وبعدين ياتيته؟
    >>
    >>الجدة : وبعدين كنا نسمع على حاجة اسمها
    >>اسطوانات ليزر،ودي صحيح انقرضت، بس كان
    >>ليها طعم عن دلوقتي، يا سلام لما كنا نحطها في
    >>الووكمان ونعلقها في حزام البنطلون كده
    >>ونمشي في الشارع كده، كانت أيام
    >>جميلة.حسبي الله ونعم الوكيل
    >>
    >>الحفيدة : حكاويكى ممتعة قوي يا تيته .. ثانية
    >>واحدة بس لما أصحي سمسم صاحبي فى
    >>المدرسة لأنه بايت معايا في الأودة من
    >>امبارح ..أصل الإنسان الآلي بتاع
    >>الصحيان بايظ ولازم نصلحه النهاردة
    >>
    >>الجدة : طيب ياحبيبتي روحي
    >>
    >>(بعد عدة دقائق)
    >>
    >>الحفيدة : هيه يا تيته.. وبعدين؟
    >>
    >>الجدة : أحلى أيام بقى كانت أيام الدراسة، الفصل
    >>كان على أيامنا رايق وعدد التلاميذ فيه ما يزيدش
    >>عن ستين سبعين تلميذة، وكنا ساعتها بنعرف
    >>نفهم الدرس كويس مش زى دلوقتي وكانت
    >>الشوارع أيامها فاضية يعني كانت إشارة المرور
    >>تقعد ساعة إلا ربع بس لأن مصر كلها كان تعدادها 70
    >> مليون مش أكثر، تخيلي بقى الروقان اللي كنا
    >>فيه؟ حسبي الله ونعم الوكيل
    >>
    >>الحفيدة : 70 مليون بس؟
    >>
    >>الجدة : أمال إيه .. عشان كده كانت كل حاجة
    >>رخيصة ، يعني مثلاً كيلو اللحمة يوم ما يضربه
    >>الدم كان يبقى بخمسة وعشرين جنيه أو بتلاتين
    >>جنيه، وكان أتخن جوز جزمة بـ 250 جنيه، وكان
    >>الواحد يقدر يشتري شقة تمليك بـ150 ألف جنيه
    >>بس..وكان الدولار بخمسة جنيه بس.. تخيلي
    >>بقى؟
    >>
    >>الحفيدة : ما هو علشان كده الجواز على أيامكم
    >>كان سهل خالص، إحنا بقى خلصنا من العُقد دي
    >>
    >>الجدة : أُمال إيه .. ده احنا الواحدة مننا كانت
    >>بمجرد ما توصل سن 17 سنة تبتدي تفكر في
    >>الجواز العرفى على طول، وما كانش عندنا الأفكار
    >>الغريبة اللي بتعملوها دلوقتي، أنا شخصياً شايفة
    >>إن ده أوفر شوية، ده احنا يا بنتي على أيامنا كان
    >>لا يمكن البنت تتأخر بره البيت عن الساعة أربعة
    >>الصبح، طب ده باباها كان ممكن ساعتها يخاصمها
    >> !
    >>الحفيدة : ياي! ده انتوا كنتوا متزمتين خالص ياتيته
    >> !!!
    >>
    >>الجدة : يا بنتي إحنا اتربينا على الأخلاق والفضيلة
    >>والعادات والتقاليد . يعنى كان أهل الفن
    >>محتشمين جداً وكانوا دايماً يطلعوا بالمايوهات
    >>البيكيني، والمذيعات كانوا يقعدوا جنب الضيف
    >>مش على ركبته زي دلوقتي
    >>..
    >> هيـ يـ يـ يـ ـه الله يرحم دي أيام.. فكرتيني بالذي
    >>مضى حسبي الله ونعم الوكيل
    >>
    >>(تمسك الجدة بتليفون محمول في حجم علبة الكبريت)
    >>
    >>الحفيدة : ح تكلمي مين يا تيته؟
    >>
    >>الجدة : الحقيقة أنا كنت موصية الجزار على اتنين
    >>كيلو لحمة و اديته 600 دولار عربون وعايزة أطلبه
    >>أشوف إذا كانت اللحمة وصلت ولا لأ
    >> ..
    >>الحفيدة : (تنهض من مكانها) تشاو سي يو تيته
    >>!
    >>الجدة : سي يو
    >>
    >>وبعد مرور عدة ساعات انتابت الجدة خلالها غيبوبة
    >>بسبب الشيخوخة و في المساء دار هذا الحوار
    >>:
    >>الجدة : إنتي كنتي فين يا فتفت؟
    >>
    >>
    >>الحفيدة : أصل إحنا أخدنا اد من الحضانة
    >>
    >>الجدة : ولد !! ولد إيه اللي أخدتوه من الحضانة؟
    >>
    >>
    >>الحفيدة : آه صحيح أنا نسيت أقول لك .. أصل أنا
    >>جبت ولد من سمسم صاحبي
    >>
    >>الجدة : يا بنتي مستعجلين على إيه مش لما
    >>تتجوزوا ؟ حسبي الله ونعم الوكيل
    >>
    >>الحفيدة : يا سلام عليكي يا تيته.. إنتي عليك
    >>تحكيمات غريبة..طيب إيه اللي يمنع نخلف من غير
    >>جواز ؟ أنا شخصياً عملتها ونفعت
    >>
    >>الجدة : مشكلتي إني ما باعرفش أزعل منك يا
    >>فتفت ياعكروتة ..وسميتوا المحروس إيه بقى
    >>
    >>الحفيدة : سميناه : دوت كوم
    >>
    >>الجدة : نعم .. دوت كوم؟ نظام هاي تك بقى؟
    >>يعني لما تعوزي تنادي له تدوسي (إنتر) ولا إيه
    >>بالضبط ؟
    >>
    >>الحفيدة : ها ها ها ها .. إيه الخفة دي يا تيته
    >>والله فكرة .. لما أعوز أنده له أدوس إنتر .. ولما
    >>أحب أقول له روح أودتك أدوس
    >>
    >> ( ألت و إف 4 )
    >>
    >>الجدة : وأخدتوه من الحضانة وديتوه فين بقى؟
    >>
    >>الحفيدة : وديناه النادي الصهيوني بتاع الحي
    >>
    >>الجدة : النادي الصهيوني بتاع الحي؟
    >>
    >>
    >>الحفيدة : أيوه .. ده نادي جميل معمول برعاية
    >>كبار رجال الأعمال .. وتحت رعاية وزارة الزراعة
    >>وده بيعلم الأطفال حاجات ظريفة خالص
    >>ومصاريفه رخيصة جداً وبعدين اد الكويس
    >>ممكن يبعتوه يكمل تعليمه في إسرائيل على
    >>نفقة وزارة الزراعة أصل
    >> (ميدو يوسف والي)
    >>وزير الزراعة ده راجل متفتح قوي
    >>هه..أفتح لك التليفزيون يا تيته عشان تشوفي
    >>نشرة الأخبار؟
    >>
    >>الحفيدة تضغط الريموت كنترول لنرى شاشة كبيرة
    >>بطول وعرض حائط الغرفة، وتظهر صوت مذيعة
    >>مصحوباً بلقطات للأنباء تقول
    >>:
    >>المذيعة : هاي شلة ! إليكم عناوين الأخبار
    >>
    >> أمريكا ترصد 25 مليار دولار لرأس تامر بن محمد
    >>بن أسامة بن لادن المتهم الأول في تفجير قصر
    >>السفير الأمريكي في أفغانستان
    >>
    >> واشنطن تتهم ليبيا بتفجير سفينة فضاء فوق
    >>كوكب المريخ
    >>
    >> وزير الاقتصاد تنبيه للعضو: تمنع سياسية المنتدى تناول اى افراد موجودين فى السلطة حاليا بتعليقات ساخرة، يرجى مراجعة القاعدة رقم 7 من قوانين المنتدى يصرّح
    >>:
    >> إعدام الفقراء هو الحل لخروجنا من عنق الزجاجة
    >>
    >> موافقة مجلس الشعب أخيرا على خصخصة
    >>معبد الكرنك
    >>
    >>أخبار عربية
    >>:
    >> زهوة ياسر عرفات تطالب بانسحاب إسرائيل
    >>حتى حدود عام 2030، وإعلان الدولة الفلسطينية
    >>في مايو المقبل
    >>
    >> إسرائيل ترفض الإنسحاب من البصرة إلا بعد
    >>ضمان أمن مستوطناتها في بغداد
    >>
    >> اشتباكات على الحدود الإسرائيلية المغربية
    >>
    >>أخبار الفن
    >>
    >> زفاف المطربة صباح على حفيد الفنان الراحل
    >>راغب علامة
    >>
    >> رئيسة قطاع الإنتاج لم يستقر بعد على بطلة
    >>فوازير رمضان ويعقد إجتماع مع السيدة تنبيه للعضو: تمنع سياسية المنتدى تناول اى افراد موجودين فى السلطة حاليا بتعليقات ساخرة، يرجى مراجعة القاعدة رقم 7 من قوانين المنتدى وزيرة الإعلام الجديدة
    >>لمناقشة هذه القضية
    >>
    >> الفنان محمد هنيدي يهاجم نجوم الكوميديا الجدد
    >>
    >>المذيعة : فينيش باي
    >>
    >>الجدة : لأ بقى حسبي الله ونعم الوكيل فيكم فعلا

    (يغمى عليها)


    الحفيدة : تيته..تيته
    إيه دا ؟.. دي ماتت ..بالا نيله

    [sor2]http://www2.0zz0.com/2012/03/20/06/448963560.jpg[/sor2]
    TAHOE THE LEGEND


  2. #2

    الصورة الرمزية ahmed_gamal

    رقم العضوية : 1990

    تاريخ التسجيل : 01Sep2007

    المشاركات : 749

    النوع : ذكر

    الاقامة : حدائق الاهرام

    السيارة: opel astra h 2007

    السيارة[2]: Hyundai ix35

    دراجة بخارية: NO

    الحالة : ahmed_gamal غير متواجد حالياً

    افتراضي -

    جاااااااااااااااااااااااا ااااااااامدة جدا Red_Colorz_PDT_04 Red_Colorz_PDT_04 Red_Colorz_PDT_04 Red_Colorz_PDT_04 Red_Colorz_PDT_04


  3. #3

    الصورة الرمزية Medhat Fathy

    رقم العضوية : 142

    تاريخ التسجيل : 24Apr2007

    المشاركات : 180

    النوع : ذكر

    الاقامة : القاهرة

    السيارة: نويوتا 1996

    السيارة[2]: تويوتا 1994

    دراجة بخارية: no

    الحالة : Medhat Fathy غير متواجد حالياً

    افتراضي -

    جامدة جدا بس انت نسيت تقول لينا اسم رئيس الجمهورية :neutral: و رئيس الوزراء واهم من كده اخبار نايل موتورز :shock:

    د./مدحت فتحي


  4. #4

    الصورة الرمزية Akram

    رقم العضوية : 2114

    تاريخ التسجيل : 10Sep2007

    المشاركات : 2,904

    النوع : ذكر

    الاقامة : الجيزة

    السيارة: لانوس1 مو 2000

    السيارة[2]: لانسر كرستالة

    دراجة بخارية: معنديش

    الحالة : Akram غير متواجد حالياً

    افتراضي -

    طيب هي من تيتا دي , يمكن حد يكون عارفها..... :D :D :D


    مع تحياتي ,,
    أكــــرم


  5. #5

    الصورة الرمزية Hisham_ElFeky

    رقم العضوية : 906

    تاريخ التسجيل : 10Jun2007

    المشاركات : 711

    النوع : ذكر

    الاقامة : cario

    السيارة: hundyi matrix 2009

    السيارة[2]: Honda Civic 2007

    دراجة بخارية: non

    الحالة : Hisham_ElFeky غير متواجد حالياً

    افتراضي -

    اخبار الرياضة
    الاهلي يلحق بالزمالك هزيمة مذلة ٦-١ (برضو)
    الاهداف لسيف محمد ابو تريكة ومتعب عماد متعب

    الاهلي بستعد لنهائى الافريقي للمرة الـ 80 علي التوالي
    رئيس النادي يوسف هادي خشبة يضاعف مكافآت الفوز

    منتخب مصر يحاول الصعود لكأس الامم
    كريم حسن شحاته مبارة جزر الرأس الأخضر صعبة وحاسمة

    [img2]http://i34.tinypic.com/63zo6s.jpg[/img2]


  6. #6

    الصورة الرمزية m_aash

    رقم العضوية : 1196

    تاريخ التسجيل : 26Jun2007

    المشاركات : 532

    النوع : ذكر

    الاقامة : Cairo

    السيارة: Elantra2013

    السيارة[2]: Fiat 128 - DAEWOO Lanos

    دراجة بخارية: No

    الحالة : m_aash غير متواجد حالياً

    افتراضي -

    جامدة جدا يا أبو حميد :mrgreen: :mrgreen:

    م/ محمد عبدالمعز
    اللهم إني أتخذ عندك عهدا لا تخلفنيه , فإنما أنا بشر .... فأي المؤمنين آذيته أو سببته أو قال لعنته أو جلدته..فاجعلها له زكاة وصلاة وقربة تقربه بها إليك يوم القيامة
    .


  7. #7

    الصورة الرمزية modux

    رقم العضوية : 263

    تاريخ التسجيل : 26Apr2007

    المشاركات : 1,689

    الاقامة : heliopolis

    الحالة : modux غير متواجد حالياً

    افتراضي -

    جامدة


  8. #8

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    أخبار نايل موتورز سنة 2085

    ترشيح السيد حسام سبعاوى (الشهير بسبعاوى الرابع) لإدارة شركة مواقع نايل موتوز الإلكترونية خلفا للسيدة كنزى كريم منير بعد اعتزالها ليكون المنافس الأول للمرشح العتيد شاهين اسلام شاهين

    حفناوى جونيور يدرس عرضا لشراء قنوات توب جير لضمها لمجموعة نايل موتوز

    الإحتفال بعيد الشركة فى الذكرى السبعين لقيام الزعيم احمد سمير بانشاء اول دستور للشركة

    دورات تدريبية تقيمها شركة نايل موتورز لجهاز حماية المستهلك فى جزر القمر

    اجتماع اعضاء نايل موتورز الشهرى:ادخل وصوت على مكان الإجتماع، دارفورهايتس ام منتجعات ابيدجان

    تيست درايف للسيارة (ابو الفتوح 120) الشكل الجديد ، يقدمه لنا العضو النشط، نادر نادر نادر

    مقارنة بين السيارتين غبور 1000 و عز العرب 200

    هل تتوقف شركة النصر عن انتاج السيارة الشاهين؟

    وداعا للتويوتا المجمعة فى جيبوتى، تويوتا تنقل مصانعها الى حزر ميكرونيزيا


  9. #9

    الصورة الرمزية Abu Aly

    رقم العضوية : 2441

    تاريخ التسجيل : 03Oct2007

    المشاركات : 316

    الاقامة : Cairo

    الحالة : Abu Aly غير متواجد حالياً

    افتراضي -

    اخبار الرياضة
    الاهلي يلحق بالزمالك هزيمة مذلة ٦-١ (برضو
    كده ميبقاش شئ جديد الاحتمال الاكبر الخبر يكون : نادى غزل كفر الزيات يلحق هزيمة مذلة بالزمالك 17-1 و ذلك فى اطار مسابقات دورى الدرجة الثالثه :lol: :lol:


  10. #10

    الصورة الرمزية modux

    رقم العضوية : 263

    تاريخ التسجيل : 26Apr2007

    المشاركات : 1,689

    الاقامة : heliopolis

    الحالة : modux غير متواجد حالياً

    افتراضي -

    hasad">

    ههههههههههه


    تحفه يا سبعاوي



 
صفحة 1 من 3 1 2 3 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2