الحق شوف عشان الاتوماتيك بتاع النوبيرا بيتلكك :shock:
عرض للطباعة
الحق شوف عشان الاتوماتيك بتاع النوبيرا بيتلكك :shock:
حاضر يا اسامه....انا هروح بسرعة وربنا يستر
يا عم الفتيس بتاعك زي الفل. ماتروحش لحد يشتغلك. بس موضوع تغير زيت الفتيس الأتوماتيك ده مالوش حل تاني. هتغيره يعني هتغيره sooner or later ومتحاولش تسترخص لاحسن الزيت ده روح الفتيس.
على فكرة انا اول ماركبت اتوماتيك جالي الهس الهس :-) وكنت متصور على طول ان الفتيس في حاجة غلط و..و...و لحد ما رجلي اتوعدت عليه وكله بعد كده تمام والحمد لله
طمنتني والله...اشكرك جدا...لكن ايه هو احسن زيت للفتيس عشان اغيره..وممكن اغيره في اي بنزينه ولا ايه...وفيه ناس بيقولولي زيت الفتيس مبيتغيرش عشان هو مش بيتحرق..ارجو النصيحة...وعلى فكرة انا لحد دلوقتي مش لاقي المقياس المدفع اللي قالي عليه بBADBLOOD خالص...
زيت الفتيس الأتوماتيك بيسخن وبيعدي على دورة التبريد كمان. علشان كده خواصه بتتغير ولازم يتغير كله كل 20 الف كيلو متر (طبعا حسب ظروف التشغيل). المشكلة ان زيت الفتيس الأتوماتيك مش بيتغير في البنزينة (أو انا معرفش بنزينة بتغيره) لأن لتغير الزيت بيفكوا الصفايه فينزل الزيت كله. وبعدين بيغسلو الصفاية دي (مش بالمياه طبعا) وبعدين يركبوها تاني بجوان جديد (مهم جدا موضوع الجوان الجديد ده) وبيحطو سيليكون حراري حوالين الجوان ويربطوه بالمسامير كويس.
وبعدين يحطوا الزيت الجديد ويقيسوه بالمقياس (اكيد عندك مقياس). وبعدين يدوروا العربيه ويحركوها على D سنة ثم على R سنة كمان ويقيسوا الزيت تاني يمكن يحتاج سقسقة. وبس خلاص 8)
المقياس في العادة ممكن يكون فوق الفتيس. يعني في الحاجات إللي على الشمال في الكبوت (قدام عجلة القيادة). والمقياس برضو في العادة بيكون لفوق..زي مقياس زيت الموتور
اما عن أحسن زيت اتوماتيك؟؟!! انا مجربتش غير بتاع موبيل وبس
طب انت بتغير عند ميكانيكي وهل فيه حد كويس تعرفه يغير الزيت
انا بغير الزيت عند ميكانيكي اسمه عز في الحرفيين في بلوك 19. لو هاتروح له قوله انك من طرف د. هشام (العبد لله) ولا أقولك قول له من طرف أ. احمد شاكر (اصل ده حبيبه بجد) وعلى فكره عز ده عارف المنتدى كويس. لو مش طالبه معاك مشوره لحد الحرفين ممكن تسأل في اقرب مزيتة عندك.
انا باروح الحرفين علشان ما ادخش على الجوان. تبقي حاجة سخيفة لو اتفكت الصفايه وملقتيش الجوان قريب من المزيته :?
اشكرك جدا يا د. هشام على سرعة الرد والنصيحة ..وانا ان شاء الله هروحله طالما حضرتك مجربه..لكن حضرتك تقترح اجيب كا كيلو زيت موبيل وان..ولا الميكانيكي ده هيكون عنده زيت او فيه بنزينه موبيل قريبه...وشاكر جدا لحضرتك..
انا دورت على المقياس يا د. هشام مش لاقيه..وفي واحد زميلي معاه كيا سيفيا اوتوماتيك ملهاش مقاس برضه وبيقولي مقاس عربيتي هو هو مقاس قربه البور ستييرنج زي عنده في عربيته ، لكن انا مش مقتنع ..وبدور على المقاس مش لاقيه..فياريت لو حد عنده نوبيرا كوري اوتوماتيك يقولي هو بيقيس ازاي..مع الشكر
على فكرة انا عربيتي سفيا اتوماتيك وفيها مقياس زيت يقع ما بين علبة الفيوزات وفلتر الهوا وقربة زيت الفرامل. ولو تحب انا ممكن ابعت لك صورة لمقياس زيت الاتوماتيك في السفيا.
سيبني اسألك فين مكان مقياس الزيت في النوبيرا
وبالنسبة للزيت ماتقلقش..كل حاجة موجودة هناك في الحرفيين. بس تخلي بالك كويس اصل دول ولاد لازينة في الاشتغالات
وانا تحت امرك في سؤال