انا معايا اكسنت 2000 - 1500 سى سى انجيكشن
ولسه عامل طقم شنبر من شهرين
من يومين لاحظت خروج دخانه من الشكمان فى بداية التشغيل قولت عادى فى الصبح
بعد كده قلت اجرب والعربية سخنة بعد كام مشوار إنى أزود على دواسة البنزين وهيه واقفة لقيت دخنه مستمرة بيضاء مع ريحة بنزين جامدة طالعة من الشكمان
اعمل ايه - ده انا لسه عامل طقم شنبر
شوف لو فى اول الدوارة بطلع دخان يبقى من كاوتش الصمامات عايز يتغير ,
وبعدين انت بتضغط جامد اوى على البنزين ولا مجرد مثلا ماتخلى العربية صوتها يعلى شوية بتطلع دخان ,
كده فيه مشكله فى الرشاشات ....على أساس دورة الأشعال سليمه ( بوجيهات - كابلات - بوبينا )
مش بقرص اوى يعنى ازود شوية صغيرين الاقى دخنهاقتباس:
وبعدين انت بتضغط جامد اوى على البنزين ولا مجرد مثلا ماتخلى العربية صوتها يعلى شوية بتطلع دخان ,
رحت لكهربائى معرفة قاللى احتمال كبير يبقى الرشاشات عاوزه تتنضف او تتغيراقتباس:
كده فيه مشكله فى الرشاشات ....على أساس دورة الأشعال سليمه ( بوجيهات - كابلات - بوبينا )
طيب الكلام ده أكيد إن شاء الله - ولو هتتغير سعرها فى حدود كام؟
سعرها بيبفرق استيراد من جديدة ,يعنى لو جديدة هاتعلم بتاع 1200 جنية ومستعملة هاتعمل بتاع 700 جنية
وبردة مش متاكد اسال وحاول تنضفها كويس الاول
الأفضل تجرب أستخدام منظف رشاشات الأول ......كمرحله أولى ....اقتباس:
طيب الكلام ده أكيد إن شاء الله - ولو هتتغير سعرها فى حدود كام؟
لو لم يتحسن الأداء ......حاول تنظف الرشاشات على مكنة الألتراسونيك .......
لو الوضعين دول مجابوش نتيجه .....يبقى ما باليد حيله ....وحتعوز تغير الرشاشات
طيب فيه حد بينظف الرشاشات بالمعادى؟؟
انا رحت النهاردة عند واحد بينظف الرشاشات فى المعادى
وبص على الدخنه وقاللى دى مش بسبب الرشاشات
إلى هيجننى إنى لسه عامل طقم شنبر
يعنى كده الطقم منفعش ولا فيه حاجه تانيه فى الموتور عاوزه تتظبط
هى الدخنه لونها أسود مزرق .....ومقاس الزيت بينقص
متابع باهتمام
عشان تستريح وتعرف ان طقم الشنبر اتعمل صح روح قيس كبس الماتور ,
لان كمان انت بتقول دخنة بيضاء مع وجود رائحة بنزين ,يعنى البنزين مابيتحرقش صح ,وبيخرج الفائض منة عن طريق الشكمان ,شوف غير البوجيهات ,وهات منظف الرشاشات وحطة مع تفويلة بنزين فى التانك ,وبردة تابع مقياس الزيت ,وشوة بيتقص ولا لا ,
انا رحت لميكانيكى كتير اوى بيشكرو فيه
قاللى ده عاوزه طقم شنبر وكواتش صباب والدخنه مالهاش دعوة بالبنزين
يعنى طقم شنبر هيتعمل كلاكيت تانى مرة فى خلال شهرين
ربنا يصبرنى
انا رحت لميكانيكى كتير اوى بيشكرو فيه
قاللى ده عاوزه طقم شنبر وكواتش صباب والدخنه مالهاش دعوة بالبنزين
يعنى طقم شنبر هيتعمل كلاكيت تانى مرة فى خلال شهرين
ربنا يصبرنى
يا سيدى الفاضل روح لحد يقيس الكبس بتاع الموتور علشان تتطمن
هو معملكش طقم كاوتش صباب وروديه المره اللى فاتت
وبعدين المفروض تعرف برضه أن ده ليه دخل بالزيت ....لو كان منسوب الزيت بينزل عندك
ومتستعجلش فى سماع كلامه وتغير طقم شنبر تانى كده على طول
المرة إلى فاتت معملش طقم كاوتش صباب ولا رودية
والزيت دلوقتى بيقل
انا متهيألى إنه معرفش يحكم الشنبر كويس
صح ولا إيه؟
أما ميكانيكى أى كلام صحيحاقتباس:
المرة إلى فاتت معملش طقم كاوتش صباب ولا رودية
والزيت دلوقتى بيقل
بقه يعمل طقم شنبر وميعملش روديه
سبحان الله ............ومنه لله
شوف ميكانيكى تانى عنده ضمير واعرض عليه الوضع
وأعتقد أنك حتحتاج تحل الرأس وتعمل روديه
وربنا يستر ويكون صاحبنا الأولانى ....ركب الشنابر صح
كلفنى 650 جنيه
الحمد لله على كل شىء
رحت لواحد تانى خبرة قاللى لازم طقم شنبر وكاونش صباب واى حاجه تانيه هنقابله
ربنا يستر
انا الحمد لله عملة تانى طقم شنبر وكاوتش صباب والذى منه وإستلمتها إمبارح
جيت أدورها النهاردة الصبح لقيت ميه بتنزل من الشكمان ورحت بيها الشغل
ولما رجعت من الشغل لقيت الشكمان تحس فيه طبقة سايلة من الزيت
هوه الميكانيكى قاللى إن الشكمان هيعد يطلع الزيت إلى كان نخزنه من قبل كده والخنه قلة أوى بس لسه عاوز أمشى بيها كتير عشان أنظف الشكمان
إيه رأيكم فى الكلام ده
كلام جميلاقتباس:
هوه الميكانيكى قاللى إن الشكمان هيعد يطلع الزيت إلى كان نخزنه من قبل كده والخنه قلة أوى بس لسه عاوز أمشى بيها كتير عشان أنظف الشكمان
إيه رأيكم فى الكلام ده
وبرضه تابع مقاس الزيت عندك دلوقتى
لأن ده أهم حاجه حاليا ....علشان تطمن على الشغل الجديد
واللى يطلع من الشكمان سيبه يطلع
اهم حاجه ......مفيش حاجه تطلع من المكنه نفسها (لاقدر الله )
يعنى مقاس الزيت يبقى ثابت بأستمرار
طيب بالنسبة للميه من الشكمان فى الدواره الصبح
ده بشير خير؟؟؟؟
طيب بالنسبة للميه من الشكمان فى الدواره الصبح
ده بشير خير؟؟؟؟
الميه اللى بتخرج من الشكمان دى بسبب تكثيف بخار ميه من الهواء اللى مالى خط الشكمان وبتعتمد كمية الميه اللى نازله من الشكمان على درجة رطوبة الهواء
لما تزيد الرطوبه بتزيد الميه والعكس صحيح
وبيخرج مع العادم وقت الدواره
وليست حكم على كفاءة المكنه
أهم شىء ....دايما تكون مطمن على ثبات منسوب الميه فى القربه
وبكده ....ولا يهمك أيه اللى يخرج من الشكمان
طيب انا دلوقتى بلاقى فى الشكمان زيت اسود سائل
هل هوه ده الزيت إلى كان متراكم فى الشكمان قبل معمل طقم شنبر
هوه الميكانيكى قاللى هيعد فترة يطلع دخنه من الزيت إلى متخزن فى الشكمان لغاية ميفضى خالص
فهل هوه الزيت إلى أنا شايفه هوه إلى الميكانيكى قصده عليه؟؟؟؟
وهيعد اد ايه عشان الشكمان يفضيه خالص وتبقى من غير دخنه خالص
معلهش انا عارف إنى بتعبك بس انا تعبت من موضوع الدخنه دى
مستنى ردك samirayad
معلهش على الإزعاج
فعلا ده رواسب من التفويت القديماقتباس:
طيب انا دلوقتى بلاقى فى الشكمان زيت اسود سائل
نعماقتباس:
هل هوه ده الزيت إلى كان متراكم فى الشكمان قبل معمل طقم شنبر
فعلا حياخد فتره .....بس ممكن أنت تقلل الفتره دىاقتباس:
هوه الميكانيكى قاللى هيعد فترة يطلع دخنه من الزيت إلى متخزن فى الشكمان لغاية ميفضى خالص
فهل هوه الزيت إلى أنا شايفه هوه إلى الميكانيكى قصده عليه؟؟؟؟
بعمل مشوار أو أكتر على الطريق السريع
مع الحفاظ على ظروف التليين ( زى ماقالك الميكانيكى )
متعديش 90 مثلا ....وميكونش معاك أحمال فى السياره
لو عملت كام مشوار ...أن شاء الله الدخنه والزيت ده كله حينتهى
بس أهم شىء تخللى بالك من مقاس المكنه
لحين الأطمئنان النهائىاقتباس:
معلهش انا عارف إنى بتعبك بس انا تعبت من موضوع الدخنه دى
ياباشا ...مفيش تعب ولا حاجهاقتباس:
مستنى ردك samirayad
معلهش على الإزعاج
وكلنا أخواتك
ورمضان كريم
ومعلش أنا لسه شايف الموضوع دلوقتى
ربنا يباركلك ريحتنى بالكلمتين دول
هيه عاوزه مشوار اسكندرية يعنى
وبالنسبة للزيت انا عامل حوالى 300 كيلو والزيت زى ماهو مش بينقص الحمد لله
بس مستنى يروح خالص يارب
ورمضان كريم
مبروك الشغل الجديد وحافظ على المكنة بقى
بس سؤال يا هندسة
هو لو المكنة سخنة من مشوار وطلعت مقياس الزيت ممكن تلاقى بخار بسيط بيطلع
هو مش دخان تحس انة بخار زيت ولا دة مش طبيعى
طبيعى ياباشا
نتيجة سخونة الزيت وعمليات الطرطشه لتزييت غرف الحريق من الداخل وخلافه
وطالما مقاس الزيت تمام
بعد تبطيل المكنه وأستقرار الزيت جوه الكرتير
يبقى أنسى يــــــــــــــــــا عمرو
سورى : قصدى
يــــــــــــــــــــــــ ـا سامح
اوك ياهندسة
ربنا يطمن قلبك
اصل اول مرة اخد بالى من الموضوع دة
بالمنسبة لمشكلتى
إبتدى الشكمان الزيت السائل فيه ينشف شوية مش زى الأول يعنى
مستنى كام مشوار كمان وإن شاء الله يفضى خالص
أرجو لك التوفيق يا أستاذ : احمد
وكده أنت طمنتنى الحمد لله