الموضوع: 10 جنيهات رسوما على المستقبلين والمودعين للركاب بمطار رقم (3)

ما هي مش هاتيجي إلا كده ..
ماينفعش تقنع المصريين بإن كل واحد مسافر جاي معاه سبعة يودعوه ما هو إلا زحام بدون لازمة و شغل حيز في المطار..فالفلوس هي الحل و اللغة الي بتتفهم على طول..

فعلا الحكومة معاها حق و مليون حق و دشليون حق
الواحد يروح المطار ...... الناس اللي بتودع أو بتستقبل أكتر من الناس اللي مسافرة

و دي مش بتحصل في أي مطار في الدنيا .........

فعلا أحنا شعب درجة تالتة ..... شعب من العالم الثالث يعني .

و موضوع تذكرة الفلوس ده هايخلي العدد يقل كتير جدا .

بس مين قال أن المطارات في البلاد التانية ملهاش فلوس و بتحصلها ؟؟؟؟
في أنجلترا بيحصلوا فلوس للركن ............ زي مصر ..... و لكن هما عندهم نظام مختلف شوية .
كل مطار تقريبا له 3 مداخل للسيارات
المدخل الأول للناس اللي عايزة تسيب العربية لفترة طويلة هاتمتد ليوم أو أكثر .
المدخل الثاني للسيارات اللي هاتركن فترة قصيرة لمدة ساعات مثلا .

المدخل الثالث و هو مجاني و مسموح لك بالوقوف و تنزيل المتاع و الركاب و من ثم المغادرة في خلال خمسة دقائق .
و خمسة دقائق يعني خمسة دقائق ......

الناس هناك ملتزمين جدا جدا

كل علامة على الطريق ....... أغلبية الناس بتتبعها ....... هنا في مصر الشعب بيصعب كل حاجة على نفسه .

الجباية ثم الجباية
بقي أن نعلق عدادات هواء على أنف كل مواطن

حسبي الله ونعم الوكيل

طيب سؤال يا جماعة النا س اللي مش عاجباها القرار

ازاي تحلوا المشكلة دي :
عدد المسافرين ......... هو ربع عدد المستقبلين أو المودعين

ازاي بقى أحنا نحل مشكلة الزحام الغير طبيعي في المطار نفسه و في الطرق المؤدية له ؟؟؟؟؟؟؟؟؟

و الله العظيم تلاتة كل لما أروح المطار
ألاقي مثلا عربيتين بيجو محافظات محملين على آخرهم ناس جاية تودع مسافر واحد !!!!!!!! أو تستقبل مسافر واحد !!!!!!!!!!

أحنا كدا دايما مش عاجبنا حاجة خالص ؟؟؟؟؟؟؟؟؟؟؟؟

و أحنا شعب دايما نأخد كل حاجة بتقدمها الحكومة بدعم بطريقة سلبية جدا
سلع رخيصة تلاقي الناس اللي متيسرة ماديا تروح تشتريها بدل ما تسيبها للناس الغلابة اللي فعلا محتاجها ............ الخ .

قولولي أيه الحل و فعلا زي ما قال الأستاذ Tyler_Durden

فالفلوس هي الحل و اللغة الي بتتفهم على طول..

و فعلا كلامه مظبوط 100 %
لا تصدقوا أنا بفرح أد أيه لما ألاقي واحد عاملي شوماخر و عمال شغال غرز و آخر قلة أدب و عامل نفسه هو الوحيد اللي مستعجل و كأن الوزارة وراه و الديوان هايقفل لو ممشيش بدري
و هوب الاقي لجنة توقف أخينا قليل الأدب
و يتعطل ........... و يدفع غرامة كمان ........... أحسن أحسن أحسن أحسن ........
إنما لما بيكونوا عارفين ان فيه رادر ....... الكل بيمشي محترم ............. لازم العصايا و العقاب و تخليهم يكوعوا قرشين علشان يتعلموا ألأدب شوية .

الحل بكل بساطة هو أنا يكون هناك حد معين قبل دخول المطار ليعبر منه المسافرون فقط لا غير
وكده كله يبقى تمام

لكن عندما نكون في مصر فإن أول فكرة تخطر ببال المسئول لحل مشكلة معينة هي الجباية
ومرحباً بكم في دولة الجباية

المشاركة الأصلية كتبت بواسطة ahmed1981

الحل بكل بساطة هو أنا يكون هناك حد معين قبل دخول المطار ليعبر منه المسافرون فقط لا غير
وكده كله يبقى تمام

لكن عندما نكون في مصر فإن أول فكرة تخطر ببال المسئول لحل مشكلة معينة هي الجباية
ومرحباً بكم في دولة الجباية

طب ما هما عاملين كده و الناس برضه تلاقيها متجمهرة بغباء امام البوابات في منظر رديئ..


و الله أنا بشوف اشكال مهزلة كل ما أروح المطار..فعلا أكبر دعاية سلبية لمصر هما المصريين نفسهم ..يعني طفل عنده ٥ سنين من دول العالم الاول يكفيه بعد نزوله من الطيارة في مطار القاهرة و رؤيته للناس و سلوكياتهم و اصواتهم انه يكون فكرة سلبية جدا عن البلد دي ..