الموضوع: قبل الشراء الالنترا سياره متواضعه جدا

المشاركة الأصلية كتبت بواسطة tarekabosdera

أعتقد ان الاخ صاحب الموضوع هدفه تشويه صورة الالنترا بين الناس وعمل ايحاء بان الالنترا سيارة فاشلة. مع ان الكل عارف مدى
العربية ده في العالم كله.

لذلك انصح بتجاهل هذا الموضوع وترك النقاش لان الاخ كل يوم بيجيب عيب جديد من عنده !!! مش عارف بكرة هيقول ايه كمان.

يا استاذ طارق كل واحد من حقه يكتب وجهة نظره بحريه و المنتدى دا اتعمل عشان الناس تتناقش و حضرتك ليك الحق تقتنع او لا

انا كمان ليا رأى فى الالنترا و كتبته فى موضوع اسمه "وجهة نظر عن الاوبترا و الالنترا " فى منتدى شيفروليه
وأدى اللينك و يارات اشوف ردودكم
http://www.nilemotors.net/Nile/85351-a.html

كل واحد بيتحيز للعربيه اللى هو اشتراها وخلاص يا جماعه لازم الحياد مفيش عربيه مفيهاش عيب دى حقيقه حتى العربيه الجامده عيبها بتكون غاليه

طيب انتا ليه مردتش علي موضوع الفرامل والثبات؟؟؟؟؟؟

ازاي الفرامل بتقول ضعيفة واساسا الالنترا ب 100 الف من غير حتي abs!!!!!!

بالنسبة لموضوع الabs فللاسف الabs فى الجين 2 مضروب زى الabs فى العربيات الصينى بالظبط

فرامل الجين2 فى وجود ال abs ضعيفة جدااااا

اما بالنسبة للتكييف فتكييف الجين2 مش محتاج كلام عنه لان قليل لما تلاقى اضعف منه .

الثبات دى الحاجة اللى مقدرش اتكلم عنها لانى مجربتش ثبات الpersona خالص و لا الالنترا , ممكن يكون احسن من الانترا و الله اعلم.

الكلام اللى انا بقوله دا عن تجربة مش كلام من خيالى و الله لولا ان الكلام دا عن تجربة و كان حد قالى الكلام دا مثلا انا كنت قولت ان الشخص دا بيفتى انما للاسف التجربة شخصية , و للتاكيد فريب واحد صاحبى معاه العربية اكدلى نفس العيوب بالملى و بالذات ضعف الفرامل بس هو بالرغم من العيوب العربية عاجباه و دى حاجة ترجعله خصوصا انه كان عارف العيوب دى قبل ما يشترى العربية !!! و دى اهم نقطة!!!

بعدين فى عيوب كتير اوى الناس كذبتنى و قالوا كلام فارغ و ظهرت عند كل الناس زى الmultifunction و الريموت و حاجات كتير اوى , فمش معقول كل واحد يتهمنى بالكذب و بعدين كل العيوب اللى ظهرت عندى و قولتلكوا عليها تظهر واحدة واحدة عند بقية الناس!!

العربية دى معيوبة و عيوبها معروفة جدا لملاكها و لغيرهم من اهم العيوب ضعف السحب زى ما هو مكتوب على wikipedia على سرعات قليلة و ضعف الفرامل جدا (يعنى العربية مابتمشيش و مبتقوفش ) و فيها عيوب تقفيل بالهبل زى الزراير و الحاجات دى و جلد بيطلع + توكيلها سىء جدا و مش مهتم بيها و شكاوى منه بالهبل و لازم تكون واقف قدامه الساعة 7 الصبح علشان تعرف تدخل + معرفش دى فى كل العربيات و لا لأ بس العربية بتعمل اصوات كتير و قطع غيارها غير متوفرة.

بس مش محتاجة كلام اكتر من كدا واللى شايفنى بفتى يتحدانى و يقولى مفيهاش عيب من العيوب اللى انا قولتها!!!!

يعني منين الجين 2 تبقى ب 80 و 90 الف وفيها اوبشن عربيه ب 160 الف ...؟؟؟؟؟؟؟؟؟؟؟؟؟

على راي محمد هنيدي اكييد العلبه دي فيها عفريت


انا جربت ال I30 والالنترا على خفيف وكمان جربت سواقه الجين 2

الجين تو مش زي ما الناس متخيله انها عربيه تقيله والكلام ده عربيه عاديه جدا فيها سنه تقل في الهيكل تمييل الى الرداءه المستحيله في الصالون ولا كانك راكب لعبه صيني بالضبط

التكييف بصراحه مش اد كده ولو اني مجربتوش كتير بس هو باين عليه انه انه مش بقوه الكوري عامه

انا طبعا مجرتش بالعربيه بس ركبت مع صاحبها وهو بيجري ثباتها كويس ولكن مش الي افضل من الالنترا ده في وجهه نظري

العزل في العربيه دي معدوم بالضبط (فرامل ضعيفه نسبيا لعربيه ماشيه 10000 كيلو بسده بالاضافه الى انها فيها حدفه غريييبه )

التيل الماركه بووش ده كان تقريبا ب 600 جنيه في التوكيل ومش موجود حاليا غير تيل رخيص في التوكيل والناس بتشتكي منه في منتدى بروتون

صوت موتورها غريب جدا جدا جدا عمري ما سمعت زييه في حياااتي سواء العربيه ماشيه او حتى واقفه وكنت ناوي اشتري وحده كسر بدل النيو اكسنت الي معايا عشان هي ثباتها افضل منها بس اول ما دورت العربيه وشغلت التكييف والعربيه واقفه رجعت في قراري

باختصار بروتون ناقصها اعتماديه وافضل ما فيها ثباتها الحلو وموتورها كويس في التسارع ولو ان صوته مش مريحني وحاسس انه مش معمر


------------------------

الالنترا وال i30 باور الهيونداي الكهربا خفيف فعلا ومحتاج ايد حساسه مش محتاج انك تقوا عليه لا مجرد نتشه بسيطه العربيه بتدخل الغرزه مستريح وفي احساس بسيط ان العربيه الدركسيون مش مزبوط او عايم سنه لما بتكون ماشي علطول

انما لما بتفكر تاخد غرزه بيتلاشى الاحساس ده وبتحس ان بادي العربيه تقيل وكويس بالاضافه الى ان الدركسيون لما بتدوس فرامل بعد 100 بيتقل في ايدك تقل ملحوظ عشان تتحكم كويس بالعربيه

والالنترا افضل من الجين تو بصراحه وعربيه محترمه سواء من الداخل او من الخارج وبالنسبه للثبات الالنترا زي الفل وفراملها كويسه جدا جدا

وفي ناس بتقول ان الالنترا الي في التوكيل بقت تقفيل مصري مش كوري ده ممكن لو صحيح يبقى سبب في مشاكل ممكن تحصل في بعض العربيات

وفي ناس بتقول ان الالنترا الي في التوكيل بقت تقفيل مصري مش كوري ده ممكن لو صحيح يبقى سبب في مشاكل ممكن تحصل في بعض العربيات

كلامك كله سليم ميه فى المية

بالنسبة للالنترا فهى كورى 100% ماعدا الانذار و الكاسيت فى فئات معينة و معرفش حاجة كمان و لا لأ انما الالنترا مش بتخش مصنع غبور اطلاقا و الكلام دا بيركب بعد العربية ما بتوصل فى مركز الخدمة.

فعلا الجين 2 نسيت اكتب صوت موتورها المزعج دا (مش عارف مين اللى سماه زئير الاسد) و كل ما حد يركب العربية يقول ايه الصوت دا , صوت الموتور عالى ليه كدا

الجين 2 كانت مشروع عربية كويسة جدا و فشل فى رايى , بس على فكرة الحاجات اللى فيها دى ممكن تطور بسهولة لو بروتون عايزة و تبقى عربية ممتازة و خصوصا ان فى ناس راضية بيها كدا و يقولك انا كنت عارف انا بشترى ايه من الاول قبل ماشترى و خصوصا ان شكلها خطييير من جوه و بره بس عيوبها قاتلة و سعرها 90 الف بس .