الفرق بين الواجا والبرسونا

**nig** · 03-08-2009 10:45 PM

السلام عليكم ورحمة الله وبركاته العجب بالبرتون العالمية الى الاستاذ المحتوم مهاب سعيد ارجو منك الرد حول الفروق الجوهرية بين التحفة الواجه والجميلة البرسونا ومههي نتصحتك في ذلك مع العلم هناك عائلة كبيرة ولكم الشكر.

**M.almaghraby** · 03-08-2009 11:44 PM

البرسونا يا باشا ما هيا الا الجين 2 بس سيدان موتور كام برو 1600 iafm ..........

الواجا مختلفة تماما عنها فالتصميم لكنهم الاتنين سيدان بس الواجا مش iafm هيا موتور كام برو قديم

واكيد الرجالة حيفيدوك فالواجا اكتر مني

**MohabSaeed** · 04-08-2009 12:53 AM

اشكر حضرتك لثقتك الغاليه فى شخصى .

زى مقال مُحب باشا .. البيرسونا هى جين 2 بس سيدان .... حتى انها برده بتنزل باسم جين 2 سيدان .

الفروق الجوهريه مابين الاتنين .... ان الاتنين مختلفين فى كل حاجه معادا الموتور !

الواجا كصالون اوسع نسبيا من البيرسونا .. و السقف اعلى من الخلف . و ده بحكم ان الاتنين فئتين مختلفتين b & c .

البيرسونا كتصميم احدث بحكم انها نازله فى 2008 , و الواجا نزلت سنه 2000 .

خامات التابلوه و جوده التقفيل احسن نسبيا فى الواجا عن البيرسونا .

معظم قطع غيار البيرسونا متوفره بره التوكيل لاشتراكها مع الجين 2 " فى كل حاجه تقريبا " .

قطع غيار الواجا متوافره خارج التوكيل لاشتراكها مع الواجا القديمه فى كل شى معادا الموتور ... و الموتور قطع غيار متوافره لانه موتور الجين 2 ........ الحاجات الى لسه مش متوافره فى المحلات بره بالنسبه للواجا الجديده ... الفوانيس الخلفيه و الاماميه , الاكصدام الامامى , الكبوت ... لانهم مختلفين فى الشكل عن الواجا القديمه . غير القطع ديه كل حاجه موجوده . و باسعار معقوله .

كمساحه و رحابه و جوده تقفيل الواجا افضل , كشكل و تصميم البيرسونا احدث .

الاتنين كويسين جدا بالنسبه لسعرهم و الاختيار النهائى ليك طبعا .

* فى نقطه بس عاوز اعلق عليها بخصوص موتور النيو واجا ...

ال iafm مش تعديل جذرى فى الموتور , لكن تعديل فى طريقه دخول الهواء للموتور " تغير علبه فلتر الهواء " ... التعديل ده مش فى الواجا فعلا.

.. لكن علبه فلتر الهواء الى فى موتور نيو الواجا هى بالظبط زى علبه فلتر الهواء الى فى الواجا ال4g18 ........... يعنى موتور الواجا لا هو زى موتور الجين 2 القديمه او حتى الجين 2 ال iafm ده حاجه تالته مختلفه ... وفلتر الواجا القديمه بيركب فى الجديده , و على حسب ما قريت انه مافهوش مشكله العزم الى كانت فى النسخه الاولى من موتور الكامبرو .

**M.almaghraby** · 04-08-2009 01:00 AM

.. لكن علبه فلتر الهواء الى فى موتور نيو الواجا هى بالظبط زى علبه فلتر الهواء الى فى الواجا ال4g18 ........... يعنى موتور الواجا لا هو زى موتور الجين 2 القديمه او حتى الجين 2 ال iafm ده حاجه تالته مختلفه ... وفلتر الواجا القديمه بيركب فى الجديده , و على حسب ما قريت انه مافهوش مشكله العزم الى كانت فى النسخه الاولى من موتور الكامبرو .

شكرا عالمعلومة الجديدة يا باشا

هوا فيه حاجة غلط فالمنتدي ولا ايه؟ انا مش عارف اشوف updates خالص

**AbuHusam** · 04-08-2009 11:05 AM

السلام عليكم يا جماعة.. والله أنا داخل حالاً علشان أسأل نفس السؤال وفوجئت بالموضوع.. فيكم شيء لله!
أنا بس عاوز أسأل أكتر عن الفرق في الإمكانات بين الاثنين.. يعني قوة الموتور.. قوة التحمل.. متانة الصاج والشاسيه.. وشيء مهم جداً وهو العفشة.. أنا بامشي كتير في مناطق مكسرة وشوارع غير آدمية بالمرة.. وفي نفس الوقت معايا عائلة.. وبرغم إني معجب جدا بالشكل الشبابي الثوري بتاع الجين 2 والبرسونا.. لكن الأهم عندي عوامل المتانة والتحمل والاقتصاد في البنزين ومدى تحمل الموتور للتكييف (طبعاً موتور البرسونا أو الجين أقوى فماذا عن الواجا).. ومهم جداً مسألة اتساع الصالون علشان خاطر الأولاد ووالدتهم وخالاتهم وأخوالهم و و !!!
يعني مش عاوز عربية أحرق بيها أو أجري بيها قصاد عربيات تانية.. فقط عربية عائلية قوية ومتينة تستحمل شوارع ومطبات وحفر المناطق الشعبية وبالكتير أسافر بيها مع الأولاد مرة في السنة مطروح أو اسكندرية وخلاص
آسف على الإطالة.. لكني فعلاً ما صدقت لقيت الموضوع ده.. ومحتار بشدة بين البرسونا والواجا
وشكراً

**Eng. Rafy Samy** · 04-08-2009 02:46 PM

معلش اسمحولي اقول رأي
ان شايف ان الواجا افضل بكتير من البرسونا بدون اي تعصب ... بالذات للي محتاج استخدام عائلي وعن تجربة الاتنين في مشوار واحد للساحل انا وواحد صحبي
1- شنطة البرسونا اصغر واضيق كتير من الواجا
2- عفشة الواجا انعم من البرسونا
3- في فرق واضح وكبير في الصالون ( كنبة البرسونا متخدس 3 نهائي بعكس الواجا) + ارتفاع السقف في صالح الواجا
4- قوة الموتور واحدة بين الاتنين ( وعن تجربة شد بالعربيتين وهما فضيين - نفس السحب والتجميع ولكن بعد ال140 الواجا اقوي )
5- تابلوه الواجا اكبر واوضح وشيك جداً عن البرسونا - ده غير جوده التقفيل والخامات
6- لا يوجد مشاكل جوهرية في العربية نهائي ولا سمعت حد اشتكى منها حتى هنا على المنتدى
7- شكل الواجا جميل وشيك ومبهر وبالذات انه واخد من الباسات ( الفوانيس - الشبكة - الكابوت )

ده رأي الشخصي والقارار الاخير ليك وشكراً

**MoMohsen** · 04-08-2009 03:49 PM

ما هو سعر الواجا الحالى لاعلى فئه وهل فيه اى فرق فى عوامل الامان بين البيرسونا و الواجا؟

**Osama.shihata** · 04-08-2009 05:57 PM

المشاركة الأصلية كتبت بواسطة Eng. Rafy Samy

معلش اسمحولي اقول رأي
ان شايف ان الواجا افضل بكتير من البرسونا بدون اي تعصب ... بالذات للي محتاج استخدام عائلي وعن تجربة الاتنين في مشوار واحد للساحل انا وواحد صحبي
1- شنطة البرسونا اصغر واضيق كتير من الواجا
2- عفشة الواجا انعم من البرسونا
3- في فرق واضح وكبير في الصالون ( كنبة البرسونا متخدس 3 نهائي بعكس الواجا) + ارتفاع السقف في صالح الواجا
4- قوة الموتور واحدة بين الاتنين ( وعن تجربة شد بالعربيتين وهما فضيين - نفس السحب والتجميع ولكن بعد ال140 الواجا اقوي )
5- تابلوه الواجا اكبر واوضح وشيك جداً عن البرسونا - ده غير جوده التقفيل والخامات
6- لا يوجد مشاكل جوهرية في العربية نهائي ولا سمعت حد اشتكى منها حتى هنا على المنتدى
7- شكل الواجا جميل وشيك ومبهر وبالذات انه واخد من الباسات ( الفوانيس - الشبكة - الكابوت )

ده رأي الشخصي والقارار الاخير ليك وشكراً

يا رفيق باشا ده انتا دوبت حبا فى الواجا ربنا يباركلك فيها وتحبها كمان وكمان
بس خد بالك احنا برده بنحب البرسونا

وعندنا نفس الشعور
والله انا رائييى لولا تعددت الازواق لبارت السلعة
بمعنى ان كل واحد ممكن يفضل حاجة اكثر من واحد ثانى وده الى بيخلى فى تنوع فى طلبات الناس
الاهم من كدة انها تبقى بروتون
بروتون عربيات قوية متينة بتستحمل يعبها فقط عيوب التقفيل البسيطة
اما برسونا ولا واجا
الاثنين اخوات ومن ام واحدة
شوف بقى الجمال

مش كدة ولا ايه

**as01241** · 04-08-2009 06:01 PM

المشاركة الأصلية كتبت بواسطة eng. Rafy samy

معلش اسمحولي اقول رأي
ان شايف ان الواجا افضل بكتير من البرسونا بدون اي تعصب ... بالذات للي محتاج استخدام عائلي وعن تجربة الاتنين في مشوار واحد للساحل انا وواحد صحبي
[gdwl]1- شنطة البرسونا اصغر واضيق كتير من الواجا[/gdwl]
2- عفشة الواجا انعم من البرسونا
3- في فرق واضح وكبير في الصالون [gdwl]( كنبة البرسونا متخدس 3 نهائي بعكس الواجا)[/gdwl] + ارتفاع السقف في صالح الواجا
4- قوة الموتور واحدة بين الاتنين ( وعن تجربة شد بالعربيتين وهما فضيين - نفس السحب والتجميع ولكن بعد ال140 الواجا اقوي )
5- تابلوه الواجا اكبر واوضح وشيك جداً عن البرسونا - ده غير جوده التقفيل والخامات
6- لا يوجد مشاكل جوهرية في العربية نهائي ولا سمعت حد اشتكى منها حتى هنا على المنتدى
7- شكل الواجا جميل وشيك ومبهر وبالذات انه واخد من الباسات ( الفوانيس - الشبكة - الكابوت )

ده رأي الشخصي والقارار الاخير ليك وشكراً

مهندس رافي إنت مش شايف إن حضرتك بتبالغ شويتين تلاته أربعة خمسة في الكلام ده عن البرسونا يعني لو شنطة البرسونا أضيق!!! وأصغر !!!!! بكتير !!!!!!!!!!!!!!!!!!! من الواجا يبقى أنا اللي إشترتها دي مش برسونا علما بإن أول مرة روحت التوكيل العربيتين كانوا واقفين جنب بعض وفتحت الشنطتين وهما جنب بعض ومالقتش الفرق الكتييير اللي حضرتك بتتكلم عليه ده(الإتنين تقريبا زي بعض) وعلى فكرة أنا معجب جدا بالواجا واللي خلاني ماأشتريهاش الشكل الكلاسيك لإني حبيت الشكل الحديث بتاع البرسونا بس
ولو كنبة البرسونا ماتاخدش 3 نهائي!!!!!!!!!!!! يبقى بردو اللي أنا إشترتها دي مش برسونا ويبقى التلاتة اللي كانوا راكبين معايا في الكنبة اللي ورا (اللي مابتاخدش 3!!!!!!) كانوا وهم أو يمكن كنت بحلم ولا حاجة . هو حضرتك جبت نهائي دي منين ؟ هل عن تجربة؟ أو حد قالك أو حضرتك خمنت؟ أنا عن تجربة في تلاتة ركبوا معايا ورا وكانوا مرتاحين وما إشتكوش ؟ والكنبة خدتهم ,

مهندس رافي حضرتك معاك واجا ربنا يبارك لك فيها عربية جميلة جدا جدا في رأي وفكرت فيها جديا وكنت خلاص هحجزها لولا بس الشكل الحديث بتاع البرسونا اللي جذبني أكتر وعلى فكرة الواجا صالونها واسع وشنطتها واسعة والبرسونا صالونها بردو واسع وشنطتها واسعة ,,,,,,, وياريت بدون مبالغة أو تعصب وياريت كمان لو تقول آرائنا عن تجربة أو مشاهدة بالعين .
وشكرا

-

الموضوع: الفرق بين الواجا والبرسونا

LinkBack

أدوات الموضوع

عرض

-

-

-

-

-

المواضيع المتشابهه

ايه الفرق بين الواجا 2010 fo و high line

الفرق بين الواجا 2010و2005

أخر أسعار الجين 2 والبرسونا

الجيتز والاكسنت والجين2 والبرسونا والريو

ما هى الاوبشنز والمواصفات لل جين2 والبرسونا

الكلمات الدلالية لهذا الموضوع

المفضلات

المفضلات

ضوابط المشاركة