ألحقونى أنا مش عارف طنابير ولا إيه المشكله؟؟

**hedkandii** · 03-08-2009 11:18 PM

هاى يا جماعه..أنا طبعا عايز أى حل من أهل الخبره فى الكيا ريو 2 ...العربيه كويسه معايا فى كل حاجه الحمدلله..بس فى حاجه غريبه فى العربيه وأنا بصراحه طلع عينى خلاص مش عارف أعمل إيه؟؟العربيه معايا بقالها 9 شهور تقريبا أول ما جبتها مشيت شهرين تلاته كده وبعدين حسيت بهزه جامده فى الدركسيون مع دوسة الفرامل..بحس أن الدركسيون هينط فى وشى من كتر الدردره والهزه اللى فيه...,لاد الحلال قالولى طنابير...روحت جبت طنابير جديده وتيل جديد(بس مش أصلى يعنى)الطنبور كان ب 100 جنيه ..المهمالعربيه مشيت معايا زى الفل بس مش زى الفل أوى عشان الهزه اللى فى الدركسيون ما راحتش 100% كان لسه فى هزه وخصوصا على سرعة 90 أو 100 كم/س المهم قلت ممكن يكون ترصيص..بس عرفت بعد كده ان الترصيص مالوش دعوه بالهزه اللى مع الفرامل...المهم بردو اليومين دول الطنابير رجعت أنيل من الأول...جبت طنابير وتيل جديد بردو...بس المشكله بأه اللى هتجننى أن الطنابير ما بقالهاش أسبوع معايا ولسه فى هزه جامده أوى فى الدركسيون مع الفرامل...مش عارف أعمل أيه والموضوع ده مستفز أوى...مش عارف بأه دى حاجه فى العفشه ولا الأسكتره ولا إيه...أرجو الأفاده أرجوكم

**M.FOUAD** · 04-08-2009 02:35 AM

جرب اخرط الطنابير الجديدة جايز تكون مش مضبوطة

**mohamed777** · 04-08-2009 02:49 AM

احتمال ما تكونش طنابير
انا عندى الطنابير منتهية ومتأكلة ولسة ما غيرتش الطنابير الى الان ولا توجد اى هزة مع الفرامل

الطنابير لو فيها حاجة هتقطع معاك فى دوسة الفرامل مع صفارة

**aYaBooY** · 05-08-2009 06:55 PM

لما تكون فيه هزة و انت ماشي عادي بيكون عيب ترصيص
لما الهزة تحصل مع دوسة الفرامل بس يبقي التيل اكل الطنابير و عاوز تخرط طنابير و نغير تيل و يفضل تشتري تيل كوري اصلي و بلاش التقليد
لما يكون عندك هزة جامدة لما تدخل على حتة مكسرة يبقي تبداء تبص على العفشة من جلب مقصات بيض مقصات و بارات و تيش دركسيون

**Ahmed Selim** · 05-08-2009 07:33 PM

المشاركة الأصلية كتبت بواسطة ayabooy

لما تكون فيه هزة و انت ماشي عادي بيكون عيب ترصيص
لما الهزة تحصل مع دوسة الفرامل بس يبقي التيل اكل الطنابير و عاوز تخرط طنابير و نغير تيل و يفضل تشتري تيل كوري اصلي و بلاش التقليد
لما يكون عندك هزة جامدة لما تدخل على حتة مكسرة يبقي تبداء تبص على العفشة من جلب مقصات بيض مقصات و بارات و تيش دركسيون

+111111111111

جرب تفك الطنابير و تخرطها عند واحد كويس......لو راحت الهزة و بعد كده رجعت تانى غير الطنابير بطنابير أصلى.

و متخليش حد يغسلك الكاوتش بعد مشوار طويل عشان بتكون الطنابير سخنة و المياه بتخليها يحصل فيها عالى و واطى و ده يخلى الهزة تحصل تانى.

**caysersosaih** · 27-08-2009 03:28 AM

حضرتك العيب اللي بتقوله بيكون من علبة الدركسيون
لو العربية باور لاحظ زيت الباور بينقص ولا لأ المفروض ماينقصش خالص انا عندي بقاله سنتين نقص حاجة بسيطة
لو بينقص يبقي علبة دركسيون وفي تلك الحاله هات واحدة استيراد لأن الجديدة غاليه

**aYaBooY** · 27-08-2009 01:47 PM

علبة الدركسيون
امشي بالعربية في حتة مكسرة على سرعة بطيئة لو فيه احساس خبط حديد في حديد في الدركسيون يبقي المشكلة منها
لو فيه صوت خبط و احساس في الارجل يبقي عيب عفشة لو الاتنين يبقي العفشة و الاسكاترا بس عربية حضرتك لسة جديدة على موضوع علبة او اسكاترا

**MMamdouh** · 27-08-2009 03:25 PM

معتقدش فيه طنابير صناعتها كويسة و تكون ب 100 جنية فقط... ازبل طنابير جبتها كانت الSK و كانت ب 180 جنية

انا شايف انك تجيب نوع طنابير محترم و المشكلة حتتحل ان شاء الله بس تراعى فى التركيب انك تنضف الصرة كويس من اى رواسب او صداء قبل ما تركب عليها الطنابير

MMamdouh

-

الموضوع: ألحقونى أنا مش عارف طنابير ولا إيه المشكله؟؟

LinkBack

أدوات الموضوع

عرض

-

-

-

-

-

-

المواضيع المتشابهه

هتجنن مش عارف المشكله فين

ايه المشكله انا مش عارف

ربنا يرحمنا من الفتاوي... ( ايه المشكله لو مش عارف تقول ماعرفش )

ألحقونى....؟؟؟

الكلمات الدلالية لهذا الموضوع

المفضلات

المفضلات

ضوابط المشاركة