جرب تبدل الأماكن كدة مع سواق التاكسى وتخيل انك انت السواق و هوا انت
تخيل الموقف وقولنا رأيك
انا مش عايز اتكلم علشان متزعلش منى
عرض للطباعة
جرب تبدل الأماكن كدة مع سواق التاكسى وتخيل انك انت السواق و هوا انت
تخيل الموقف وقولنا رأيك
انا مش عايز اتكلم علشان متزعلش منى
بصراحة انا لو مكانك هعمل زىك ويمكن اكتر كمان ...دةلو فى اكتر من الى عملتة :Ob_mak1[1]:
انا بتكلم على النحية النفسية ....على الاقل انتا كدة نفسك مش مكسورة وعيلتك مش هيجى عليهم يوم ويفتكوا الى حصل بنفس ضعيفة لا بالعكس ...........انا شايف انك الى عملتة الصح لان الى يمشى ورا القانون مش بيهين غير نفسة وياريت هتعرف تاخد حقق كمان انتا ووسايطك بقى ...بدليل لما مامتك بتهزقهم علشان يخشوا يحوشوا وهموا ولا الهوا ....
.بيبان على الانسان ومن اسلوبة واول ما تتعامل معاه حتى لو متنرفز بتضطر تحترمة غصب عنك
من اخر المحترم احترمة والمتعافى وبيتبلطج اديلة على دماغة ..........وبعديها بينى وبينك المحكمة ,,وانا غلبااااان وابويا فى الجيش هو هيعدى ودى العادى بس هتكون خت حققك فى الاخر مهما حصل وكبرت فى نظر نفسك..........اسف على الاطالة
هوة بصراحه من الاول من ساعت المراية لما اتكسرت مكنش ينفع الاعتذار بلايد كنت تقفلة وكدا اوتيجي جنبة وساعتها لو الوضع اتطور ياخد على دماغة فاهنمبس بليحصل انتوا الاتنين غلطنين واكتر حاجة غظتني لما خبطك من وراااااااااا
روح صلى وادعى ربنا اللى هو احسن واكبر من اى واسطه فى الدنيا
اخويا غلط اه بس احنا كان فى نيتنا نخلصه من غير كل ده سبق وقولت احنا مش بلطجيه وناس محترمه ومش بتوع مشاكل وانا من اول خبطه فتحت الشباك عشان اقوله اركن على جنب لقيته بيشتم ويسب رحت قايله اقف على جنب يابن ويابن راح جاى خابط زى مابتشوف فى الافلام رمى يمين وبعدين راح مطوح شمال علينا وفضل لازق وعايز يطلعنا على الرصيف ساعتها بقى مافيش حاجه اسمها زوق واحترام وابتديت امد ايدى
ولما نزلنا ماكنش فى نيتى امد ايدى على العربيه بتاعته ابسط حاجه كنت موطى على النمره بتاعته وكنت هاشدها واخدها فى العربيه ونمشى لكن لقيته راح ساحب مفك وطيرلى المرايه !!! ها اوطى على راسه ابوسها رحت رازعله فانوس هو مش عايز عافيه ياخد بقى مافيش اكتر منها تلو حكمت الظروف وبعد ماوالدى خد المفك منه طلع عصايه هوكى وخبطنى على دراعى وخدناها منه وركنت العربيه بعيد وخلص الحوار خلاص ورايحين نركب ونمشى راح جارى وخبطها ووالدى لما جه يمسكه جره فى الارض وكان هيموته قولولى بقى مين اللى ابتدى بالاعتداء!!؟؟
الرتب اللى حضرتك بتتكلم عليها دى اولا والدتى مدير عام بوزاره الداخليه (الاداره العامه للمرور ) طرف اساسى فى القصه و قريبى العميد/ اسامه سليم مافيش داعى اقول يقربلى ايه وهو اللى ماسك اداره مشروع تكهين التاكسيات فى 6 اكتوبر حاليا .. ازاى ما استغلهمش
متأكد وواثق من الكلام ده ميه فى الميه وما اقصدش اهين سواقين التاكسيات ابدا ابدا ابدا ولو حد هنا سواق تاكس وزعل من كلاى مستعد ابوس راسهم واحد واحد عشان متأكد انهم ناس محترمه و ناس تعرف فى الاصول والزوق قبل مايبقوا سواقين تاكسيات اما حوار المنصب ده فكرته فى حاجه واحده احترام الكبير سواء اكبر منى سننا او اكبر منى فى المنصب وده شاب صغير يمكن قدى او اكبر بسنه ولا اتنين ما احترمش والدى ووالدتى واخويا الكبير ولا امين الشرطه ولا عسكرى المرور اللى كانوا واقفين واحد شاب زى اخويا او الامين والعسكرى ممكن يضربوه لو ماحترمهمش وقل بيهم لكن واحده زى والدتى هترد عليه ازاى
بجد بجد الاداره العامه شايله عننا بلاوى عربيات ساقطه وبيمشوها ويقولوا سيبوهم ياكلوا عيش دول غلابه وياما عربيات بتتحجز ويقولوا مشوها وسيبوها خليهم ياكلوا عيش لكن يجوا بعد كده السواقين دول ويرفصوا (سورى فى اللفظ) الناس اللى ياما جاملتهم وخافت عليهم يرفصوهم كده برجليهم لا لا ساعتها لازم يتعلموا الادب لان دول مش بيقدوا ولا بيحترموا غيرهم ..
ويتأسف لوحد زعل من (حتته سواق تاكس) قصدى بيها الحيوان ده وليس المهنه
على فكره بقى انا كان نفسى ابقى سواق ميكروباص!!! :O_stupid[1]: والله بجد ....
حسبنا الله ونعم الوكيل فى الظالم والمفترى
حسبى الله ونعم الوكيل فى الظالم والمفترى
لا طلعت صايع يا واد ههههههههههههههه
بس بص يا ايفو انا الحوار ده حصل مرة معايا بس مش عربيتي كانت عربية صاحبي بس انا حقولك الصح قعد برضه يزاول و قام شاتم صاحبي قعد يزنق عليه لحد ماخلاه ركن و احنا نازلين قولت لصاحبي ماتلمسش عربيته و نزلنا و كان الواد حاطط عصاية بلياردو مكسورة في الشنطه لف و جابها و مسكنا السواق ده نفضناه السواق بقي حيعيط بس محدش فينا لمس عربيته و هو ده اللي كنت المفروض تعملة لو انت دمك حامي زيي بس ماتأذهوش في اكل عيشه يمكن العربيه مش بتاعته يبقي انت كده اذيت ناس تانيين و حاول تخلي بالك بعد كده و حمد الله علي سلامة والدك
سيدي الفاضل
انا مش محموق له .... هو غلطان و ابن ستلاف في سبعين الف كمان
بس مع احترامي التام
1- الاستقواء بالكوسة مش صح
2- مش من حقك تكفره حتى لو كان سب الدين لأن اللي بيسب الدين كافر فقط لو كان يعني ما يقول و دي اشك انها هي الحالة
3- مش من حقك تحتقر سائق تاكسي لمجرد انه سائق تاكسي و تقول عليه حتة سواق تاكسي ......
4- مع احترامي التام لكل العاملين بالمرور و الداخلية من اصغر عسكري لحد حبيب العادلي شخصيا
بلاش أسلوب المنة و الجباية الغريب ده
يعني ايه عاملين قوانين و يحمد ربنا؟؟؟؟؟؟؟؟؟؟
الحمد لله على كل شئ بس والدتك مع احترامي بتأدي واجبها و بتاخد حقها (مرتبها) ..... مش معنى كده ان سيادتك تجبي على كل واحد في مصر معاه رخصة قيادة او تسيير ....
بالعكس ..... مع احترامي التام ..... مرتب السيدة الفاضلة والدتك مصدره هو احنا يعني هي اللي شغالة عند الشعب مش الشعب اللي شغال عندها
ازاي؟ من الضرائب (ضريبة الدخل و ضريبة المرور و ضريبة الترخيص و ضريبة المبيعات و الجمارك و غيره من البلاوي الزرقة اللي كلنا بندفعها من لحمنا الحي) ...... هو ده مصدر مرتب السيدة الفاضلة والدتك و كل العاملين بالحكومة
5- انت لو ماكانش معاك الوسايط دي..... كنت هتفرد عليه كده و تستقوى براحتك و ترد الصاع صاعين؟
أشك ..... لأنك كنت هتخاف من العواقب القانونية و غيرها ...... هو ده استغلال النفوذ بالغلط ..... حتى لو معاك حق غلط تستغل نفوذك .....
و فيه مثل أمريكي بيقول Two wrongs do not make a right
يعني الرد عالغلط بغلط مش صح
6- شعورك يبقى ايه لو مرة اتخانقت مع واحد و عملت اللي عملته و طلعت واسطته انه ابن اخت وزير و لا عضو مجلس شعب في الحزب الوطني و لا سفير ..... الخ من الوسايط السوبر ؟؟ ساعتها مع احترامي لوسايطك كنت انت اللي هتتظبط تظبيطة محترمة جدا و ماكانش حد هينفعك الا لو حضرتك مثلا ابن اخت احمد نظيف
7- احنا مش عايشين في غابة
8- لو كل واحد اتخانق مع واحد تاني عملوا في بعض كده اعتقد كلنا هنخاف ننزل الشارع و مش هتبقى عيشة
يا شباب ......
إيفو نقلنا اللى حصل بكامل حزافيره ........
وعنوان موضوعه إنه بيستشير إخواته فى المنتدى عن اللى حصل......
يعنى ملناش عنده غير الرأى والنصيحه.....
من حقك يا ايفو تقبل النصيحه أو ترفضها ......
كل اللى قال كلمه غرضه إننا نبقى مجتمع متحضر...ومفيش حد بيتجبر على حد.......
عموما يا سيدى لو لا قدر الله حصل موقف زى كده تانى متبقاش تخليه يتطور للشكل ده .....ضرب وشتيمه وقله قيمه....حتى لو اللى قدامك قليل العقل.....
خاطبوا الناس على قدر عقولهم......
مش كده برضو....؟؟؟
انت غلطان ان مش معاك الكتريك شوك كان زمانك نهيت الموضوع من بدايتة ومعرضتش نفسك ولا ولدك لخطر بس فى الاخر انت اتصرفت بشكل جيد واحسن انك بهدلتة لانة شكلة بلطجى