وداعاً لحرارة السيارة في فصل الصيف

**basemzaki** · 05-08-2009 03:47 PM

المشاركة الأصلية كتبت بواسطة agwaa

يا جماعة خليكم ديمقراطيين
يعني نجرب الأول ونكم بعدين

عموماً الأخ باسم يشكر جداً على مجهوده وعلى ورودنا في تفكيره
وخلينا عارفين دائماً العبارة التالية :-
( من لم يشكر الناس لم يشكر الله )

يا فندم متشكر جدا علي زوقك، لكن انتو فعلا في تفكيري ودا واجب لأني زي ما استفدت أفكار جميلة من المنتدي الرائع دا و من أفكار حضراتكم الجميلة فلابد أيضا ان لما يكون عندي حل اقدر أساعد اخواتي بيه في المنتدي لابد أن اشارك بيه.

بالاضافة الي شيئ انا بدأت الموضوع بكلمة ( منقول) لأن بمنتهي الأمانة انا مش صاحب الفكرة ولكن فكرت اني اساعد بيها.

ثانيا: فتح زجاج السيارة بقدر صغير يسمح بدخول الهواء فقط حتي تتم عملية التبخير و يفترض عمل هذه التجربة في الأماكن الآمنة فقط يعني انا مثلا بركن في جراج (ساحة في الشارع بين عمارات) في المنطقة اللي فيها شغلي ولكن هناك سايس دائم يعني بكون مطمن وانا فاتح زجاج العربية نوعا ما لأن طبعا زي مانتو عارفين "الحارس هو الله". وأتمني أكون قدرت أفيدكم ولو بالقدر القليل وفي انتظار نتائج التجربة.

وشكرا لكل من اهتم بالرد علي رسالتي.

**Mohd_Adel_Amin** · 05-08-2009 04:08 PM

اعتقد والله اعلم ان الموضوع ده ينجح في الأجواء الجافة زي بعض المناطق في دول الخليج (اعتقد الموضوع في الأصل خليجي ) بس احنا عندنا الرطوبة عالية اصلا , انا عن نفسي اول ما بفتح العربية بعد الشغل بشغل مروحة التكييف واغير مصدر الهواء يجيب هواء من الخارج وافتح الشبابيك خلال دقيقة هتلاقي العربية ممكن تحتمل ..

**Amrrr** · 05-08-2009 04:34 PM

انا مجرب الموضوع النهاردة وهنزل كمان شوية اشوف واقوللكوا ايه الأخبار

**mohamed777** · 06-08-2009 03:53 AM

الف شكر على الموضوع الجميل دة
هو ممكن الموضو ده يجيب نتيجة بس ما تنتظروش نتيجة خيالية

وافتكرو فكرة عمل التكيف الصحراوى ومع ذلك مش بيعمل رطوبة ملحوظة بالرغم من اعتمادة عل الماء

وان شاء الله هجرب وفى انتظار تجارب باقى الاعضاء

**Amrrr** · 13-08-2009 11:32 AM

على فكرة الموضوع مش 100 100 !!
انا جربته مع قفل الازاز محصلشي فرق
وانا فاتح حتة صغيرة اوي فرق بسيط ويمكن بس عشان حاسس اني المفروض الاقي نتيجة بس برضة العربية سخنة من جوة
وأحسن فكرة هي بتاعة المروحة ( من غير تكييف ) وتقلب الهوا من برة العربية مع فتح اي حاجة ممكن تتفتح لمدة دقيقتين يعني الأربع شبابيك مثلا وباب السواق هتلاقي العربية هديت شوية
وطبعاً ألف شكر لصاحب الموضوع

**نور العمر** · 13-08-2009 09:03 PM

فكرة جديدة
وحلوة
وسهلة
وحجربها فورا

الف شكر

**ابوهاشم** · 13-08-2009 11:38 PM

انا كمان هجرب واشوف

**jisso82** · 14-08-2009 02:57 AM

ميرسى على الفكرة هجرب و أقول رأيى لأنى ما اتعودتش أحكم على حاجة قبل ما أجربها بنفسى

**karmoty** · 14-08-2009 05:03 PM

ألف شكر شكر يا ريس عالاافكار العملية ايوة كدة

**فادى محمد** · 14-08-2009 08:13 PM

انا جربت وحطيت ازازه ميه مفتوحه ورا الفتيس وسبت العربيه في قدحه الشمس ولما رجعت ما حسيتش باي فرق ملحوظ ولكن كل الشكر للاخ باسم علي اهتمامه بزملائه - احب اضيف حاجه انه مجرد فتح الازاز حاجه بسيطه بيخفف الشعور بالحراره لان تيارات الهواء الساخن ترتفع لاعلي وبالتالي هتخرج من فتحه الازاز بس هنعمل ايه في الحراميه ؟ ربنا يكملها معانا بالستر