مرايات سكودا فانتازيا 2011 autodimm بكام و ينفع اشتري الكف الزجاجي بس و شكرا
عرض للطباعة
مرايات سكودا فانتازيا 2011 autodimm بكام و ينفع اشتري الكف الزجاجي بس و شكرا
مرايات سكودا فانتازيا 2011 autodimm بكام و ينفع اشتري الكف الزجاجي بس و شكرا
السلام عليكم , انا عندى سؤال انا عندى اوكتافيا ايه 5 2010 اية احسن زيت موتور والمفروض بعد العشرين الف اي الفلاتر تتغير وشكرا جزيلا
دلوقتى يا بشمهندس انا معايا بورا (أخت الأوكتافيا a4) م 2000و لسه جايبها من اسبوعين تقريبا, العربية اتكشف عليها و الحالة العامة ممتازة و فابريقة, المشكلة ان صاحب العربية سواقته كانت هادية جدا و الماتور مخنوق, و بدأت أفتح الموتور من فترة لأخرى بعمل كيك داون بس مش عنيف, و كان كولو تمام و الماتور اتفتح فعلا لكن فوجئت بالأتى:
و انا ماشى على ال d (مبشيش على غيرو و عمرى مجربت النقلات التانية) و مهدى على السلانسيه خالص (و ده عشان وجود زحمة أو وجود تكسير) الاقى العربية أوقات (بس مش كتير) تطفى لواحدها, و تيجى تدور مترضاش ,و تفضل تحاول معاها و انا كابس بنزين و انا و حظى تدور من تالت مرة أو خامس أو سابع و مع ده تشم ريحة بنزين كأن العربية شرقانة, و او اسيبها خالص و انا و حظى و تهدى و بعدين تبقى تدور, و ممكن تمشى كويس و ممكن تعملها تانى (بس على السلانسيه فقط), و ده بيحصل جنبيه تهيسه تانية و هيا لو ماشى على 80 مثلا تلاقى الاكسلاتير علق (مش الدواسة) و صوت الماتور و ال RPM على و طبعا لو على d مابتهداش و لو حطيت ال N ال RPM يعلى على ال 4, و ديه لو انا قدامى طريق مفتوح ممكن اكبس و التعليقة تروح لواحدها, أو أحط N و اقفل ال كنتاكت, لو دارت تانى بتضبط لكن ساعتها ممكن بردو تهنج و ماترضاش تدور شوية. و عموما ملاحظتى انها غالبا مبتظهرش التهنيج ده غير لما اكون كنت قارص عليها شوية
طبعا انا مسكتش انا رحت للميكانيكى بتاعى و هو متخصص فولكس و سكودا فقط و فضل يكبس ينزين عشان تعمل التهنيجة و بعد شوية فعلا هنجتو مردتش تدور و فضل وراها لما دارت و فتح خرطوم من قدام كده جاب بنزين عادى (و نظرا ان العربية على البارد كمان بتدور علطول فاستبعد وجود مشكلة فى طرمبة البنزين), المهم العربية على الجهاو مقرتش مشكلة معينة غير عيب فى نظام الحرارة (الصبح سينسور المياه نور عشان المياه نقصت بسيط). المهم هو كان شاكك بنسبة كبيرة انده تهييس كونترول, و بالفعل جرب جونتول تانى بعد تعريفهو مصلش اى تهنيج, بس بالصدفة العربية بدأت تسخن, و مسك خراطيم المياه لقاها مبتسخنش, و بالتالى اكتشفنا ان طرمبة المياه مبتقلبش المياه كويس و كانت جايبا اخرها,
الملخص: غيرنا الكونترول و طرمبة المياه, و فضلنا مدورين العربية لغاية مطمنا ان المراوح قامت.
لمدة يومين العربية كانت زى الفل سواق قرصت عليها أو لا, و فى الزحمة و فى الطوالى, بس امبارح عملت تهنيجت ال RPM البيعلى, وقفلت و دورت دارت عادى و كملت للبيت, و بعدين بليل كنت خارج عملت التهنيجة ديه تانى قفلت و رجعت أدور و مرضيتش تدور و فضلت عشر دقائق و محاولات متعددة لغاية ما دارت, و عدين انا فتحت التكييف احتياطى لأن المراوح مكنتش شغالة (انا خفت يكون فى حرارة عالية و ده يخلى الكونترول يهيس او يفصل العربية), و فعلا روحت متنكد طبعا, و صحيت روحت شغلى من مدينة نصر للمعادى و مفيش اى مشاكل ظهرت.
هل فى أى أفكار او مشكلة مماثلة ظهرت امامك, و اسف للاطالة
لو سمحت أنا معايا أوكتافيا a4 2009 وعايز كفة مراية شمال كهرباء وطاستين ممكن أعرف سعرهم كام ومنين
عندي مازدا 323 موديل 82 وعايز اغيرها باسكودا فيليشيا موديل 95 لان منطقتي بها الكثير جدا من المطبات والطرق الغير سليمة فمحتاج عربية عفشتها قويه واسمع ان الفليشيا عفشتها معمرة بعكس المازدا محتاجة تظبيط كل شوية
فهل العربية دي كويسة ولا ايه افيدوني الله يكرمكم
مع العلم ان المازدا صوتها تمام وسحبها تمام ومبتقولش لا لبنزين 80
ارجو الافادة ايه رائيكو في اسكودا فبيا 2002 هي سعرها عامل كام دلوقتي و ايه مميزتها و عيوبها
محدش يستفسر عن حاجة هنا علشان مفيش حد بيرد
السلام عليكم
انا بسال على سكودا فيلشيا سعرها ومواصفاتها موديل 2012
انا دورت فى المواقع مافيش اى تقرير عنها سواء مصور او مكتوب يارريت الا يعرف اى حاجة يقول
بس موديل 2012 جديدة وايه رايكم فيها
وشكرا
أنا بفكر اشترى عربية اوكتافيا a5 قدامى واحدة 2006 وماشية 95000 أكشف عليها فين وايه المفروض اغيره لما اخدها وايه عيوب العربية وسعرها تقريبا كام
السلام عليكم يا بشمهندس والله انت جتلى نجده من السما ليا سؤال مهم وارجو الرد عليه سريعا وباهميه ولكا جزيل الشكر وهو انا نوى اشترى عربيه سكودا a5 من المانيا 2005 تبع المعقين الموتور( 1600 cc fsi )عايز اعرف ايه رايك فى مميزاتها وعيوبها وهل يوجد لها قطع غيار فى مصر ولا ملهاش(ملحوظه الموتور الfsiمش موجود فى مصر وهل يوجدفرق بينه وبين الى فى مصر وشكرا (بلاه عليك ترد بسرعه ولك جزيل الشكر)
السلام عليكوم ولله انتا جيتلى نجدا من السماء عندى سؤال ارجو الرد عليه لا اهميه القسوه انا نواى اشتريت سيارة اسكوده e5موديل 2005 من المنيا تبع سيارات الموعقين مع العلم انى المتور 1600 سى سى fsiهل يوجود فرق بينها وبين الى فى مصر من نحيت قطع الغيار و ارجو ان تقولى عيبوها و مميزتها مع العلم انى المتورfsiولك جزيل الِشكر
السلام عليكم
سكودا a5 2007
كانت من حوالى شهر فى غربلة او رجرجة فى العربية ما بين سرعة 40 و60
حاليا بقت ما بين 30 و90
أولا فوق كدة مفيش الحكاية دى
ثانيا اما بشيل رجلى من عالبنزين وانا عالسرعات دى الحكاية دى بتختفى
وكمان انا عايز اسأل عن افضل زيت موتور ليها برة التوكيل علما بأنى بحط موبيل ومش مرتاح معاة من أيام اللانسر
العربية دى مشتريها استعمال وعاملة 96 الف كيلو
وأما سألت صاحبها عن انة غير زيت الفتيس فى صيانة 60000
قاللى لأ ومش عارف دلوقتى العربية ماشية ازاى
فأية الحل علما بأنى من سوهاج ومفيش مراكز خدمة سكودا عندنا
وكمان أنا عارف ان موضوع زيت الفتيس ميتعملش برة التوكيل
وازاى ممكن اعرف حالة زيت الفتيس اية
وشكرا
بعد اذنك يا بشمهندس كنت عايز اعرف سعر فتيس ال a4 الاوتوماتيك كام جديد و كام استيراد .... و الزهره بس تمنها كام .. ؟؟
الزيت الاصلي لسكودا a4 موجود في محل الهاشميه بالعباسيه رقم التلفون :0224827419 ومركز master volks بفرعيه مدينه نصروالهرم ورقم تلفوناتهم 01114664667_01064189110
شكرا لرد حضرتك
بالفعل انا كشفت عند عفشجى عالعربية
وقاللى
ان راس الكوبلن الداخلى عايزة تتغير و قواعد الموتور
وجلبة المقص كمان
حضرتك تعرف الحاجات دى الاصلى منها بكام خارج التوكيل
وقواعد الموتور دى ملهاش حل الا التغيير ولا اية؟
بص يا باشا, أسعار ال a5 معرفش فيها فمش هفتى, بس ممكن تكلم الهاشمية و الرقم تليفونهم موجود فى مشاركة فى نفس الصفحة فوق و هما بيبيعوا الحاجات الأصلى للسكودا, و أعتقد كل الأنت ذكرتو من قواعد و رأس كوبلن و جلبة, لازملهم تغيير. معرفش رأس الكوبلن بتتباع استيراد لواحدها ولا لأ.
شكرا كتير لحضرتك
بس اكتر حاجة قلقانى حوار زيت الفتيس اللى متغيرش دة
ومش عارف أسال مين أو فين؟؟؟
السلام عليكم وا
كنت عايز اسال عن الفرامل بتاعت الa4 لما بكون ماشي بسرعة واضغط علي الفرامل جامد بحس ان العربية بتحدف
السلام عليكم احب اشكر حضرتك على الموضوع ده وفعلا انا استفدت كتير منه لدرجة انى فضلت اقرا فيه حوالى كام ساعه لحد ما النهار طلع ولسه هاكمله ان شاء الله .
ولو سمحت عندى استفسار عربيتى A4 موديل 2004 اوتوماتيك دايما بحس فى طلعتها (بنعره) فى الصوت بتاع الموتور وكانها عربيه 4x4 مثلا
العربيه عامله 100.000 كيلو مغيرلها فلتر البنزين وهى 80.000 وجميع السيور والزيت دايما موبيل وبسقطه قبل معاده بكتير جدا
ملحوظه مش عارف لها قيمه او لأ ان العربيه مرفوعه دايما ما عدا شهر او اتنين كل سنه .
ومعلش حاجه تانيه لو حبيت اغير الطاره بواحده تانيه Tuning ازاى الجديده هايكون فيها الايرباج ولا مش هاينفع يكون فيها ايرباج اصلا.
وشكرا على مجهود حضرتك
السلام عليكم
أنا معايا a5 2008 ومركب لها جنط 17 وكاوتش عريض المهم المشكله عندي بتكون لما أسافر ومركب أشخاص وشنط كتير العفشة بترزع جامد مع أهيف مطب هواء في ناس نصحوني أغير السوست بتاعتها لأنها خليجي وأجيب المصري بس صراحه مقلق سألت عن الموضوع قالو يتكلف 1500 جنيه تقريبا وهيعلي العربيه حاجه بسيطه ومش هتأثر في الثبات لأنك مركب جنط أكبر وكاوتش أعرض لأن المصري نازل مواصفات تستحمل عن الخليجي واخد رفاهيه وثبات أكتر ده على حد قولهم في أحد مراكز الصيانه الغير معتمد..
ياريت أسمع نصايح حضراتكم لو جربتم الموضوع ده
وشكرااا
السلام عليكم .. مهندس يوسف أنا معايا فانتازيا 2012 TP لسة معملتش 3000 كم ..وانا بجيب reverse بسمع صوت طقة من ناحية العجلة الشمال قدام .. وديتها مركز خدمة الاقصى اعدت يومين يجربوا ويقوللي في الاخر مش عارفين الصوت ده منين العربية كلها زيرو من تحت . أنا معرفش هو ده صوت طبيعي ولا إيه .. فـياريت تدلني أو تنصحني بمركز خدمة أكتر خبرة يمكن يكون المركز اللي رحته معندهمش خبرة كفاية . أو يمكن يكون كل الفانتازيا فيها الصوت ده
وشكرا
بشمهندس يوسف.. كان في موضوع خاص ببعض الاستفسارات عن اوكتافيا A4
ياريت مشاركتك لتعم الفائدة وجزاكم الله خير
اللينك: http://www.nilemotors.net/Nile/278630-a4.html
يا جماعة نصيحة للعايز يشترى أوكتافيا أو فنتازيا يجيب مانيوال لأن الأوتوماتيك بتاعها حساس جدا ومشاكلها كتير ومش مناسب لمصر وبينفع مع القيادة الحريصة فقط ..أما المانيوال فأنها قليلة الأعطال جدا وبلا مشاكل تقريبا ..وعلى فكرة ده عيب فى معظم الألمانى ..ده عن تجربة ..الأوتوماتيك (أمريكانى ويابانى ) فقط
[b][size="6"]السلام عليكم
معى سيارة اوكتافيا a 5 وكانت هناك مشكلة ان لمبة الباور اضائت اصفر ثم تنطفىء بعد فصل الكونتكت واعادة تدوير الماتور و اتضح ان هناك عيب الكترونى فى الاسكترا وتم تغير الاسكترا فى التوكيل مع تركيب اسكترا لاوكتافيا فانتازيا وقال لى التوكيل انها نفس الاسكترا الا انها يتم ربطها بثلاث مسامير بدلا من اربعة
ثم ذهبت لضبط الزوايا وتم ضبطها والتاكد من ذلك فى اكثر من مركز الذى اكد ان الزوايا مضبوطة الا ان السيارة تنحرف جهة اليمين وتم تغيير جميع فرد الكاوتش بين الاربعة اتجاهات ومازالت تنحرف الى اليمين قليلا ونصحنى صاحب مركز الزوايا بمعايرة حساس الاسكترا طرف التوكيل ارجو النصح ماذا افعل فهل تغير الاسكترا يحتاج الى اعادة معايرة لحساس الاسكترا ليحدد للسيارة الاتجاه الطوالى مع ضبط الدركسيون والعجل]
السلام عليكم
اريد فحص اوكتافيا باحدى المرااكز الموثوق بها فى القاهرة ، اروح فين وتكلفة الفحص كام ، والوكيا افضل ولا اى مركز ، ويا ترى يا خبراء الاوكتافيا موديل 98 كويس ولا فيه مشاكل....
السلام عليكم
اريد فحص اوكتافيا باحدى المرااكز الموثوق بها فى القاهرة ، اروح فين وتكلفة الفحص كام ، والوكيا افضل ولا اى مركز ، ويا ترى يا خبراء الاوكتافيا موديل 98 كويس ولا فيه مشاكل....
مشكله فى العربية سكودا فلشيا لمبة الزيت وانا ماشى تقيد وتطفى مع كل نقله مجرد ماشيل رجلى من على دواسه البنزين تقعد ترعش ولما ادوس سنه تختفى
مشكله فى العربية سكودا فلشيا لمبة الزيت وانا ماشى تقيد وتطفى مع كل نقله مجرد ماشيل رجلى من على دواسه البنزين تقعد ترعش ولما ادوس سنه تختفى
انا معايا سكودا فيليشيا وعلطول الشيارة بتسخن و بلاقى مياة خارجة من غطاء القربة
وخيرة الغطاء اكثر من مرة و المية زى ما هية و اكثر من ميكانيكى يقولى مفيش مشكلة فى الميكانيكة برجاء اعطائى السبب لان العربية بتسخن وخصوصا" فى الصيف و المياة بتقل
وجزاك الله خير"
انا معايا اوكتافيا ٢٠٠٦ وعندي سؤال متعلق بالتكييف في العربيه. في التكييف المفروض في مفتاح لما بشعله بيفصل الهوا الخارجي عن الهو الداخلي للسياره.
المفتاح ده عندي مش بيشتغل الا والتكييف شغال علي عكس الانسر اللي كانت معايا كان بيشتغل علشان يمنع الهو الي جاي من بره العربيه لو انا مش محتاجه، فهل ده طبيعي في الاوكتافيا وان الحل الوحيد اني اقفل فتحه الهوايات بتاع التكييف ؟ مع اني حتي لما بقفل الهوايات بتاع التكييف بسمع صوت الهو جوا الفتحات برضه.
تاني حاجه اني لما بشغل التكييف واشعل المفتاح بتاع الهوا الداخلي فقط، بحس بصوت هوا بسيط برضه و كان المفتاح ده معملش حاجه مع انه شغال ومنور قدامي ؟
فا عايز اعرف ده طبيعي ولا ممكن يكون في مشكله في المفتاح نفسه ؟؟
انا معايا اوكتافيا ٢٠٠٦ وعندي سؤال متعلق بالتكييف في العربيه. في التكييف المفروض في مفتاح لما بشعله بيفصل الهوا الخارجي عن الهو الداخلي للسياره.
المفتاح ده عندي مش بيشتغل الا والتكييف شغال علي عكس الانسر اللي كانت معايا كان بيشتغل علشان يمنع الهو الي جاي من بره العربيه لو انا مش محتاجه، فهل ده طبيعي في الاوكتافيا وان الحل الوحيد اني اقفل فتحه الهوايات بتاع التكييف ؟ مع اني حتي لما بقفل الهوايات بتاع التكييف بسمع صوت الهو جوا الفتحات برضه.
تاني حاجه اني لما بشغل التكييف واشعل المفتاح بتاع الهوا الداخلي فقط، بحس بصوت هوا بسيط برضه و كان المفتاح ده معملش حاجه مع انه شغال ومنور قدامي ؟
فا عايز اعرف ده طبيعي ولا ممكن يكون في مشكله في المفتاح نفسه ؟؟
انا معايا اوكتافيا ٢٠٠٦ وعندي سؤال متعلق بالتكييف في العربيه. في التكييف المفروض في مفتاح لما بشعله بيفصل الهوا الخارجي عن الهو الداخلي للسياره.
المفتاح ده عندي مش بيشتغل الا والتكييف شغال علي عكس الانسر اللي كانت معايا كان بيشتغل علشان يمنع الهو الي جاي من بره العربيه لو انا مش محتاجه، فهل ده طبيعي في الاوكتافيا وان الحل الوحيد اني اقفل فتحه الهوايات بتاع التكييف ؟ مع اني حتي لما بقفل الهوايات بتاع التكييف بسمع صوت الهو جوا الفتحات برضه.
تاني حاجه اني لما بشغل التكييف واشعل المفتاح بتاع الهوا الداخلي فقط، بحس بصوت هوا بسيط برضه و كان المفتاح ده معملش حاجه مع انه شغال ومنور قدامي ؟
فا عايز اعرف ده طبيعي ولا ممكن يكون في مشكله في المفتاح نفسه ؟؟
وكان عندي سؤال بخصوص الفتيس الاتوماتيك، انا لاحظت انك بتقول فيه مشاكل مع ان العربيه معايا ماشاء الله ومفيش اي مشكله في الفتيس معايا،، فا العيوب او المشاكل اللي بتحصل في الفتيس دي بيكون سبابها ايه بالظبط
كان عندى نفس المشكلة واتحلت والحمد لله روح لميكانيكى شاطر عشان يظبطلك كهربه العربية لانها كدة اكيد بتطفى معاك لما بتيجى تهدى
اذيك يا بشمهندس يوسف انا عندى مشكلة حصلت فى الفيليشيا 97 مكيف وياريت تنجدنى بالحل
معلش حسرد الموضوع من البداية
كنت مركب فلتر 8خرم وانا بغير الزيت وبعدها بيومبن لمبة الزيت نورت خرجت مشوارين على كدة ولمبة الزيت منورة وبعدها لقيت دخان أبيض كثيف جدا بيخرج من الشكمان رحت للميكانيكى قاللى العيب فى الفلتر كان بياخد زيت وميوصلش للموتور وبكدة الموتور عايز طقم شنبر.
ميكانيكى تانى رأية اغير الموتور واجيب موتور استيراد وكدة لان فيه بوجية كل شوية بيجيب زيت وعملتله كرسى مؤقتا لان الزيت فعلا بينقص بسرعة.
ايه رايك ياريت تساعدنى برأى حضرتك وخبراتك السابقة؟ طقم شنبر ولا موتور جديد ولا ممكن يكون الحل ابسط
ومعلش طولت على حضرتك