اى حد عندى استفسار عن skoda انا موجود !

**MRG256** · 29-01-2010 04:19 PM

السلام عليكم ورحمة الله وبركاته
هو مفيش اخبار عن فابيا 2010 ياريت نعرف المواصفات واﻷسعار
شكراً جزيلاً

**tot** · 29-01-2010 05:23 PM

المشاركة الأصلية كتبت بواسطة yts17

أتمنى متبقاش زعلان من تأخيرى فى الرد

لا يا باشا كتر خيرك و الله انك بتعرف ترد على كل الاسئلة دى

**elwazzan** · 29-01-2010 11:51 PM

باشا لو سمحت هو حضرتك من اسكندرية؟لو يعنى من اسكندرية يا ريت توصفلى ميكانيكى كويس علشان عندى جوان الجنب غلبت فية وخلاص قربت اعلن افلاسى

**yts17** · 30-01-2010 01:04 AM

المشاركة الأصلية كتبت بواسطة elwazzan

باشا لو سمحت هو حضرتك من اسكندرية؟لو يعنى من اسكندرية يا ريت توصفلى ميكانيكى كويس علشان عندى جوان الجنب غلبت فية وخلاص قربت اعلن افلاسى

للأسف انا مش من اسكندرية . لو عليا كنت أتمنى ابقى من اسكندرية واعملهوللك بنفسى :) ممكن تروح نور الشريف عندكوا فى اسكندرية

**elwazzan** · 30-01-2010 06:26 AM

والنبى متجيبلى سيرتة دول شوية ميكانيكية مفهمش حد فاهم حاجة والمهندسين اللى هناك مبيعملوش حاجة لابسين بدل وياخد منك العربية يدخلها الورشة للعامل ويطلع يجيب غيرها وفى الاخر يسلمهالك دة بعد ما تدفع دم قلبك والعطل زى ماهو

**marawansabry** · 31-01-2010 09:54 PM

هي لية العربية بعد كل صيانة دورية ووضعها على الجهاز بحس انها اتكتمت كدة لفترة يعني السحب مش هوه وشوية بتفك .. ودا ميش احساس او تهيوئات دي بجد السحب فعلا بيقل بعد كل صيانة (على فكرة انا بعمل الصيانة في توكيل اسكودا الرئيسي بتاع غمرة)

**elwazzan** · 01-02-2010 03:42 AM

هو الفيليشا 98 لها جهاز تحديد اعطال يعنى ممكن تتحط على جهاز تحديد الاعطال؟

**marawansabry** · 01-02-2010 06:20 PM

سؤال العربية لما بزود بنزين (اكسلاتير) وانا ماشي بسمع صوت حفة كدة (صوت حديد بيحف مع حديد) (كانك بتسن سكينة او بتشفط من شفاط) (ميش صوت ورة) والصوت بيروح لو انا واقف وبزود بنزين وبجيب اي غيار .. او لو انا بجري وشيلت رجلي من على البنزين .. يعني هو مرتبط بزيادة الدوس على البنزين مع الحركة فقط ملهوش اثر لو شيلت رجلي والعربية لسة بتجري او لو زودت والعربية وقفه في مكانها .. وشكرا

**islamaboelnaga** · 01-02-2010 08:15 PM

انا برده بلاحظ موضوع السحب اللى بيقل بعد الصيانه بس بعد يوم او يومين بيتحسن جامد و يبقى احسن من الاول

**islam_ndc** · 02-02-2010 10:53 AM

المشاركة الأصلية كتبت بواسطة yts17

المشكلة الأساسية ان علشان الخرائط تشتغل على الكاسيت لازم خرائط معينة ومش اى خريطة تشتغل بمعنى مينفعش خرائط igo8 او sygic أو ndrive (دوول اشهر برامج الموبيلات اللى بتدعم خرائط مصر ) تشتغل على العربية عندك موجود عن طريق بعض المواقع على الانترنت الخرائط المتوافقة مع العربية بس معرفش فيها مصر ولا لأ

شكرا يا بشمهندس/ يوسف على الافاده . ارجو الافادة فى موضوع اخر وهو يوم متش مصر وغانا الف الف الفمبروك لمصر كنت ذاهب من العمل الى المنزل وللاسف انتظرت فى الطريق حوالى 3 ساعات انتظار ما بين ال D وال N وبعد ما الطريق فتح لقيت سخونه جمدة جدا طلعه من الدواسه مع ان مؤشر الحرارة كان على 90 ولم ينزل ولم يطلع فى كافه الاحوال ولم تضيئ اى مؤشرات ان الحراره عاليه ولكن بعد المشى فترة على الدائرى اختفت هذه الحرارة بعض الاصدقاء قال لى انه احتباس حرارى وعادى وتم الاتصال بالوكيل فقال فتحات التهويه مفتوحه مع العلم بان التكيف كان مغلق ولكن جربت ان افتح التكيف والضغط على الزر الخاص بتقليب الهواء داخل السيارة وعدم دخول هواء خارجى وبعدها اغلقت التكيف ولكن لحظت ان الهويات تفتح اوتوماتيك على السرعات العاليه فوق 100 كم السيارة موديل 2010 هاى لاين العداد 1200 كم ولكم جزيل الشكر على الافادة والرد السريع...... اسلام