الموضوع: اى حد عندى استفسار عن skoda انا موجود !

المشاركة الأصلية كتبت بواسطة khaledtag

عندى استفسار يا باشا
التزييقه فى الباب اليمين اللى ورا مع كل مطب
العفشه ناشفه قوى
لو تعرف حد امين يجيبلى فتيس استيراد أو يصلحلى الفتيس أكون شاكر هى العربيه ماشيه بالتالت بس و ما بتجبش الغيار الرابع وألف شكر ليك على مجهودك الرائع و تعبك
على فكره العربيه اوتماتيك 2006
a4

التزيقة دى مش طبيعية وممكن تكون من الفرش او مفاصل الباب وممكن طبعاً تكون من العفشة
بالنسبة للعفشة عفشة ال A4 وال A5 فعلاً ناشفة شوية بس لازم نبقى فاهمين ان العفشة الناشفة بتدى ثبات قوى على الطريق بمعنى لو حضرتك ركب عربية SPORT معمولة علشان الجرى هتلاقى عفشتها ناشفة جداً فالعفشة الرياضية او الشاقة بتدى ثبات ولكن بتبقى غير مريحة ودا باين اوى فى ال a5 بالذات العربية بتجيب لحد 160 وانت مش حاسس باى حاجة بس فى المقابل بتحس بكل مطب بتاخده وانت ماشى على سرعة 10 :)
بالنسبة لموضوع الفتيس بدال الفتيس مفهوش نتشة (نتشة يعنى الفتيس لما يجى ينقل من غيار للتانى تحس بحركة أمامية وخلفية فى توقيت النقلة هزة قوية ممكن تبقى بصوت وممكن لأ) ولا تفويتة ( تفويتة يعنى ال RPM يعلى جدا فى توقيت النقلة والنقلة تتأخر ثم فجأة تتم النقلة ) يبقى كدا العيب مش ميكانيكى دا احتمال كبير جداً يبقى عيب كهربى (حساسات) عشلان كدا ارجحللك التصليح . الفتيس فى ال A4 لما بيبقى فى نقص فى المعلومات الواصلة للكنترول بيعلن حالة الطوارئ فى الفتيس ةعلى أساسه العربية بتمشى لى غيار واحد وهو الغيار رقم 3 . غالباً المشكلة عندك منحصرة فى 3 حاجات
1- حساس ROAD SPEED SENSOR
2- GEAR BOX SPEED SENSOR
3-MultiFunction او الخريطة زى مابيسموها
الحساسات دى موجودة جمب البطارية وفى واحد تحت قاعدة البطارية

:)

المشاركة الأصلية كتبت بواسطة tot

ماتوديهاش اى توكيل، عشان اصلا مفيش جهاز اخترعوه يقولك العربية عاملة كام كيلو،
و هتصيع فلوسك ع الفاضى، الجهاز اللى عندهم موجود فى الورش اللى بيبين الاعطال سواء ف فولكس او ف سكودا

الجهاز الموجود فى مراكز الصيانة اسمه VAS 5052 أو VAS 5052A
الجهاز دا تمنه فى حدود 5000 يورو بدون الجمارك بالجمارك بيعدى ال 55 الف جنيه الجهاز دا فيه
vechile SELF DIAGNOSE
OBD
GUIDED FUNCTIONS
GUIDED FAULT FINDING

معطم الأجهزة الموجودة فى الورشموجود فيها الvechile SELF DIAGNOSE اخرها بتقدر تقرا الأخطاء وتظبط بوابة وتقوم بكام خطوة من خطوات ال vas والأجهزة دى اسمها vag

الأجهزة دى بيتراوح سعرها من 2000 ل 15000 الف جنيه عشلان كدا بتلاحظ حضرتك مثلاً ان اللى بيكشف أعطال مبيقدرش يكود المفاتيح الا بجهاز مختلف عن الجهاز اللى كشف بيه على الأعطال
ال vag اسمه جهاز كشف أعطال (بيدى قراءات فقط)
ال vas اسمه جهاز تشخيص أعطال (بيدى قراءات وطرق التعامل مع المشاكل والقراءات الغير طبيعية

الفرق بين ال vas وال vag من الأخر زى الفرق بين الطبيب والصيدلى فى تشخيص الأمراض ممكن الصيدلى يعالجلك لو عندك برد أو صداع انما لو عندك قلب أو ضغط أو مرض صعب هيقلك روح لطبيب :) بالضبط زى ما الميكانيكى برا يحتاس ويقوللك روح التوكيل :)

المشاركة الأصلية كتبت بواسطة yts17

بعتذر على التأخير فى الاجابة على الاستفسارات والمشاكل لمدة طويلة نظراً لانشغالى ولأن والدى كان بيعمل عملية كبيرة فى القلب ربنا يعفينا كلنا

انا بس حابب اقول حاجة دلوقتى فى ناس مشكورة بتدخل تجاوب على استفسارات ناس تانية من واقع تجاربها الشخصية وليس من واقع علمها او خبرتها . طبعاً دا بيحصل لأنى بتأخر فى التجاوب مع الاستفسارات والرد على الاسئلة الموجودة . انا بس عايز ميحصلش لبس بين المعلومة الناتجة عن تجربة شخصية وعن المعلومة الناتجة من خبرات ودراسات وصادرة من فرد السيارت حياته وعمله الرئيسى .

شكراً لكل من ساهم فى الرد على الاستفسارات فى غيابى من واقع خبرته الشخصية وأنا لا أقلل من شأن اى شخص حاول المساعدة ولكن يجب على طارح السؤال التفريق بين رأيى شخصى صادر من مستخدم للسيارات و استشارة صادرة من مهندس ورشة سيارات متخصص .

جارى الأجابة على جميع الأسئلة :)

حمدا ً لله على العوده بعد الغياب و إن شاء الله يكون الوالد بأحسن حال

انا معايا سكودا فليشيا 2000 وكنت عايز اركبلها تكيف فعايز اعرف تمنة كام فى التوكيل
وهل بيأثر على العربية (سخونة) وشكرا.....؟

المشاركة الأصلية كتبت بواسطة Dr.Ahmed_Taha

اولا الف شكر لتعاون حضرتك ومساعدتك للاعضاء
جعله الله فى ميزان حسناتك ان شاء الله
بس معلشش حضرتك قولت معلومه غريبه شويه
اولا انا بحب اعربيه ال a5 جدا جدا جدا
ثانيا انا كان نفسى انى اسمع انها ممتازه فى كل حاجه اساسيه فيها والعيوب تبقى فى الحاجات البسيطه
ثالثا والاهم موضوع البلوف ده بقى
يعنى طلع حاجه كبيره ومبلع مش هين برضه
يعنى اجيب عربيه مثلا علشان اعمل بيها 400 كيلو يوميا لشغلى او لمكان ما يعنى تقريبا هاتعدى ال 70 الف كيلو فى سنه اواقل او اكتر بحاجه بسيطه
هل من الطبيعى انى اشترى عربيه ب 200 الف واصرف عليها 12 الف كل سنه بالاضافه الى المصاريف العاديه من ترخيص وبنزين وصيانه وغيره
اظن كده صعبه اوى
ياترى حضرتك توضح لنا اكتر نتعامل ازاى مع العربيه للحفاظ عليها من غير المبلغ ده اللى ممكن يدفع سنويا
وجزاكم الله كل خير
واسف على الاطاله

موضوع ال valve موضوع هام برجا الاهتمام بة و الرد علية و شكرا