هاني لعب لي في دماغي الله يسامحه
و رحت شفت السينيك و دماغي لفت الصراحة
هي ب 167
و هينزلوا لي فيها 5
يعني 162
دي اااااااااخر عربية في eim في مصر
و الشكل ده مش نازل تاني
رأيكم ايه؟؟؟؟؟؟؟
عرض للطباعة
هاني لعب لي في دماغي الله يسامحه
و رحت شفت السينيك و دماغي لفت الصراحة
هي ب 167
و هينزلوا لي فيها 5
يعني 162
دي اااااااااخر عربية في eim في مصر
و الشكل ده مش نازل تاني
رأيكم ايه؟؟؟؟؟؟؟
معلش هي 168 و هابقى 163
يا سلام يا باشمهندس / أحمد لو تصبر على ما تنزل ميجان 3 هاتشباك :10d5c8~1107:
انت عايز تجيبها زيرو و لا مستعمل ؟
أصل اعرف واحد معاه سينيك و إحتمال يبيع قريب
طيب هو إعادة البيع في سينيك زي ميجان و لاّ أحسن و لاّ أقل ؟ :U_thin1[1]:
زى الميجان برضه
و خاصة انها بتشترك مع الميجان فى حاجات كتير
تمام كده ، يبقى فاضل يكون م / أحمد مقتنع + أسعار الصيانات
حد هنا معاه سينيك طيب يحكي لنا عن تجربته :)
و الله الفرق بينها و بين الكارينز كتير ..... 53 الف :(
بس بصراحة تستاهل
شكلي هاتجنن و اعملها
انا لازم اقرر بسرعة ...... دي اخر عربية في رينو في مصر كلها
و معروضة في المعرض اساسا
هااااااااااا قلتوا ايه؟
2 بس معاهم سينيك و للأسف المشاركات قليلة جداااااااا ، تلاقيهم هنا :
معـــاك ريــــنو - عرفنـــا بنفســك
هو زرار و عداد ال thanks اختفوا فين؟؟؟؟؟؟
علمي علمك :H_angry[1]:
إعتبره وصل يا باشا من غير ما تقول ، هي بتبقى من القلب للقلب
يا واد يا كيمو إعقل و استنى الكارينز
الراجل ده يا جماعة معاه لانسر 2007 فعلا
و هايجيب الكارينز فوقها...يعنى مش هايبيع اللانسر
تعرف لو كنت هاتبيع اللانسر..كنت أخدتك من إيديك على فرع المعادى
بس أنا عارف إن كده كتيير عليك...مصاريف تشغيل عربيتين منهم واحدة سينيك...مش لعبة
و بعدين إنت مش بتكره الكارينز أصلا...
كيمو...بلاش تسرع..دى مبالغ فوق ال 100 ألف و إنت ربنا إللى يعلم تعبان فى القرشين دول قد إيه...
و على كل يا مان السينيك ما هى إلا ميجان على كبير زائد بعض الإضافات المحسنة زى فرامل اليد الإلكترونية و العداد الرقمى...
و إن كان على المخاوف بتاعت توافر قطع الغيار و الكلام ده ما تقلقش...لمدة 10 سنين قادمة لازم تكون موجودة فى التوكيل...
و عندك محمد عادل أمين..معاه الميجان 1 موديل 99 ...بيروح فرع العامرية...عمره ما راح و قالوله مافيش....
لانسر 2008 لو سمحت !
ما تنساش ان اللانسر مصاريف تشغيلها هتقل لان مراتي مش هتعمل كيلومتر عالي زي مانا باعمل
ما هى دى المصيبة
أنا بأروح التوكيل 4 مرات فى السنة
إنت بقى يا معلم هتروح 6 ولا 7 مرات
و أنا عارفك
هترشق فى السينيك و تسيب اللانسر للمدام
بص
إنت طوب عمرك شاطر فى حسابات التكاليف
تعالى نحسب سوا إنت هاتدفع كام فى السنة مصاريف تشغيل ( غير البنزين )
و لو لاقيت إن ده زائد مصاريف اللانسر ماشى معاك...يا سيدى أنا أول واحد هأبارك لك عليها
عيب عليك يا كيمو...دى عشرة عمر...يعنى لو إنت نايم أنا هأعرف إنت بتحلم بإيه...
متأكد من رقم 25 ألف فى السنة بس ؟؟؟
أنا بأعمل 20 ...
و كمان اما الشركة تنقل التجمع الخامس في مارس الكيلومتر هيقل طحن فحت موت
أنا مش عارف السينيك قطعها إيه...
تيل الميجان الأمامى بمصنعيته بأقل من 500 دلوقتى بيتغير من 15 ألف - 25 ألف كيلو...( أنا غيرت مرة على 20 و مرة على 15 )
تيل خلفى بيتغير بعد ال 30 ألف على الأقل و ده بيكون 580 جنيه
هتغير لك فلتر تكييف مرتين ب 120 * 2 يبقى 250 جنيه مثلا
غير كده مصاريف الصيانات المعتادة من زيت
و مرة بوجيهات ( 85 جنيه )
* صيانة 10.000 كم ـــــــــــــــــــــــــ ــــــــــــــــــــــ 537.00 جم
* صيانة 20.000 كم ـــــــــــــــــــــــــ ـــــــــــــــــــــــ 775.00 جم
تحب أجيب لك الفواتير دلوقتى و أحكى لك ال 35 ألف إللى عملتهم اتكلفوا كام ؟؟
الحمد لله الباسمهندس و الفنان / هاني ذو الحس الراقي موجود ، كده أنا متابع فقط :Oc_sun1[1]:
المشكلة اني من ساعة ما شفت السينيك
و انا مش متقبل الكارينز
فاكر محمد صبحي في سنبل
اما اكل الكباب
ما عرفش يرجع ياكل الفول :)
25 ديسمبر 2007 ...100 جنيه سروجى...علشان آثار ما بعد الحادث و دى طبعا كانت مع صيانة ال 5 آلاف المجانية
22 مارس 2008 صينة ال 10 آلاف....471 جنبه
9 مايو 2009 587 جنيه....صينة ال 30 و معاها تيل خلفى
20 يوليو 2009 ....تغيير تيل أمامى....492 جنيه مع ال 35 ألف المجانية
المشكلة دلوقتي ان اللي باع لي الكارينز هيتنقط لما اسحب الفلوس نيااااااااااااااااااهاهاه اهاهاهاهاهاهاهاهاهاهاها
فى 19 أكتوبر 2008 اتعملت صيانة ال 20 ألف ...بس مش لاقى الفاتورة بتاعتها...لكن عندى ورقة الضمان...
هى على كل كانت المعتاد زائد التيل الأمامىو تلاقى السبب إنها تايهة منى ..إنى طلعت من الصيانة سلمتها للسمكرة علشان الحادثة الكبيرة إياها و التأمين و القصص دى
كيمو...عدم تقبلك ده يا حبى هيكلفك بتاع 50 ألف جنيه.....
أنا يسعدنى إن يوم ما تروح تستلم السينيك ...نروح سوا بالميجان و نركن قدام المعرض و تستلم و نرجع سوا 2 رينو فرنساوى نفس اللون واحدة سينيك و واحدة ميجان و الاتنين فى وقتهم آخر عربية فى البلد ( عندى كانت آخر واحدة 2007 هاتشباك )...
لكن المشهد الغرامى إللى أنا بأحكى عليه ده هيكلفك 50 ألف جنيه ...
هما كلهم حلال فى العربية 100 فى ال 100 ...بس أنا قلبى عليك...
و أدينا مع بعض...
و هى ليلة بمبى من أولها فعلا
ممكن آخر إكستريم في eim (بس فضي) تنضم للركب ؟