في مصر ارتفاع الأسعار بيكون سهل جدا وسريع جدا وده اللي حصل للعقار في 2007 و 2008 حيث ارتفعت الأسعار ما بين 100% الى 200 و 300% ، انما للأسف هبوط الأسعار تاني بيكون صعب جدا ولذلك فهو بطيء جدا
ودليل ذلك لما حصلت الأزمة المالية وبدأ الكساد يظهر في السوق العقاري واللي وصل لشبه توقف في البيع لازال اصحاب العقارات سواء الشقق او العمارات او الأراضي أو حتى الشركات العقارية اللي بتشترك في المعارض العقارية ، كل دول لا زالوا بيخفضوا تخفيض طفيف جدا في الأسعار لعلهم يجدوا مشتري بأسعار 2008 او مقاربة لها شوية ، وكتير منهم راهنوا على موسم الصيف وعودة المصريين من الخارج ونزول الأخوة العرب وان في الصيف هترجع الطفرة تاني وترتفع الأسعار تاني وبالتأكيد كل ده طلع اضغاث أحلام والصيف شارف على الانتهاء لأن بدخول شهر رمضان بيعتبر الصيف خلص وبالطبع البيع والشراء في سوق العقارات شبه متوقف
الجدير بالذكر ان فيه دلوقتي كم هائل جدا من الشقق والعمارات تم بناءها وهيتم بناءها في المدن الجديدة سواء الـ 63 متر او 90 متر او غيرها وكل ذلك يبشر بهبوط الأسعار قريبا
المفضلات