أعمل إيه في الناس دي ؟

**beihoo** · 04-08-2009 11:46 PM

طبعا فاكرين المشاركة بتاعتي دي
http://www.nilemotors.net/Nile/85786-a.html

عن التوكيل و تعامله مع بنوك معينة.

المهم إني من "3 أسابيع" رحت التوكيل بعد ما لغيت الاستعلام مع بنك فيصل و قدمت طلب في فرع المقطم على إستمارة من بتوع البنك الوطني للتنمية. و هناك سألت مندوب المبيعات بتاع سكودا إنت متأكد إنك مش محتاج أي أوراق تانية غير النموذج ده و صورة البطاقة قالي لأ .. متأكد يا أستاذ قالي متأكد .. قلت يبقى أكيد البنك ده متعاون مع التوكيل و بيسهل الاجراءات بشكل مميز

بعدها بيومين اتصل بيا مندجوب المبيعات بتاع سكودا و قالي عاوز وصل نور حديث ضروري النهاردة عشان البنك طالبه .. قلت ماشي -رغم إني قلتله قبل كده عليه و على ال HR letter و قالي مالوش لزمة .. رحت و وديتهم على وعد إنه على اول الاسبوع التاني هاروح امضي الشيكات و استلم

على أخر الاسبوع لقيته بيتصل قلت يا مسهل فلقيته بيقول عاوزين HR letter و كشف حساب من بنك التعامل بأخر 3 شهور !!! بصراحة كنت عاوز أنفجر فيه و سالته مش انا قلتلك قبل كده و قلتلي مش لازم قالي هما طلبوه في البنك .. قلته بس اكيد هما عملوا استعلام البنك المركزي و مش معطلين الشغل قالي أكيد .. طبعا الجواب طلع على الاحد اللي بعديه و وديته و ديت كشف الحساب و قلت يا مسهل. و قالولي على أخر الاسبوع تستلم إن شاء الله.

دلوقت عدي اسبوعين على الحوار ده و لما بسأل إيه اللي حصل يا اما يتهرب من الرد على تليفوناتي يا إما ما يدنيش عقاد نافع و يتحجج بإندماج البنك مع بنك أبو ظبي .. الغريب إني قلتله إني أعرف مديرة الائتمان بتاعة فرعة مصر الجديدة و ممكن تسرع لنا الاجراءات لو ممكن قالي لأ و المفاجأة إنهم عاملينها مع فرع حلوان !!! يعني لازم كل مرة هادفع القسط هاروح حلوان

بصراحة أنا زهقت و قرفت جدا من معاملتهم دي و ناوي بكره إن مخلصوش كل حاجة أروح أسحب فلوسي و بعد كده اللي يأذن بيه ربنا هو اللي يكون.

مش عارف بقى لو قالولي هانخصم فلوس عشان لغيت الحجز أعمل فيهم إيه ساعتها .. متهيألي هانفجر فيهم و أخلي اللي ما يشتري يتفرج.

للأسف كل حاجة كده في مصر.

**Migo123** · 05-08-2009 12:32 AM

لو طالع المقطم الخميس قولي
غالبا هبقى هناك
انا مش عارف الناس في سكودا مش عايزين يبيعو ليه
انا تقريبا عامل زي ما اكون بتحايل عليهم عشان يبيعوا

**Fadi Ezzat** · 05-08-2009 12:53 AM

طيب كويس يامحمد
فية واحد جدع هيساعدك (Migo123)

**beihoo** · 05-08-2009 01:12 AM

المشاركة الأصلية كتبت بواسطة Fadi Ezzat

طيب كويس يامحمد
فية واحد جدع هيساعدك (Migo123)

و الله يا فادي فعلا زهقت .. لدرجة إني بفكر أغير خالص و أروح أجيب إبيزا أو كوردوبا و أهم نفس الموتور و الفتيس و تقريبا الكماليات متقاربة.

و إن شاء الله لو ربنا رايد هاقبل الاخ Migo123

**Fadi Ezzat** · 05-08-2009 01:18 AM

المشاركة الأصلية كتبت بواسطة beihoo

و الله يا فادي فعلا زهقت .. لدرجة إني بفكر أغير خالص و أروح أجيب إبيزا أو كوردوبا و أهم نفس الموتور و الفتيس و تقريبا الكماليات متقاربة.

و إن شاء الله لو ربنا رايد هاقبل الاخ migo123

طيب ماتجيب مينى كوبر بدل النيو فابيا

**Fadi Ezzat** · 05-08-2009 01:26 AM

من 200 الى 300 الف
بس يابلاش

**beihoo** · 05-08-2009 01:45 AM

المشاركة الأصلية كتبت بواسطة Fadi Ezzat

طيب ماتجيب مينى كوبر بدل النيو فابيا

مين بقى الميني كوبر دي

يا عم فادي ميني كوبر مين بس .. دي بحوالي 260 ألف أول فئة .. يبقى حتى لو بفكر في عربية بالمبلغ ده الميني مش هاتدخل تفكيري من الأساس.

-

-

-

الموضوع: أعمل إيه في الناس دي ؟

LinkBack

أدوات الموضوع

عرض

أعمل إيه في الناس دي ؟ - انشر الموضوع فى :

-

-

-

-

-

-

المواضيع المتشابهه

الناس اللى بتسال ليه الناس لسه بتنزل التحرير , هما فاضيين و لا ايه

أدونى أفكاركم عشان أعمل موقع يلبى رغبات الناس كلها

شوفو الناس المحترمة الى بتحترم انسانية الناس عندهم سحب جيتا 977

أعمل ايه مع الناس دى ؟؟

أعمل اية

الكلمات الدلالية لهذا الموضوع

المفضلات

المفضلات

ضوابط المشاركة