الأمريكان الخنازير بيستهزؤا بالسادات في فيلم من افلامهم التافهة

**Michael_Lanos** · 12-08-2009 10:19 AM

لازم مصر يكون ليها موقف مع الناس ال ............ دول، ازاى يشتموا رئيس راحل كده بأسمه ومكانته ...........

بجد الناس دي بتنزل عن نظرى كل يوم عن التاني

**human** · 12-08-2009 11:12 AM

المشاركة الأصلية كتبت بواسطة mshamy

مش لازم نبقى سطحيين و ناخذ المسائل ببساطة و لا كأن في حاجة حصلت
لان تدريجيا الشعور بالمسؤلية بيضعف و بالتالي اللامبالة بتزيد عند الناس و تبقى "مش فارقة" ما هو اللي بيوضينا زي اللي بيخر...." و ده أول الطريق للوهن
أفتكر انه اثناء الحرب على العراق وعندما أعلنت بريطانيا ولائها التام و إنقيادها لأمريكا و قراراتها
قام المطرب جورج مايكل بعمل فيديو كليب شبه فيه توني بلير رئيس الوزراء البريطاني بالكلب الذي يجره صاحبة جورج بوش
وقامت الدنيا ولم تقعد و استجوابات في مجلس العموم و المطالبة بتقديم إعتذار إلخ
ماعتقدش انه لما نثور لكرمتنا اللي السادات بيرمز ليها-رغم تحفظي على بعض قراراته- نبقى هايفيين
المفروض يكون دمنا حر ....مش لوح ثلج

مش فاهم علاقه جورج مايكل بالموضوع ده؟ زى مثلا شعبان عبد الرحيم لو قال غنوه على الريس بالظبط
يعنى مش مجال المقارنه
ماهو الصحافه الامريكيه على طول بتقول على بلير انه كان الكلب الوفى و ماحصلش اى مشكله بين بريطانيا و امريكا
انا مش بقول ان السكات صح انا بقول نحط الكلام فى حجمخ
فيلم عبيط فيه مشهد عبيط شتم فى رئيسنا جت صحيفه عايزه تعمل لنفسها قيمه شافت الموضوع ده عملوا عليه موضوع و شويه جعجعه
طيب ماهو ياما قالوا عليه زنجى و ياما شتموا فى اللى موجود اشمعنا المره ديه اللى شافت طريقها للنور؟!!

الموضوع كله هايف جدا و السينما الامريكيه مليانه هيافه و هما عندعم الحريه اللى تكفل ليهم انهم طلعوا بوش بيضرب مخدرات فى فيلم امريكى لما تفكر كده تشوف انهم شافوا الحكايه فكاهه و تدعم نظره البعض منهم و قدموها

احنا اللى علينا ان احنا نطور شويه من نفسنا و من اليه الكلام اللى بنقوله احنا بالظبط عاملين زى واحد بيشتم واحد تانى و التانى مش سامعه و الكلام بتاع خنازير و مش خنازير ده مستفز جدا عشان اللى قاعد بيكتب كده بيستخدم التكنولوجيا اللى الحضاره اللى بيشتمها هيه السبب فى انها موجوده
انا مش بدافع عنهم انا بس بطالب بشويه موضوعيه قبل الهيصه بتاعه بلدى بحبها و كل حته فى بلدى
زى بالظبط الجعجعه اللى حصلت مع ايران عشان فيلم انتاج خاص شتم السادات
ماحنا ليل و نهار بنشتم الشيعه و بنشتم ايران و اسرائيل حبايبنا و ايران عدو اللدود بس يطلع حد هناك مش عاجبه السادات يبقى حرام عليهم

**Abo_Lina** · 12-08-2009 12:47 PM

أطالب أوباما بإنزال أشد أنواع العقوبة على صناع الفيلم من جلد و سجن
و إلا هايبقى لينا موقف حاسم..يعني ممكن لما يجي مصر المرة الجاية مانأكلوش فول ..ولا عسل أسود كمان..

على فكرة بقى و لا هانقدر نعمل حاجة ..و مافيش حد يجروء إنه يرفع فيلم من دور العرض في أمريكا ..

**human** · 12-08-2009 01:03 PM

المشاركة الأصلية كتبت بواسطة tyler_durden

على فكرة بقى و لا هانقدر نعمل حاجة ..و.

زعلتنى منك ليه بتقول مش هنقدر
ده كلام برضه يا صديقى

احنا هنعمل كتير
1- جروب على الفيسبوك لمقاطعه المنتجات الامريكيه
2- جروب على الفيسبوك لمقاطعه الافلام الامريكيه
3- استجواب فى مجلس الشعب يدين الفيلم
4- استجواب لوزير الخارجيه
5- منع عرض الفيلم فى مصر - على اساس ان مافيش تورينتس
6- برامج التليفزيون نعمل مكلمه و شتيمه فى امريكا
7- اسامه سرايا يكتب مقال فى الاهرام يشتم امريكا و يشكر حكمه مبارك
8- القط يهاجم امريكا و و يشكر حكمه مبارك
9- طلعت السادات يثبت ان الفيلم تمويل صهيونى رغم ان الصهاينه عموما مش بيكرهوا السادات
10-رقيه السادات ترفع قضيه فى محكمه عابدين على صناع الفيلم
11- وزير التعليم يناقش خطه لتوعيه الناس بالرئيس السادات
12- عرض فيلم ايام السادات على جميع القنوات الارضيه و الفضائيه و الرياضيه
13- عادل حموده يكتب مقاله عن مغزى اختيار الكلب و هل المقصود انه كان وفى لامريكا و دور رجال الاعمال المصريين فى الفيلم و ممكن يثبت ان الفيلم تمويل ايرانى تبع الاخوان المسلمين برضه

**Abo_Lina** · 12-08-2009 01:19 PM

يا سلام عليك يا هيومان
أنت ليك مستقبل كبير في لجنة السياسات

بس أنت نسيت حاجة مهمة و هي إن نطلع عيال من المدارس و الجامعات يحرقولهم علمين تلاتة و يرفعوا صور عادل إمام

**Rembrandt** · 12-08-2009 01:35 PM

برجاء عدم تغيير مسار الموضوع
بجمل اعتراضيه من شانها الاستفزاز وخلق مشاحنات
في حاله تكرار الفعل
سوف يتم تطبيق عقوبات
مشرف عام 1

**mshamy** · 13-08-2009 01:13 PM

المشاركة الأصلية كتبت بواسطة human12

مش فاهم علاقه جورج مايكل بالموضوع ده؟ زى مثلا شعبان عبد الرحيم لو قال غنوه على الريس بالظبط
يعنى مش مجال المقارنه

الموضوع كله هايف جدا

أولا انا ما قلتش ان جورج مايكل له علاقة بالموضوع ...
المقارنة قائمة با ستخدام الكلاب في الموضوع (الكلب في الفليم و الكلب في الفيديو كليب)

ثانيا: فعلا عندك حقك انا كنت غلطان
انا لما فكرت ثاني في ردك لقيت نفسي ناسي مبدئين مهمين في القصص دي:
1- إن الشتيمة ما بتلزقش
2- إن الشتيمة بتلف تلف و ترجع لصاحبها

**M.almaghraby** · 13-08-2009 01:35 PM

[quote=rembrandt;3871925921[COLOR=red]]............................[/[/COLOR]quote]

:b4_237::b4_237:

????????????

**ams** · 13-08-2009 01:46 PM

[quote=rembrandt;3871925921[color=red]]................................[/[/color]quote]
تقصد ايه ؟

**Dr Zezo** · 13-08-2009 02:26 PM

رحم الله السادات

كان رجلا عظيما علم قدر بلاده وقدر امته فقام بدوره علي اكمل وجه

والرجل كان داهية سياسي بحق فهم اصول اللعبة ولعبها ببراعة تفوق من ابتكرها اصلا ....

فوصل ببلاده الي شاطئ الامان "نستطيع ان نقول انه شاطئ مؤقت كان لابد منه كنقطة انطلاق حلم بها لوطنه الا انه لم تتح له الفرصة كما لم تتح لمن سبقه وفكر فيها "

اخيرا كان لازاما تنحية هذا الرجل الداهيةمن الساحة فورا لما يمثله من تهديد ليس لاسرائيل فقط بل لدول كثيرة

وكأي انسان للرجل مأخذ عديدة تؤخذ عليه

الا ان انجازاته لوطنه و التي ننعم بها الي الان تكفي لتغطية ماخذه

ويكفي انه بسبب حنكة الرجل استطاع جيل كامل من ابناء المصريين"وانا منهم " ان يعيشوا علي تراب سيناء و يتنعموا بخيرها وجمالها بدلا من دافيد وسارة اللذان يستوطنان الجولان الي هذه اللحظة...

"ففي سيناء الحياة الحقة اوتحسبون الزحام وما نعيش فيه الان حياة ....

بل هي الهمجية"

ولمن يلقي بتردي الاوضاع السياسيةوالاقتصادية لنا ولدول الجوار علي ما وقعه الرجل من اتفاق السلام

فأنصح بالبحث الجيد و التحري

لأن الاتفاق و السلام لا علاقة له بما يحدث الان علي الارض اطلاقا من تصدير غاز وعلاقات اخوة مع اسرائيل !!!

فالرجل كان يعي تماما ما سوف يعطيه وما سوف يأخذه ..

الموضوع: الأمريكان الخنازير بيستهزؤا بالسادات في فيلم من افلامهم التافهة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

شوفتوا هوليود ازاي بيظبطوا افلامهم..طلعوا اونطجية!

انا لسة جاى من فيلم بالالوان الطبيعية .... فيلم ممتاز عكس الى اتكتب عنة ...

اللى عايز يدخل فيلم كويس يروح فيلم احمد مكى

مزرعه للبيع بالالفين فدان بالسادات طريق الاسكندرية الصحراوى

الكلمات الدلالية لهذا الموضوع

المفضلات

المفضلات

ضوابط المشاركة