شحنت مؤخرا تكييف السيارة وبقى أسقع فعلا من الأول
لكن وأنا واقف بالعربية لو شغلت التكييف والعربية دايرة بحس بهزة مستمرة وملحوظة فى الدركسيون ، مش بتبان وانا ماشى وبتقف مع توقف التكييف!
هل الزنة دى ليها تفسير؟
عرض للطباعة
شحنت مؤخرا تكييف السيارة وبقى أسقع فعلا من الأول
لكن وأنا واقف بالعربية لو شغلت التكييف والعربية دايرة بحس بهزة مستمرة وملحوظة فى الدركسيون ، مش بتبان وانا ماشى وبتقف مع توقف التكييف!
هل الزنة دى ليها تفسير؟
مش هعرف افيدك واتمنى الاعضاء يفيدوك
العربية أتوماتيك ولا مانيوال ؟؟؟
الهزة بتيجى مع التكييف بس.....هل بتزيد لو أديت العربية نقلة ( بس و هى واقفة )
هل فى تغيير فى سحب العربية أو أستهلاك البنزين داخل البلد ؟؟؟
هل فى حد غير حاجة فى كهرباء العربية مؤخراً ؟
دى شوية أسئلة ممكن تساعد باقى الناس على التشخيص لأن الموضوع ده ليه أسباب كتير منهم
1- كهرباء مش مظبوطة
2- قاعدة فتيس \ موتور أبتدت تبوظ و عشان كده الهزة مش بتبان إلا مع زيادة الحمل على القاعدة عن طريق تشغيل التكييف
نعماقتباس:
هل الزنة دى ليها تفسير؟
واضح أن الهزه أو الزنه المنعكسه على الدركسيون بتتلاشى مع سرعة المكنه أو مع عدم تشغيل كمبروسور التكييف .....يعنى مع زيادة القدره المنقوله من المكنه لطلمبة الباور ......وأنا أشك أن سير التكييف مشترك عند حضرتك بحيث بيخدم على طلمبة الباور وكمبروسور التكييفاقتباس:
مش بتبان وانا ماشى وبتقف مع توقف التكييف!
وده بيحتمل أحد أتجاهين
1- سير طلمبة الباور عاوز يتشد شويه
2- أحتمال تواجد هواء فى دايرة الباور
والله أنا شاكر إهتمامكم ومشورتكم وهنبه الميكانيكى وفنى التكييف بكل ملاحظاتكم وأبلغكم بالنتيجة بإذن الله
طبعآ كان لازم تقول نوع السيارة وموديلها .. لان مشكله سعادتك لو السيارة بخاخات لازم تكشف عليهم وتلاقى واحد منهم لازم يتغير . او لو بواجى تشوفهم لاتخاف مشكله كهرباء ( بخاخات او بواجى )
انا بردو معيا لانسر بس 1600, فعلان الكلام الى حضرتك بتقول عليه بيحصل معيا بس بشكل تانى, ياعنى انا لما بشغل التكييف و العربيه واقف بتتهز كام ثانيه و ال rpm يوصل 800 - 700 ويرجع يعلى تانى لواحده, و لما بشغل التكييف كتيير و انا واقف, بضطر ادوس بنزين شويه كده لحد 2000 و بسيب براحه المواشر بينزل تحت ال1000 يوصل 800 -700 كده يقوم الدركسيون يتهز جامد بس برضو العربيه فى ثانيه بتزود سرعه الموتور لوحدها تانى ياعنى ال rpm بيوصل 1000 - 1100 لوحده انما عندك شكلها كدا مبتزيدش لوحدها, مش عارف بصراحه ايه مشكلتك, بس شوف كده الrpm بيبقى عندك على كام و انت واقف و مشغل التكييف.
لأ سرعة ال pm بتزيد لوحدها ع تشغيل التكييف والهزة بتيجى لما بتزيد مش لما بتقل
وفعلا زى ما حضرتك بتقول هى على السلانسيه حوالى 800 - 900 ولما يشتغل بيبقى 1000 أوأكتر بقليل