مشكلة فى زيت الفتيس

**A.samy** · 05-08-2009 03:53 AM

روحت اغير زيت فى البنزينة وقلت اكشف على زيت الفتيس بالمرة الراجل بتاع البنزينة فك الطية وزود زيت فتيس وبعدين قالى انت كنت ماشى بيها ازاى دة الزيت ناقص بتاع كيلو المهم خلص وقعد يدور على اى مكان لتسريب الزيت من الفتيس ملقاش.
ياريت حد يقولى اية هيا الاماكن اللى ممكن يتسرب منها كيلو زيت من غير ما احس على الرغم ان عمرى ماشفت تنقيط زيت تحت العربية .
طبعا اداء العربية اختلف بس مش بنسبة كبيرة وبعد يومين كدة مبقاش فى اى اختلاف عن الاول .

**samirayad** · 05-08-2009 08:20 PM

روحت اغير زيت فى البنزينة وقلت اكشف على زيت الفتيس بالمرة الراجل بتاع البنزينة فك الطية وزود زيت فتيس وبعدين قالى انت كنت ماشى بيها ازاى دة الزيت ناقص بتاع كيلو المهم خلص وقعد يدور على اى مكان لتسريب الزيت من الفتيس ملقاش.

أعتقد الراجل زود الفتيس زيت ....زياده عن الازم .....لأن طبة الأختبار جانبيه ....أما طبة التزويد علويه (وهى دى اللى فكها من خلال معنى الكلام )....دا غير أن كمية الزيت بتاعة الفتيس كلها 1.8 لتر .....فمش معقول يكون زود لتر ....يعنى كان فيه 0.8لتر

ياريت حد يقولى اية هيا الاماكن اللى ممكن يتسرب منها كيلو زيت من غير ما احس على الرغم ان عمرى ماشفت تنقيط زيت تحت العربية

1- أويل سيل عمود الدريك ....وبالتالى حافظة الفتيس حتعبى زيت هربان من الأويل سيل .....وحتلاظ تعريق زيت على داير تركيب الفتيس على المكنه ....وحيبان معاك نصف الدايره التحتانى لامم تراب ومرطب زيت بتراب
2- جوان كرتيرة الفتيس .....نفس وضع التلوث على مستطيل الكرتير
3- طبه جانبيه بلاستيك أسفل بيت عقربة الفتيس فى مواجهة صدر الغرفه تقريبا .....ودى بتجيب زيت مع شغل الفتيس (فى حالة زيادة منسوب الزيت )

طبعا اداء العربية اختلف بس مش بنسبة كبيرة وبعد يومين كدة مبقاش فى اى اختلاف عن الاول

هنا بقه الكلام ..........ماذا تعنى بأختلاف الآداء .....؟

**A.samy** · 06-08-2009 12:43 AM

يا باشا مكنش فية غير طبة واحدة بس انا كنت واقف معاة هى اللى بيقيس منها حتى انا سألتة هنقيس الزيت ازاى قالى هنفك الطبة براحة لو جابت زيت هنربط تانى على طول وكدة تبقى مش محتاجة وطبعا لما فك ملقاش زيت .
أويل سيل عمود الدريك او جوان كرتيرة الفتيس هيحتاجو ان الفتيس يتفك ولا لا لان فعلا فى تعريق زيت فى الاماكن اللى انت عليها يا باشا .
انا سألت صاحب العربية الاول هو عمل شغل فى الفتيس قبل كدة قالى انة كان مغير مجموعة الدبرياج فى التوكيل بس من فترة بتاعة سنة وقالى انهم فى التوكيل قالو انهم ظبطو حجات تانية فى الفتيس بس قالى هو مش فاكر هما عملو اية .
وانا ملاحظ ان الفتيس فى عضة فى الغيار الاول والتانى .
المقصود يا باشا بأختلاف الاداء انى فعلا بعد مازود الزيت للفتيس العربي ادائها اتحسن الغيارات الخشونة اللى فيها راحت بس رجعت تانى يوم زى ما كانت

**samirayad** · 06-08-2009 07:12 AM

يا باشا مكنش فية غير طبة واحدة بس انا كنت واقف معاة هى اللى بيقيس منها حتى انا سألتة هنقيس الزيت ازاى قالى هنفك الطبة براحة لو جابت زيت هنربط تانى على طول وكدة تبقى مش محتاجة وطبعا لما فك ملقاش زيت .

كده تمام .....أتضحت الأمور .....وفعلا كده كان عندك نقص فى زيت الفتيس ......المهم

أويل سيل عمود الدريك او جوان كرتيرة الفتيس هيحتاجو ان الفتيس يتفك ولا لا لان فعلا فى تعريق زيت فى الاماكن اللى انت عليها يا باشا .

أويل سيك عمود الدريك حيحتاج طبعا تسقط الفتيس علشان تغيره ......
أما جوان الكرتيره يتعمل عادى والفتيس راكب مكانه .....ولكن ...

وانا ملاحظ ان الفتيس فى عضة فى الغيار الاول والتانى

شوف يا أبو حميد ....لو العضه دى كانت راحت لما زودت الزيت .....حسب الكلام ده

المقصود يا باشا بأختلاف الاداء انى فعلا بعد مازود الزيت للفتيس العربي ادائها اتحسن الغيارات الخشونة اللى فيها راحت بس رجعت تانى يوم زى ما كانت

يعنى قعد الفتيس تمام معاك لمدة يوم أو أكتر ...ومفيش عضه ولاغيره
وبعد كده أنقلبت الصوره ورجع موضوع العضه وخشونة الآداء
يبقى فعلا الزيت هو السبب وبيهرب عندنك من الأماكن اللى قلنا عليها
أنصحك أولا .....تظبط أمورك بالنسبه لجوان كرتيرة الفتيس
وياسلام لو تعمل موضوع الجوان ده فى مركز خدمه عنده كوريك رفع كبير ...بحيث يشتغل من تحت العربيه براحته
علشان لما الميكانيكى بيشتغل وهو نايم تحت العربيه .....ممكن يقلب العمليه دى ....وتكون النتيجه مش قد كده .....
على أساس ممكن يكون الجوان بس السبب
وعاوزك تعمله تمام ....نظافه سطح كويس للجوان القديم وتسويه كشط ونظافه كويس ورباط صح وتغير الزيت وتجرب
لعل وعسى ده يغنيك عن تسقيط الفتيس لتغيير سيل عمود الدريك