عرض للطباعة
برجاء من يعرف جدول صيانة الكرولا يدلنى على صيانة 115 الف - كرولا 2003 خليجىأشتريتها مستعملة كانت عاملة 95 الف كيلومتر - وهل يتم تغيير زيت الفتيس الأتوماتيك مع العلم مكتوب على الفتيس بجانب مقاس الزيت Dont Change Under Normal Use
وهل يتم تغيير زيت الباور - برجاء لو حد يعرف الأعار يدلنى أيضا وشكرا
اتصل بالوكيل واعرف اللى انتا عاوز تعرفة 16550
الأخ محمد سعد
صدفة غريبة جدا ... انا بردو أشترى كورولا 2003 بس مش الخليجى وكانت عاملة 95 الف كيلو ... انا اول حاجه عملتها غيرت زيت الفتيس الأوتوماتيك على طول بزيت تويوتا الأصلى ثمنه 260 جنية(وده مهم علشان انتا ما تعرف اللى قبل غيرة أصلا ولا لا - وتغيير الزيت مهم ويطول عمر الفتيس - ملاحظة قبل تغيير الزيت كنت بحس بالنقلات اما بعد التغيير ما بحس بالنقلات نهائى وسحب العربية بقى أحسن بكتيير) وغيرت كل السيور ( سير الدينمو وسير الباور ) ثمنهم 250 جنية وكمان المياة الحمراء لليدياتير الأصلى بردو من تويوتا العبوة ب 70 جنية انتا بتشترى 2 وتزود بمية مقطرة ... وتزود زيت الباور لو محتاج وكذلك زيت الباكم ... وغيرت تيل امامى ب 300 الأصلى بردو من تويوتا ( كل الحاجات دى موجود فى موزع معتمد من تويوتا فى اخر شارع السودان المهندسين ... وطبعا أخر حاجه زيت الماتور انا أستخدمت زيت شيل هيلكس الترا 10000 ثمنة 225 جنية + 40 فلتر
دا اللى انا غيرته فى البداية ... فاضل لى ان شاء الله اغير البوجيهات وانا اسألت عليها ب 60 جنية ... وفلتر البنزين وفلتر الهواء
شكرا الأخ على عبد الحميد على الرد الواضح أنا فعلا غيرت زيت الموتور بموبيل 1 وغيرت فلتر البنزين أشتريتة ب 220 جنية من محل البكرى فى شارع السودان وغيرت السيور وتيل الفرامل أيضا
كنت عايز أعرف زيت الفتيس أشتريتة من التوكيل أو من أمكان أخر وزيت الباور ومياة التبريد أيضا
زيت الفتيس مهم جدا انك تغيرة لان الزيوت ببتتحرق وتفقد خواصها
وزيت الفتيس المفروض يتغير كل 60 الف كم من الاستخدام العادي
او 50 من الاستخدام الشاق
الاستخدام الشاق يعني استهلاك كيلومتر قليل في زمن كتير زي الاشارات والمناطق المزدحمة
افضل زيت فتيس هو زيت شل
وفي كمان زيت تويوتا اللي بيتباع في علبة صفيح وتلاقية عند موزعين تويتا وده مصنع في السعودية لحساب مصانع تويوتا
زيت المتور شيل ثم شيل
السيور لازم تكون اصلية وياباني واوعي تكون حاجة تانية
الفلتر التايلاندي ب 45 والياباني الاصلي ب 70
وانا بجيب التايلاندي وزي الفل والسن مشحم والفلتر تقيل وواضح ان حشوتة قوية
وابعد عن الفلاتر اللي اقل من 40 جنية حتى لو مكتوب عليها ياباني
مضروبة واما متصنعة في مصر او جبل على في دبي وسنها بيبوز قلاوظ الموتور والفتر تعبان جدا ومش بينقي حاجة
زيت الباكم لازم تغيرة لانه لازم تغير زيت الباكم كل سنة بالظبط مش تزودة لانه بيقد صلاحياتة خلال 12 شهر من الرطوبة اللي في الجو
وتلاقي مشوار الفرامل بقي اطول ويبداء ياكل في الطنابير
مية الرداتير زي ماقالك استاذ عبد الحميد بالظبط وما تستغلاهاش لانها ممتازة
ربنا يباركلك فيها
أستاذ كريم ... أنا عندى مشكله فى تقل الدركسيون بقاله فتره ... وغير سير الباور وكمان غيرت زيت الباور بزيت موبيل وبردو فيه تقل ... ورحت كشفت عند واحد بتاع أسكاترا وقال لى ما فيه مشكله ... الغريب ان اول ما ادور الصبح ألاقى البور كويس جدا وبعد وقت صغير يتقل جدا ... اتمنى انى الاقى حل لهذه المشكله
الحاجه التانية افضل زيت باكم أيه ونجيبة منين وبكام
بالنسبة للباور مش عارف المشكلة
بس الافضل انك تروح لحد وهو تقيل
عشان مايكونش في بداية تقل في علبة الدركسيون وهيا اللي عاملة كدة
الزيت هات اللوكهيد الانجليزي
ممتاز
هاتلاقي العلبة الصفيح اغلى من البلاستيك
هات البلاستيك مش فارقة غير ان تمن الصفيح اغلى عالميا
ممكن بعد ازيك تقولى المكان فين
استاذ على
انا اعرف ميكانيكي فوق الممتاز في الحرفيين
اسمه وجدي
كان شغال في توكيل هيونداي وحاليا في مرسيدس
امين وشاطر جدا
قوله انك من طرف كريم منير
لازم تتصل الاول تعرف موجود ولا لاء لان معظم شغلة جمعة وسبت
وعرفة المشكلة قبل ما تروح
ولو قالك مش بيشتغل فيها اطلب منه يوديك لحد فاهم فيها لو ماوصلتش معاه لحاجة اوديك لغيرة
بس خليك في وجدي الاول
موبايلة
0122322817
بالتوفيق
استاذ كريم
شكرا جزيلا على الرد ... وان شاء الله هاتصل بيه
أتصلت أسأل على زيت فتيس تويوتا فى مركز بيع قطع غيار تويوتا نهاية شارع السودان بالمهندسين قالى الزيت موجود لكن لازم تغير فلتر زيت للفتيس الأتوماتيك والفلتر سعرة 215 جنية مع العلم اننى لم أسمع من قبل عن فلتر للفتيس - هل الأستاذ كريم أو أى من الأخوه الأعضاء سمع عن تغيير فلتر زيتت للفتيس
استاذ محمد ... صح الكلام ده وأنا فعلا غيرت الفلتر بس نسيت اقولك علية فى البداية ... والفلتر ده مهم جدا علشان بينقى الزيت مع مرور الوقت من اى شوائب ... والفلتر ده عباره على معدن مسطح بداخله مغناطيس لجذب الشوائب المعدنية الناتجة عن تأكل الأجزاء الداخلية للفتيس الأوتوماتيك ... ثانيا ما تبص للمبلغ على أنه كتير بص دا هايطول عمر الفتيس الأوتوماتيك وتغيير الزيت والفلتر بتغيرو كل 60 الف زى ما قال الأستاذ كريم منير
شكرا يا أستاذ على ولكن هل ثمن الفلتر 215 جنية فعلا ؟