السلام عليكم يا اهل الرينو
علي فكرة انتو تقريبا انشط قسم في المنتدي كله(ما شاء الله)
المهم يا ريت لو تقدروا تساعدوني في شراء ميجان حالتها كويسه (اوتوماتيك) اكون شاكر جدا
عرض للطباعة
السلام عليكم يا اهل الرينو
علي فكرة انتو تقريبا انشط قسم في المنتدي كله(ما شاء الله)
المهم يا ريت لو تقدروا تساعدوني في شراء ميجان حالتها كويسه (اوتوماتيك) اكون شاكر جدا
اخبار كونتكت ايه ؟
و الوسيط
دور .... و لما تلاقى حاجة مناسبه اعرضها و نتناقش فيها
و ربنا يوفققك
معظم اللي معروض 2005
حتي في سوق الجمعه مكنش فيه غير عربيتين بس و 2005 واحده معروضه علي 63 والتانيه حاجه و سبعين
ممممممممم
انا بدور بردو ع ميجان بس مش مهم مانيوال ولا اوتو ماتيك انا عايز حاجه ف حدود 60
او بروتون بس انا خايف م قطع غيار الميجان
ياريات حد يفيدنى
تابع الموضوع ده وشوف ده فى حدود امكانياتك ولا لاء
http://www.nilemotors.net/Nile/2758-2.html
و كمان ده
http://www.nilemotors.net/Nile/53533-ii.html
و ربنا يوفققك لحاجه كويسه
على فكره الميجان المستعمله لازم تختار واحده نضيفه
علشان متتعبكش
و الى معاه وحده نضيفه مش هيبعها بسعر قليل
و اوعى تقارن مابين البروتون و الميجا علشان محدش يزعل منك :44:
( انا بهزر طبعا )
بالنسبه لمودلات 2005
راى الشخصى انك لو هتجيب الشكل القديم الى هو من 2005 الى 2006
يبقى 2006 احسن
و لو الشكل الجديد بصرحه كله احسن من بعضه
و برضه بيفرق فى الحاله
ممكن 2005 و تبقى نضيفه
طب في واحدة معروضة خليجي .. بيقوا انها اعلى كاتيجوري موديل 2008
طبعا ما فيش ضمان ... بيقول انه جيبها من بره من هولندا ... وانها تقفيل مش تركي
وبعدين بيقول ان صيانتها بتتعمل عادي في التوكيل
مطلوب 88000
وعنده استعداد طبعا للكشف عليها في التوكيل
ايه رايكم
السلام عليكم يا اخى الكريم
يعنى هو حد يشترى رينو زيرو لما تدور عليه مستعمل وتلبس مشاكلها وتدوخ فى صيانتها وقطع غيارها النار ...
طبعا فيه ناس بتشترى رينو زيرو بدليل إنتشارها فى مصر
واضح انك مانزلتش مصر بقالك سنين :)
انت مش واخد بالك يا شاركى ولا ايه
الناس فى مصر مش المفروض تشترى غير هيونداى والباقى مش من مستواها:8954[1]:
يا عم الناس كلها اتخنقت منك
انا اتخنقت منك
و العضوين اهم بيتتريقوا عليك
و تقريبا مفيش حد بما في ذلك ملاك هيونداي الا و اتخنق منك
كل مشاركاتك - او 99% منها - ذم في كل العربيات ..... او ذم في العربيات مع مدخ هيونداي كالبديل
بس بقى بس بس بس بس
لو فيه مقارنة موضوعية احنا تحت امرك
بس ما ينفعش كده
و بعدين بقى خليك حسيس
كل الردود على مشاركاتك بتبقى تريقة عليك و على كلامك
حس بقى
الاحساس نعمة
+1
+1
يا أخ akram2010 أنت مابتزهأش من الكلم اللى ذى السم اللى أنت بتخده كل شويه والمشكله أنك تروح قايل رأيك وبعدين تختفى ومابتجيلكش الجرأه أنك ترد ده أنت حاجه تخنأ ده لو كان غبور ده من بقيت عيلتك ماكنتش عملت كل ده- يا ساتر
يا محمد ماتتعبش نفسك
ياريت الاداره تديله انذار
عشان كدا مينفعش !
بقت حاجه مزعجه بجد
نا هاكمل الوصلة
اقتباس:
أرسل أصلا بواسطة العميل السري
اشتري عربية محترمة و منتشرة و تكنولوجيا القرن الخمسة و تلاتين ..أمان ثبات قطع غيار ده غير توكيلها الفظيع في السعودية و أصحابها السعوديين و انتشارها في السعودية و مكة في السعودية و وحرام عليك ترمي فلوسك في رينو ولا بي إم ..دي عربيات فاشلة ...في السعودية برضه
ياجماعة انا محتار بين ميجان 2005 وbmw e46 موديل 99 او 325i موديل 95 ارجوا الافادة وشكرا
مقارنة صعبة جداً.......مش عشان الميجان فى حد ذاتها قدام البى أم لأ........عشان فى فرق 6 سنين أو 10 سنين بين الأتنين
ال e46 متجيبش قبل موديل 2001 الفتيس الجديد اللى فيه ستيبترونيك عشان الأوتو العادى اللى كان بينزل فى 99 و 2000 و أحياناً 2001 كان فيه مشاكل.....المشاكل أتحلت فى الفتيس اللى فيه ستيبترونيك.
ال 325 هل هتقدر على بنزينها ؟؟؟؟
المشكلة الكبرى هتلاقيها فى أستهلاك البنزين داخل البلد مع التكييف + فى السفر مع الجرى فوق ال 140.....ده غير أنها هتكون مش أويجينال بنسبة 90% ( يعنى الموتور متسقط )
السؤال الأهم هل عندك وقت تروح للميكانيكى و أستعداد أنك تصرف عليها ولا لأ ( سواء e36 أو e46 ) ؟
بس كمقارنة عربيتين طبعاً البى أم تكسب.
البى ام تكسب علشان قوة المتور و قوة العربية فى العموم
ده غير انها أفخم
بس فيه نقطة ..... لو بنتكلم على غلو اسعار قطع الغيار فى الميجان
ف فى البي ام هتشوف الغلو الحقيقى
غير ان البى أم موديل قديم و صعب تلاقى واحده نضيفه
انا شخصيا كنت هشترى بى ام 318 موديل أخر 2001 الفتيس الجديد و كانت حالتها حلوه
بس خفت من مصريفها ...... و ذى ما قولت قبل كده
ان الى يشترى عربيه يبقى قد مصارفها علشان ميقعدش يشتم فى اليوم الى اشترى فيه العربيه
لذلك فانا ارشح الميجان .... او بى ام موديل احدث ذى ماقال الكبير احمد عبد المقصود ربنا يخلهولنا
العفو يا باشا
المانيوال مفيهوش نفس المشكلة بس مش عارف المانيوال كان نازل فى ال 318 ولا لأ ؟؟؟
بس فى مانيوال فى ال 316 و أعتقد دى كانت بتنزل ألمانى.
أستهلاك البنزين مش عارفه بالتحديد.....بس كنت بتكلم بناء على البى أم ال 320 موديل 86 اللى كانت معايا.
دورتلك على النت بس لقيت رقم غريب فى منتدى بتاع بى أم......16 الى 26 لتر لكل 100 كم داخل البلد و 8 الى 9 لتر لكل 100 كم على الطريق السريع.
أسعار قطع الغيار مش متأكد منها.....دور فى قسم بى أم ممكن تلاقى.
على ما أفتكر جوز المقصات فى ال e46 كان ب 3000 جم فى التوكيل من سنتين.....و على فكرة...المقصات بتاعتها بتتغير بسرعة شوية عشان البيض و الجلب بتوعها كبس ( يعنى لو البيض و الجلب باظو بتغير المقص كله )
الفرق بين الميجان و ال e46 مش قليل على فكرة........و خصوصاً لو ال highline اللى هى 2000 سى سى.....فرق عزم و قوة موتور لا يستهان به
الكلام اللى جاى على الموديلات اللى بتنزل بره.....مش متأكد هل ينطبق على موديلات هنا ولا لأ
من 99 الى 2001 ال 318i كان كود الموتور M44 و كان 118 حصان ( تقريباً مفيش فرق عن الميجان اللى هى 115 حصان )
من 2001 الى 2005 318i كان كود الموتور N42 و كان 143 حصان.
الفرق فى الثبات لصالح البى أم
الفرق فى الكماليات لصالح الميجان بس مش بفروقات كبيرة.....يعنى اعتقد عدد الأيرباجز أقل فى البى أم.....حساسات المطر و النور....
مش فاكر تانى الفروقات أيه فى الكماليات بس هما مش كتير كده كده.
الف شكر ياجماعة على الافادة اسف تعبتكم معايا وانا ححاول ادور على حاجة احسن وجزاكم الله خير وياريت لو سعر البى ام e46 موديل 98 و 99 و 2000 وشكرا
اية افضل مكان اشترى منة البى ام مستعملة ويكون مضمون ياريت لو تفيدنى جزاك الله خير زى معرض او مكان مخصص غير الاسواق ويكون مضمون