تم تطبيق سياسة الاستخدام العادل فى شركات الـ adsl

**Rsarabia** · 05-08-2009 08:32 PM

يا جماعة الموضوع دا خير لينا كلنا لان دا معناه ان اللى جايب شبكة ب 95 جنيه 512 و مركب عيلها 50 واحد طول الليل و النهار بيعملو دونلود بيحملو كمية رهيبة و فى نفس الوقت الخدمة سيئة

وطبعا النظام دا هيمنع الوصلات دى و الاشتراكات دى و النت هيخف شوية و يبقى احسن

انا شخصيا كان عندى خط تى اى داتا و وقفته ومعايا دلوقتى فوافون يو اس بى مودم unlimited bandwidth و مبسوط بيه جدا جدا

**M.Mostafa80** · 05-08-2009 08:46 PM

انا شخصيا كان عندى خط تى اى داتا و وقفته ومعايا دلوقتى فوافون يو اس بى مودم unlimited bandwidth و مبسوط بيه جدا جدا[/QUOTE]
نفس اللى انا عملتو سبحان الله بس أنا الموديم بتاعى بليمت 2 جيجا ومش محتاج أكثر من كدا كبيرى أخش على المنتدى وأشيت وسرعه وان ميجا زى الفل

**M.Osman** · 05-08-2009 08:53 PM

المشاركة الأصلية كتبت بواسطة eng. Rafy samy

هو في حد ممكن يحتاج ينزل 25جيجا في الشهر.......؟؟؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟
ده معناه جيجا كل يوم تقريباً.!!!!!!!!!!!!!!!!!!!!!!!!!!!!!!!!!!! !!!
طيب ليه وازاي وفي ايه ممكن تحتاج اكتر من كده..؟؟؟؟!!!!!!!!!

يدوبك يا باشا ..
تصفح الشهر + برامج او أفلام بتزلها + و لو بتتكلم فيديو زيي ..
مينفعش بصراحة 25 جيجا بس !!!
هما واضح انهم مش عارفين يحلوا مشاكلهم و الضغط اللي على الخدمة .. فعملوا ساسة جديدة!!

هي اي حاجة في البلد بتتحل كدا!!

**medo55** · 05-08-2009 09:47 PM

المشاركة الأصلية كتبت بواسطة successcre8or

يدوبك يا باشا ..
تصفح الشهر + برامج او أفلام بتزلها + و لو بتتكلم فيديو زيي ..
مينفعش بصراحة 25 جيجا بس !!!
هما واضح انهم مش عارفين يحلوا مشاكلهم و الضغط اللي على الخدمة .. فعملوا ساسة جديدة!!

هي اي حاجة في البلد بتتحل كدا!!

ياباشا يحلو مشاكلهم ايه بس ؟؟؟

دا في 3 كابلات بحريه جديده هيشتغلو في مصر على نهاية 2010 بدايتهم واحد هيشتغل اول شهر 9 الجاي

يعني المفروض الباندويدث يكون ارخص لانه في 3 شركات هتنافس غير الكابلين الي مصر بتستخدمهم حاليا باجمالي 5 كابلات

يعني لما يكون في وفره في الباندويدث يخنقونا ولما يكون في خنقه في الباندويدث يدولنا راحتنا ؟؟؟؟؟

المفروض يدولنا راحتنا في الخطوط مش يخنقونا + اننا بندفع اغلى من كدا بكتير

انا موافق انهم يعملو سياسة استخدام عادل لو اقل سرعه هي 8 ميجا ب 95 جنيه ويعمل سياسة الاستخدام العادل 100 جيجا , هتكون زي الفل ومفيش مشكله , انا اصلا مش من هواة الداونلود لكن يديلي سرعه بطيئه وغير كدا غاليه ومحدد الداونلود , دا ظلم وافترا

**marsguy** · 05-08-2009 10:19 PM

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.

**Rsarabia** · 05-08-2009 10:21 PM

المشاركة الأصلية كتبت بواسطة marsguy

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.

+111111111111111

**Sharky** · 05-08-2009 10:34 PM

انا مش لاقى الكلام دا على الموقع !

**Clark_ElMaSrY** · 05-08-2009 10:35 PM

يا جماعة حرام كدة احنا كدة هنتبهدل و النت مش هيبقي لية لازمة اصلا النت دة داونلود و انا شخصيا ع سرعة 512 بحمل في الشهر بتاع 50 جيجا ع الاقل و ناس كتير كدة بس ليا كام تعقيب كدة صحيح ان الموضوع دة هيوقف الشبكات اللي الناس عملها بس كدة كدة الشبكات دي مش بتأثر ع الباقي في اي حاجة الشبكة كلها كانها فرد واحد مهما عملوا دوانلود لو كلهم بيحملوا في نفس الوقت كاني انا قاعد بحمل لوحدي يعني لو سرعتهم 512 برضو معدل نقل البيانات هيبقي 60 و هكذا فمش دة اللي عامل ازمة ثانيا اختلف معاك يا mars ع ان المستخدم اللي برة زي ما حضرتك بتقول لا طبعا بيحمل و بيعمل داونلود و كل حاجة زينا بالزبط و اكتر كمان و الاحصائيات كلها بتقول كدة و متنساش ان كل حاجة احنا بنحملها من ع النت بناخدها من الاجانب باختلاف جنسياتهم شوف التورنت و برامج الشير دي لوحدها حكاية دي غير الروابط المباشرة و الرابيد شير و حتي لو بيشتروا حاجات اصلية و كدة فدة لان ثمنها معقول انما عمري ما هاجي اشتري مسلسل الاقي مكتوب علية في كرفور 2000 جنية مصري و هفكر حتي ابص ناحيتة لية و لا اية ؟؟؟؟ الشركات دي بتفكر تقتدي بالعالم الخارجي فيما ينفعها و بس مش في كلا الجانبين

**medo55** · 05-08-2009 10:35 PM

المشاركة الأصلية كتبت بواسطة marsguy

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.

ياباشا احنا عندنا باك بون برضو كويس , ولكن ينقصه بيرينج بين الشركات وبين الدول العربيه

ولو يسهلو لينا احنا ممكن نستغنى عن اكتر من 3/4 الباندويدث الي بنستهلكه من امريكا مرورا باوروبا , يعني اروح ارخص مركز معلومات يعقدلي الدنيا وتامين وحوارات!! طيب مايسهلوها وهتوفر عليهم كشركات وكحكومه وهتستفيد وهتعمل استثمار في البلد

الحكومه في ايديها الحل , لكن مش عايزه تطبقه للاسف ولو حبت تطبقه هتلاقي مستثمرين كتييير جدا فوق ما تتخيل وبشوية سياسة هيظبطو بقية الدول العربيه انها تعمل بيرنج معانا

لكن تقول لميييييييين

,,,

لنا الله

**Sharky** · 05-08-2009 10:49 PM

انا كلمتهم و طلع الكلام دا على كل شركات النت فى مصر و القرار من الشركة المصرية للإتصالات
انا عن نفسى حلغى الإشتراك و احول فودافون او اتصالات أحسن بلا قرف