عرض للطباعة
يا شباب لي صديق عاوز يجيب نوبيرا 1 هي مختلفة عن النوبيرا 2 الي معايا يعني فيها abs - airbag احنا بقى مش عارفين قطع الغيار متوفرة ولا لأ هل مختلفة في العفشة او الموتور يعني قطع الغيار الي تركب على نوبيرا 2 تركب على نوبيرا 1 كدا يبقى مقيش مشكلة ولا لو اشتراها هيدوخ على قطع الغيار واسف على الأطالة
بما أن النوبيرا 2 أكثر أنتشارا ......
فالأفضل شراء نوبيرا 2 مانيوال
متشكر على الرد السريع كنت مراهن نفسي انك اول واحد هترض عليا يا بشمهندس سمير
طبعا انا معاك اننا نخلينا في نوبيرا 2 بس الفكرة هقولك عليها هو عاوز يشتري العربيه دي علشان بتاعت المعوقين وبتكون ارخص شويه وكمليات اكتر هي موديل 98 بس احنا مش عارفين موضوع قطع الغيار للعفشة والموتور اخبارة ايه
ههههههههههه ......عموما كده كده .....طالما الرهان مع نفسك .....يبقى مفيش خساره ( فى بيتها يعنى )اقتباس:
متشكر على الرد السريع كنت مراهن نفسي انك اول واحد هترض عليا يا بشمهندس سمير
عندك حق ....فعلا بتكون أرخص ....وعربيات كويسه ...وفيها كماليات عن المصرى طبعا ( زى الabs وال air bags )اقتباس:
بس الفكرة هقولك عليها هو عاوز يشتري العربيه دي علشان بتاعت المعوقين وبتكون ارخص شويه وكمليات اكتر هي موديل 98
الحاجات دى حتتوقف على حالة العربيه وقت شرائهااقتباس:
بس احنا مش عارفين موضوع قطع الغيار للعفشة والموتور اخبارة ايه
طبعا كل ماكانت الحاله تمام .....كل مابعد صديقك عن مهاترات قطع الغيار فتره كبيره الى حد ما
وعموما فيه زملاء كتير معاهم النوبيرا 1 ( 1500 سى سى ) وشغاله زى الفل ......وأكيد ليها قطع غيار موجوده عندنا فى مصر ........
أمال يعنى العربيات دى ماشيه أزاى .....دا غير حتلاقى حاجات مشتركه بينها وبين النوبيرا 2 بلاشك .......
لأن النوبيرا 2 ماهى الا تحديث لها ......مع بعض الأختلافات
بص ياسيدي هديك نصيحة غالية جدا جدا من مجرب - أنا عندي النوبيرا 2 الكوري موديل 99 قطع الغيار متشابهة مع المصري بإستثناء كل مايتعلق بنظام حقن الوقود و كل (بقول كل) الحساسات فيها مشابهة للأوبترا ولا علاقة لها بالمصري مثلا جوان غطي التاكيهات والبوابة والمانفولد و المعالج المركزي يقراء علي الأوبترا وليس علي النوبيرا وهذا بالنسبة لي تعبني جدا لحد مالقيت مكان أقدر اكشف علي السيارة لمعرفة إحتياجاتها كذلك قطع الغيار المتعلقة بالأجزاء المختلفة عن المصري نادرة وغالية تقريبا ضعف النوبيرا 2 المصري ولكن بالقي الأجزاء فهي عادية مثل المصري.
المفاجئة بقي ان النوبيرا 1 الكوري هي هي النوبيرا 2 المصري بالضبط وبكرر بالضبط عدا الأكسسوار الخارجي و كل مايتعلق بشكل السيارة وكمان بتقراء عل اسكانر وكلاء دايو زي المصري بالضبط - فرق اخر ان النوبيرا 2 اهداء شوية من 1 وهتحس انها اوسع وبرضة جيل مختلف شوية بصورة هترضيك كذلك النوبيرا بتاعتي 1500 سي سي لكن اعتقد ان النوبيرا 1 الكوري 1600 زي المصري والإختلاف فقط في طول مشوار البستم وليس قطرة او حجم الفارغة. انا بقالي 3 شهور من ساعة ما اشتريتها بظبط في سيارتي كل شهر حاجة ودلوقتي فعلا بدأت احبها جدا لآني راجعت علي كل حاجة فيها و مببخلش عليها وموش هتصدق لو قلتلك اني لو خيرت بنها وبين اي عربية تخطر في بالك صدقني هختار النوبيرا.
هذة هي الفروق لك الإختيار لكن رأي انا النوبيرا 2 وياحبذا لوكانت كوري ثم النوبيرا 2 المصري ثم النوبيرا 1 الكوري وربنا يوفقك انت وزميلك وطبعا زي ما المهندس سمير قالك الحالة عامل فيصل كبير وكذلك الأساس في اي حاجة الإستخارة من الله.
اهم حاجه يتأكد ان العربيه مفكوك من عليها الحظر قبل يوم 24/6/2009 وإلا صاحبك هبضطر انه يرفعها تلات سنين
راجع الموضوع دا http://www.nilemotors.net/Nile/84504-a.html
وغير كدا ربنا يكرمه فيها ويديله خيرها ويكفيه شرها
مع احترامى للجميع النوبيرا 1 أحسن 100 مرة من النوبيرا 2 لأنها هى هى 1600 مش 1500 زى الناس ما بتقول ال 1500 دى هى البريميوم بس لكن النوبيرا 1 1600 و نفس قطع الغيار بتاعة ال2 فى العفشة و الموتور ماعدا الميزان بتاعها مختلف عن 2 و على فكرة اللى معاهم ال2 لما بيحتاجوا يغيرو الميزان بيجيبوا بتاع ال 1 لأنه أمتن بكتير و كذلك التقفيل بتاع ال1 أحسن من ال 2 بكتير وكذلك الصاج بتاعها أمتن أنا معايا الأتنين بس بجد ال1 أحسن من ال2 بكتير وعلى فكرة الفوانيس و الكصدامات و الأكمسسوارات بتاعة ال 1 موجودة عند كل بتوع قطع الغيار و كذلك الأستيراد أكتر من ال2 دلوقتى وغير كدة اللى سوءسمعة الأوتوماتيك فى النوبيرا هو فتيس ال2 و كل ده عن تجربة.فى المجمل النوبيرا 1 أفضل حاجة فى النوبيرا كلها.ويا ريت لما نيجى نقيم العربية يبقى عن تجربة علشان فى ناس بتاخد قرار بناء على التقييم ده.
لا معلش بغض النظر عن النوبيرا 1 (1600 ) والنوبيرا البريميوم (1500 )اقتباس:
مع احترامى للجميع النوبيرا 1 أحسن 100 مرة من النوبيرا 2 لأنها هى هى 1600
فالجديد ...........جديد
دا أنا قعدت سنتين من غير عربيه .....علشان أجيب زيرو
وكان معايا أوبل مانيوال مستعمل .....وورتنى الويل
ياجماعة انا معايا نوبيرا 1 97 الحمد لله حالتها العامة جيدة
انا صحيح قبلتنى شوية حاجات كدة حايزة تتظبط جوان تاكية وبلوف تكيهات كدة يعنى بس بعد ماظبت العربية مشتكتش من اى حاجة الحمد لله اطلاقا والعربية ثابتة جدا بجنوط النوبيرا البريميوم ال15 تسارع جيد يعنى عمرها ما كسفتنى فى سحب ومن ساعة ماجبت العربية مالمستش العفشة وكشفت عاليها عند كذا واحد كلهم بيقولوا عفشة العربية تعتبر فابريكة ومش متهانة اطلاقا
من الاخر الفرق بين النوبيرا ال1 وال2 الشكل فقط ولو كانت 1500 او 1600 غير كدة انا شايف العربيتين واحد
بس عايز نصيحة الجديد جديد وسبب انى جبت مستعمل انى اتعلم عليها وخصوصا مينفعش اول ماتركب عربية تكون زيرو
وبجد بجد انا ان شاء الله لو ربنا كرمنى وفكرت اجيب عربية زيرو صعب افرت فى العربية دى عشان بجد حبيتها اوى
ولو هتجيب استعمال اختار عربية حالتها العامة تكون كويسة ومش مهلوكة ولا شكلها متهان ولو هتجيب استيراد انصحك بعد ما حضرتك تختار عربية اكشف عاليها كويس اوى اوى اوى من البارومااااا بجد فى عربيات شكلها فابريكة وحالتها زى الفل بس البارومة مبهدلها نظرا لظروف الطقس والثلج فى اوروبا وكوريا او من مكان استيرا العربسية
سلام عليكم الوان 98 فيها ايرباج + aps+ عزل صوت ممتاز +عزل حرارى رائع +صاج بجودة عالية فوق الممتازة قطع واضافات فى الصدر لامتصاص الصدمات ودة كلة زيادة عن المصرى
يا بابشمهندس سمير أنا بتكلم لو الأتنين مستعملين و غير كدة أنا تعليقى بناء على تجربة الأتنين و الاتنين معايا و بجد حالتهم جيدة جدا بس أنا كنت بقول الفروق بينهم
لا لو ده قصد حضرتكاقتباس:
المشاركة الأصلية كتبت بواسطة marawanshahin
يبقى النوبيرا 1 تكسب .....
الأعتراف بالحق ....أحق أن يتبع أو يطاع .
كفايه ال options الزياده ......دا غير ولاء اللى مجمع العربيه بره مصر لبلده
أما عندنا للأسف .....التجميع المصرى .....مفيش فيه أى ولاء ولا جهاد ولاسناء ههههههههههههههههه
لبلدنا.........
أنا أول ما أشتريت العربيه كانت طلمبة الباور حضيع عندى ......بسبب عامل !!!!!!! مش عاوز أقول اللفظ .......مربطش قفيز الخرطوم اللى خارج من الطلمبه ( خرطوم الضغط الكبير ) بأمانه
والزيت كله وقع على الأرض ......ولكن ربنا ستر ......موضوع زيت الباور ده ( حصل معايا وأنا لسه شارى العربيه زيرو ومكملتش شهر تقريبا )
والموضوع حصل بالضبط والعربيه فى الجراج ولسه راجع من مشوار وبأجرشها
تخيل بقه لو كنت ماشى ومسافر بيها .....؟؟؟؟؟؟؟؟؟؟؟؟؟؟؟؟؟؟
السلام عليكم ، الموضوع بسيط يا جماعة
انا كان عندي نوبيرا 1 استيراد 98 كاملة و بعتها و جبت 2 برضة كاملة استيراد 99
الفرق سنة لكن كبير
طبعا بدون نقاش ان 2 احسن 100000 مرة
اولا كماليات ورفاهية
1 - تكييف تاتش
2- بور ستيرينج انعم كتير من 1
3- تسارع العربية اعلى كتير ( الاتنين اوتوماتيك )
4- عزل الصوت و الحرارة احسن لدرجة اني تقريبا مبسمعش صوت الكلاكس و انا قافل الزجاج
و فيه حاجات مشتركة
1- نظام الفرامل تقريبا واحد ( الاتنين زفت )
2- المشاكل الدورية ( لمبة التشك - تنضيف الايدل كنترول )
3- صيانة العفشة كل شوية
نوبيرا 1 افضل بس في الثبات على الطريق بعد 160 كم/ساعة
دا عن تجربة فعلية
اما المصري فركبتها مع واحد صاحبي خسارة فيها الفلوس لأنها مش نوبيرا
انا عربيتي 99 فيها كل حاجة حتي مثبت السرعة
و المصري 2007 فاضيه و حسبي الله و نعم الوكيل لامته هايفضلوا يرمولنا اسواء حاجة باعلى سعر
أمال المصرى نوعها أيه يا أستاذ : عصاماقتباس:
اما المصري فركبتها مع واحد صاحبي خسارة فيها الفلوس لأنها مش نوبيرا
ومعروف الفروق فى الأبشن بينها وبين الكورى
وعلى فكره الكورى حظوظ برضه
أنا أعرف تجار فى بور سعيد .....بيسافروا بره
وبيروقوا عربيات الحوادث وخلافه اللى خلاص بيبقى صاحبها الأجنبى زهق منها وعاوز يغيرها
وبيخدوا معاهم ميكانيكيه وكهربائيه
علشان يظبطوا العربيات بره ويجيبوها على السفن عندنا هنا فى مصر
أنت عارف المصرى .....وألاعيبه
ومفيش حاجه بتغلب عليه
فعلا العربيات دى بتتعمل فيها احلى شغل
التجار حقيقى بيسفروا وبيبطوا عربيات من هناك والعربيات دى بتكون اتكهنت فى بلادها بيخدوها ويمشوها وتبتدى تقابل بقى فى قطع الغيار وبعد كدة بتحس بالكلام دة وفى مكن بيبقى متبهدل من طريقة السواقة فى اوربا بعض الشباب اللى غاوى حرق وجرى بيفرتكوا المكنة عشان يطلع منة اعلى عزم وطبعا بعد الكلام دة العربية اكيد العربية هدخن وتحتاج طقم شنبر والقصص دى دة ان مكنتش جابت البلوك معاها
والكلام دة كلة بيظبتوة التجار وينزلوا المعارض ولما العربية بتشتغل شوية محترمين بتبتدى تفتح بقها طبعا
وفى عربيات بتيجى ماشاء الله عاليها تحث انها مكنتش بتمشى على ارض قبل كدة فابريكة بمعنى الكلمة
من الاخر مفيش ضمير خلاص و دى تجارة والتجارة المفروض بتقوم بأمانة ولو السلعة فيها حاجة وانت بتبعها لازم تقول للشارى عيبها والرصول صلى الله علية وسلم اتكلم عن الاجر الامين
انا اقصد عربيتين ( نفس الموديل - نفس الحالة )
واحدة استيراد كوري و التانية - مصري
الفرق فعلا كبير في كل حاجة ( سحب و ثبات و رفاهية و تقفيل و جودة خامات و امكانيات )
لما يبقى كل ده مختلف يبقي اكيد اللي بتتباع في مصر مش نوبيرا
سيدى الفاضل مع احترامى للكلام اللى انته قلتهاقتباس:
المشاركة الأصلية كتبت بواسطة essamfarid
انت كان معاك الـ 1 و 2 استيراد ... والاتنين موديل قريب من بعضه 98 و 99 مش فارقه كتير ... فمن حقك تقارن بينهم زى ما انت عاوز
أنا بقى كنت معايا نوبيرا 2 استيراد والان معايا 2 محلى فأنا اللى من حقى اقارن بينهم ... وخلينا نقارن فى النقط اللى حضرتك ذكرتها
( سحب و ثبات و رفاهية و تقفيل و جودة خامات و امكانيات )
السحب
منطقيا وبالورقه والقلم سحب المحلى أعلى لان الموتور 1600 اتنين كامه والاستيراد 1500 كامه واحده ..... فالمفروض المحلى تسحب افضل
ومع ذلك لانى كنت ظبط العربيه الاستيراد كويس فأدائها كان قريب من المحلى "كسر زيرو" بدرجه لا يلاحظ معها الفرق
لكن لأن عربيتك اتوماتيك (بتاعتك 99 وبتاعت صاحبك 2007) فانت حسيت بفرق لانى اعتقد والله اعلم ان الفتيس الاتو اللى فى الاستيراد هو اللى موجود فى المحلى اللى قبل 2003 واعتقد برضه انه افضل فى الاداء واكبر فى الحجم "معلومه من ميكانيكى غير مؤكده علميا او بوثائق"
الثبات
حضرتك بتقول ان الـ1 أثبت من الـ 2 "الاتنين استيراد"
يبقى منطقيا وبالورقه والقلم الـ 2 المحلى أثبت من الـ2 الاستيراد .... ليييييييييييييه؟؟؟
عشان لو حضرتك سألت اى متخصص هتعرف ان الـ2 المحلى هى هى الـ1 الإستيراد" مع تغيير شكل الفوانيس والكبوت" ... ازاااااااااى الكلام دا .... دايو ايجيبت مانزلتش نوبيرا 1 محلى فى مصر ولما دايو كوريا عملت الـ2 ... دايو ايجيبت كانت بتصنع الـ2 المحلى من الـ1 الاستيراد مع تغيير الشكل "الفوانيس والكبوت والشنطه"
لكن عمليا وعشان معلومة ان الـ1 أثبت من الـ2 معلومه غلط 100% فالـ 2 الاستيراد والمحلى ليهم نفس الثبات لانه نفس ابعاد العربيه ونفس الوزن
الرفاهيه
فى صالح الاستيراد طبعا ... اللى كانت معايا تكييف ديجيتال تاتش وابانوووس وكاسيت وسى دى وفتحة سققققققققققققققققققققف هى دى بجد اللى بتحسر عليها
التقفيل
طبعا الاستيراد 100% ولكنى ما لاحظتش اى مشاكل تذكر فى تقفيل المصرى
جودة الخامات
الفرق فى موضوع الابانوس لكن باقى الخامات واحده هتفرق معاك ان الاستيراد غالبا هتلاقيها فرش جلد ودا معمول لها بمعرفة صاحبها اللى كان مشتريها بره مش بتاع الفريكه لان الفرش الاصلى موجود تحت الجلد
وهتلاقى كمان الدوسات حاجه كده جميله مكتوب عليها نوبيرا وشكلها جميل
امكانيات
مش عارف بصراحه حضرتك تقصد ايه بالإمكانيات لان زى ما المصرى ما بتمشيش على الحيط فالاستيراد ما بتعرفش تعوم فى الميه "شكرا لإعلان لوجان"
فخلاصة الموضوع ان الاستيراد ممكن تكون احسن فى بعض الشكليات ... لكن فى النهايه الاتنين نوبيرا زى بعض ... الاتنين وحوش الصحراوى
ماله الفتيس الاوتوماتيك؟