الف مبروك على العربية و اعتقد انك قدامك فرصة لكتابة موضيع عن السنيك
و تجربتك معاها
و الفروق بينها و بين الميجان
عرض للطباعة
الف مبروك على العربية و اعتقد انك قدامك فرصة لكتابة موضيع عن السنيك
و تجربتك معاها
و الفروق بينها و بين الميجان
مش هيعرف بحكيلك عن الفرق بينها و بين الميجان كتير
لإنهم قريبين أوى من بعض...
فلازم تكون معاشر الميجان كتير علشان تعرف تلقط الفروقات...
ببساطة
السينيك موجهة لخدمة العائلات الباحثة عن سيارة أكبر من ال family saloons من أمثال الميجان...
فعلا شرحة و برحة عن الميجان و المسافات البينية أكبر
مثلا التابلوه أبعد عن الركاب...و الكراسى أبعد عن بعض...
و فيها شوية حركات كده...زى ال Arm Rest بيتحرك للأمام و الخلف و طريقة فتحه ظريفة ( باب جرار )...و ال rest نفسه مقسوم لجزئين علشان كيمو مش يبرطع و يجور على الغلابة إللى قاعدين فى الكرسى إللى جنبه..و كل جزء منهم بيطل و ينزل لوحده
بس الفرق الكبير فى شاشة العدادات....هى شاشة كبيرة عملاقة ...كل حاجة فيها digital مافيش أى مؤشر و لا إبرة بتتحرك..
تحس إنك داخل server room من بتوع الأفلام ال sci-Fi ...
لونها أزرق مائل للاخضرار يخلو من العاطفية...و طريقة الكتابة لما تحب تقول رسالة بتظهر ب font عامل زى بتاع الساعات الكاسيو القديمة ( 7-segment display )....
و هى على فکرة مش مواجهة للسائق....بل مترحلة شویة لليمين..تحس إنها فى المنتصف بين الراكب الأمامى و السائق...
لكن حجمها الإجمالى ...بسم الله ماشاء الله..تحس إنه مرعب و إنها مش شاشة فى عربية و إنما شاشة لل control بتاع نظام صواريخ ..زى ما قلت كده أفلام الخيال العلمى...
الفتحة بتاعت الكارت أفقية مش رأسية زى الميجان و الزجاجح الخلفى بيقفل 2/3 من المسافة بس...مش بينزل للآخر و لا حتى لقرب المسافة بتاعت الميجان..و لا أعتقد بوجود ستائر خلفية...
المراية الضم بتعمل حركة حلوة .. الوحوش هما إللى ممكن يوقولوا موجودة فى الميجان و لا لأ...لو قفلت المرايات..و جيت تنزل من العربية..تقوم المراية فاتحة علشان تشوف القادم من الخلف و بعدين تقفل مع الباب ( طبعا للسائق مش الركاب الآخرين علشان الاناس بتركن على اليمين )...
فى انتظار البقية من أحمد....أنا سيبت لك ال E-Hand-Brake علشان ما تزعلش:36_3_18[1]:
ابو هاني
قصدك ستارة خلفية للزجاج الخلفي ...... مفيش
بس فيه ستاير للبيبان اللي ورا
موضوع المراية انت فهمته غلط ..... المراية راكبة في القايم مش في الباب فأما تفتج الباب المراية بتفتح لأن لو ما فتحتش المراية هتتكسر و ده في الناحيتين ......
أيوة ستارة الزجاج الخلفى..
طيب إنت جربت تفتح باب الراكب الأمامى و المرايو مقفولة و تشوف لو هتفتح و بعدين تقفل تانى مع الباب..
طيب عايز أسألك على حاجة...
لو سيبت المرايات مفتوحة و بعد ما نزلت ...قمت قافل الزجاج ( Double CLick - Style ) ...هل المرايات الضم بتقفل مع الزجاج ؟؟
هانى.....خللى الراجل يستمتع بالعربية الأول و يجرب كل حاجة براحته و بعد كده يعملنا تقرير مفصل.........و لازم يكون مدعم بالصور...دى مهمتك أنت يا وحش.
حاضر يا كبير...صحيح..طمنى على الغطاء...السوتة فى الجانب شكلها إيه ؟؟؟و تلبيسه ؟؟؟...مافيش صورة من إيدك الحلوة كده تطمنى بيها ؟؟
بسم الله مشاء الله
ربنا يبركلك فيها و يحفظها لك
ترجع بالسلامه إنشاء اللهاقتباس:
أنا مسافر النهاردة بعد الصلاة بإذن الله
تروح و تيجى بالسلامة...و ما تزعجش نفسك بالغطاء فى الأجازة...