طلب لمعرفة سماعات كام وات ونوعهم وأسعارهم

اقتباس:

المشاركة الأصلية كتبت بواسطة musiccairo

السلام عليكم ورحمة الله وبركاته
عاوز طلب من حضراتكم ارجو الافاده فيه
في كاسيت رود ستار امكانياتو كويسه اوي
محتاجلو اربع سماعات الوات بتاعهم عالي اكثر من 300
ياريت يكونو رود ستار بردو او اي نوع اخر واسعارهم طبعا اذا سمحتو
انا عاوز اعرف بس اجيب سماعات كام وات ونوعهم ايه
لانهم مطلوبين مني في الشغل ومش هعرف اجيب حاجه من دول بدون معرفه
ياريت تدلوني
شكراا

لو جبت سماعات الوات بتاعم اكتر من 300 لازم تجيب معاهم جى ام علشان الصوت يبقى كويس وتقدر تستفاد من السماعات ولو جبت سماعات عاليه من غير جى ام الصوت هيطلع بايظ

علشان تريح نفسك شوف الكاسيت بيخرج كام RMS و اجمعهم و هات سماعات تعادل ال RMS بتاع الكاسيت علشان تريح دماغك و تاخد اقصى استفاده من السماعات

لو الكاسيت اللى عند حضرتك شرايط فأعتقد انه مش هيخرج اكتر من 12 RMS مضروبين فى 4
يبفى بيخرج 48 rms ,, اتأكد من موديل الكاسيت بتاعك بيطلع كام

ولو زى ما انا متخيل يبقى احسن صوت تاخده من الكاسيت ده انك تجيب سماعات من 250 الى 300 وبرضه شوف ال RMS بتاعها كام يعنى حاول تجيب نفس خرج الكاسيت او اقل

ولمعلومات اكتر عن موضوع ال RMS راجع المشاركه دى :

اقتباس:

المشاركة الأصلية كتبت بواسطة mohamedfawzyhassan

علشان تبقى حضرتك عارف الفرق بين الأثنين ال RMS هو القدره الحقيقيه لخرج الهيديونت فى جميع الأحوال يعنى مثلا البايونير عندى بيخرج 22X4 RMS مع انه مكتوب عليه انه بيخرج 50 وات X 4 ... طب يعنى ايه 50 وات دى خدعه يعنى ... لا هقولك .... ال50 وات دى معناها ان الهيديونت دى بتقدر تحاكى قدره خرج 50 وات مضروبه فى اربعه ولكن عند مستويات صوت معينه وليكن مثلا عند مستوى علو صوت لغايه 15 مثلا و دى مختلفه من جهاز لآخر طب ولو عليت الصوت عن كده ايه اللى هيحصل هيحصل تشويش و فقد فى الصوت ويبقى سيء للغايه و تلاقى الحقييقى بيتاعه مثلا 10 RMS

علشان كد الشركات الكبيره بتحاول تعالج الموضوع ده بأنها تعلى ال RMS لآن ده الحقيقى فى جميع ظروف التشغيل بأضافه الى مكونات اليكترونيه اخرى شديده التعقيد للتقليل من الفاقد مثل ال mosfet circuits