اخيرا امنت...واطمنت

**salfons** · 06-08-2009 01:50 AM

اخيرا امنت عند المجموعه العربيه المصريه للتامين AMIG
وطبعا بعد متابعة كثيفة للمنتدى اتعرفت على الاستاذ ايمن (aymansobt) وهو بيشتغل فى الشركة دى وعلى فكرة هى سعرها عادى بس هاقول انا ليه اخترتها
انا عربيتى بروتون واجا 2004 وامنت مرة عند الشرق وماحتجتهمش وبعدين مرتين عند الجمعيه (ربنا يسامحهم) ومعرفتش آخد فلوسى

المهم عملت سمكرة ودوكو وروحت ادور وهاهى النتيجة:
1- مصر للتأمين 3.75%....وتحاسب انت على اى حادثة وبعدين ابقى قابلنى
2- قناة السويس....زى اللى فاتت
3- اليانز....3.75 وخدوا صورة الرخصة وصورة البطاقة وكان فاضل ياخدوا شهادة الميلاد
المهم خلاص المهندس جاى يعاين ...قاللولى: آخ دى بروتون...طيب وبعدين...لأ دى صينى...ياعم لأ...قاللى ماليزى زى الصينى....يعنى هاتأمنوا ولا اروح ؟؟ قاللولى التأمين 6% يعنى حاجة ب 5000 جنيه !!!!!!!
4- كونتاكت...دول كانوا ظراف جدا...كلمتهم واللى ردت على اهتمت جدا واول ماسمعت موديل 2004 جالها صرع وقالتلى ما ينفعش نأمن الا من 2005 بس !!

بعد بحث كثييييييييير جدا وجدت تليفون اخونا ايمن فى المنتدى فكلمته وساعدنى وخلصت البوليصة النهاردة وعمللى خصم خفيف كمان
احسن ميزة فيهم انهم هما اللى بيحاسبوا المركز (او التوكيل بس بيدفعك 10% فى حالة الوكيل) وانت مالكش دعوة بحاجة ودى بالنسبة لى حاجة مريحة
وكمان طلع ا كونتاكت مش هى اللى بتأمن. دى بتأمن عند اميج !!! طب مانروح اميج من الاول

وشكرا لوقتكم

**MohabSaeed** · 06-08-2009 02:09 AM

طيب ممكن اعرف النسبه كام ؟

انا معايا واجا زى حضرتك بس 2005 ...تقريبا القسط السنوى كام ؟

**MohabSaeed** · 06-08-2009 02:14 AM

سوال خارج الموضوع ... ازاى عربيت حضرتك 2004 ؟ الى اعرفه ان بدايه نزول الواجا فى التوكيل كانت من 2005 ؟

**salfons** · 06-08-2009 02:17 AM

المشاركة الأصلية كتبت بواسطة mohabsaeed

طيب ممكن اعرف النسبه كام ؟

انا معايا واجا زى حضرتك بس 2005 ...تقريبا القسط السنوى كام ؟

نفس النسبة 3.75% ... وقدرولى العربية ب 70000 فدفعت 2700 بعد الدمغات

**salfons** · 06-08-2009 02:20 AM

المشاركة الأصلية كتبت بواسطة MohabSaeed

سوال خارج الموضوع ... ازاى عربيت حضرتك 2004 ؟ الى اعرفه ان بدايه نزول الواجا فى التوكيل كانت من 2005 ؟

انا عربيتى واجا بتاريخ 14/6/2004 وبريميوم (واحد اير باج وفيها abs)
وعلى فكرة هى تقل عن موديل 2005 بحاجتين
1- مافيهاش حساسات الركن
2- الجنوط 15 مش 16

وبس :)

**Eng. Rafy Samy** · 06-08-2009 02:26 AM

معلومات قيمة جداً شكراً ليك..
بس لو ممكن تقولنا معلومات اكتر عن الشركة والاهم لو كانت كونتاكت بتأمن على اي موديل هل كنت حتأمن معاهم ولا اميج افضل ..؟؟
تقبل تحياتي

**MohabSaeed** · 06-08-2009 02:37 AM

اشكر حضرتك على سرعه الرد .... هو المبلغ كبير .... بس الحقيقه الواجا قطع غيارها " الاصليه " فى التوكيل مكلفه جدا ..... و التأمين عليها فكره موفقه جدا و تضمن " لاقدر الله فى اى ظرف تركيب القطع الاصليه بدل من التقليد المتوافره بره التوكيل .

انا فعلا فكرت فى موضوع التأمين خصوصا بعد ما الازاز الامامى فى عربيتى اتكسر امبارح و تغيره فى التوكيل حيتكلف فى حدود ال 1500 جنيه .
بس لسه متردد الحقيقه

المشاركة الأصلية كتبت بواسطة salfons

انا عربيتى واجا بتاريخ 14/6/2004 وبريميوم (واحد اير باج وفيها abs)
وعلى فكرة هى تقل عن موديل 2005 بحاجتين
1- مافيهاش حساسات الركن
2- الجنوط 15 مش 16

وبس :)

هى عموما عربيه جميله جدا و مختلفه عن اى عربيه فى فئتها , ربنا يباركلك فى عربيتك و يكفيك شرها و ماتحتاجش للتأمين فى اى شى ان شاء الله

و نتمنى نشوف مشاركات حضرتك فى قسم بروتون .

**salfons** · 06-08-2009 02:52 AM

المشاركة الأصلية كتبت بواسطة Eng. Rafy Samy

معلومات قيمة جداً شكراً ليك..
بس لو ممكن تقولنا معلومات اكتر عن الشركة والاهم لو كانت كونتاكت بتأمن على اي موديل هل كنت حتأمن معاهم ولا اميج افضل ..؟؟
تقبل تحياتي

بص بقى ياباشا:

اللينك بتاعهم اهوه AMIG

ودى نبذه عنهم فى موقع كونتاكت Untitled Document

بس بصراحة لو كونتاكت كانوا قبلوا كنت روحتلهم علشان حاجتين وهما الونش والسيارة البديلة

وامر فى اى اسئلة

**salfons** · 06-08-2009 03:00 AM

المشاركة الأصلية كتبت بواسطة mohabsaeed

اشكر حضرتك على سرعه الرد .... هو المبلغ كبير .... بس الحقيقه الواجا قطع غيارها " الاصليه " فى التوكيل مكلفه جدا ..... و التأمين عليها فكره موفقه جدا و تضمن " لاقدر الله فى اى ظرف تركيب القطع الاصليه بدل من التقليد المتوافره بره التوكيل .

انا فعلا فكرت فى موضوع التأمين خصوصا بعد ما الازاز الامامى فى عربيتى اتكسر امبارح و تغيره فى التوكيل حيتكلف فى حدود ال 1500 جنيه

.
بس لسه متردد الحقيقه

هى عموما عربيه جميله جدا و مختلفه عن اى عربيه فى فئتها , ربنا يباركلك فى عربيتك و يكفيك شرها و ماتحتاجش للتأمين فى اى شى ان شاء الله

و نتمنى نشوف مشاركات حضرتك فى قسم بروتون .

فعلا حاجات بروتون غالية حبة ... بس ربنا يخللى لنا جارى القديم اشرف منصور

على فكرة فانوس الشبورة الصغير جبته ب 250 من عنده وعند امير وجوزيف 750 اما بهوات عز العرب ب 950 !!!

ومعلهش على ازاز العربية والمهم انك سليم والحمد لله بس انصحك تجيب الاصلى لانهم بصوا على الازاز الاصلى اول حاجة فى المعاينة (الست ازايز !!)

وانا مشترك معاك فى الرأى انها عربية فعلا حلوة (لحد دلوقتى: 5 سنين - 2 بطارية - 105 الف كيلو...ومساعد ) ومن حلاوتها مش عارف لو بعتها اجيب ايه !!!

وانا جاهز لأى اسئلة واشترك فى اى حاجة ياباشا

والف شكر

**MohabSaeed** · 06-08-2009 03:09 AM

انا قريت موضوع مهم عن التأمين فى المنتدى هنا كاتبه أ احمد سعد ... و فى نقطتين الحقيقه ماعجبونيش عن المجموعه العربيه

اهلاك قطع الغيار : حسب تقدير الخبير
نسبة تحمل عند تكرار المطالبة : من 10 الى 25 % من الحادث الثالث

1- مشكله كبيره ان مندوب او خبير زى مابيقوله هو الى يحدد نسبه اهلاك قطع الغيار ... البند ده خطير الحقيقه .

2- لو طالبت ب تغير ازاز ... و بعدها بفتره غيرت فانوس ... و لاقدر الله حصل حادث كبير فى المره التالته حيبقى كده فى نسبه تحمل و واضح انها برده غير محدده فى حين ان فى شركات مفيهاش نسبه التحمل .... او على الاقل بتبقى نسبه محدده و ثابته .

انا بقلق من البنود المتغيره ... من نوعين .. من كذا الى كذا % .... و على حسب التقدير ....
-------------

amig المجموعة العربية للتأمين
السعر : 3.75 % + الدمغات
التغطية : حريق ، سطو
تكلفة الاخطار : لا
اهلاك قطع الغيار : حسب تقدير الخبير
نسبة تحمل عند تكرار المطالبة : من 10 الى 25 % من الحادث الثالث
الاصلاح فى التوكيل : ممكن مع تحمل 10 % وبعد 5 سنوات 25 %
الونش : لا يوجد
الحصول على خصم من قسط السنة التالية فى حالة عدم المطالبة : لا
المسئولية المدنية : 10000 جنيه حد اقصى ممتلكات وعربيات اخرى
نسبة الهلاك الكلى : 50 %
كسر الزجاج يعتبر مطالبة