الموضوع: الديسك والأسطوانة

المشاركة الأصلية كتبت بواسطة ibhassan

لما باجى أعشق الأول أو المارشدير أحيانا مبيرضاش يعشق إلا لما بحاول أكتر من مرة المهم أنا قلت ممكن يكون زيت الفتيس ناقص وبالفعل غيرت الزيت كله لأنى لقيت صاحب العربيه القديم كان حاطط زيت أحمر أعتقد إنه زيت أتوماتيك أو باور (الله أعلم) صحيح التعليق فى الغيار قل شويه لكنه أحيانا بيكون موجود + أحيانا بتكون فيه رجه فى العربيه وأنا طالع فأنا متخيل إنه ممكن يكون الديسك فيه مشكله
بعد إذنكم عايز أعرف أى الأنواع فى الديسك والأسطوانه أفضل علما أننى سألت فى الحرفيين لقيت فى لوك الألمانى(أصلى) عامل 930 بلبل ولقيت أنواع تانيه أسبانى وحاجات تانيه مش فاكرها
وعايز أعرف رأيكم كمان أغيره فى التوكيل بتاع رابعه وهيتكلف كام ولا فى حد كويس بره
كمان أنا سمعت في ميكانيكيه بيفكوا العفشه ويغيروه من تحت وفى ناس تانيه بيرفعوا الموتور ويغيروه الصح والأئمن فين أرجو النصيحه من أهل الخبرة فى العصابه وشكرا مقدما

شوف يا باشا..
التعليقة دي ممكن تكون فعلا من الاسطوانة.. او ممكن تكون من قاعدة الفتيس مش مظبوطة.. مش في مكانها كويس..

بالنسبة لزيت الفتيس الاحمر فده زيت فتيس فعلا مش زيت باور في منه لونه احمر.. و عل يفكرة ده انضف علي حسب ما سمعت من الابيض العادي.. انا كمان عربيتي كان فيها الاحمر ده لما غيرت الاسطوانة و الديسك..

الرجة دي لو بتزيد فعلا لما بتكون العربية سخنة.. او مشيت بيها كتير و حملت علي الدبرياج كتير.. يبقي هو كده فعلا~..

النوع.. انا غيرته من فترة و كنت جايب لوك.. بس اللي حصل انه كان مضروب.. و حسبنا الله و نعم الوكيل..
و باظ تاني و رجعت الرجة بعد 6 شهور تقريبا.. و حوالي 6000 كم..
اهم حاجة تعمله ف التوكيل.. عشان هتاخد علهي ضمان.. لو حصل فيه حاجة او البضاعة مضروبة.. هترجع ليهم و تغيره علي حسابهم..
التغيير بيكون من تحت العربية.. مش لازم يتفك الموتور.. عادي.. و نصيحتي خليك في ده ف التوكيل.. عشان تريح دماغك.. و شوف النوع اللي هما بيستعملوه ايه..
المصنعيه ممكن تدخل في 300 جنيه مثلا.. بس مش مشكلة.. دماغك..

بصراحة انا اخاف اجيبه استيراد..
لأنه ممن بعد فترة بسيطة.. يضرب تاني..
و فك و تركيب ووجع دماغ..