الساده الافاضل رواد المنتدي
....الرجاء المشاركه في عمل مقارنه بالتفصيل بين اوكتافيا فانتازيا الخليجى وفانتازيا التوكيل حيث اننى ذاهب ان شاء الله تعالى باكر لشراء سيارة خليجى بعد علمى فارق السعر بين الاثنين ووجدت سعر التوكيل 168 الف وسعر الخليجى 160 الف علما ً بأن الخليجى تحتوى على جنوط بينما المصرى بها طاست و لكن الخليجى ينقصها زجاج كهربى خلفى بينما المصرى زجاج كهربائى كامل امامى وخلفى
.... الرجاء سرعة الرد مباشرة ولكم خالص شكرى على حسن تعاونكم
:3_3_102[1]:
انا راى جيب التوكيل
عشان لو حصل حاجة فى السيارة او كان فيها مشكلة
الخليجي مش بتدخل التوكيل إلا بعد مرور سنتين علي الشراء هو ده العيب الوحيد بس الخليجي احسن من التوكيل
انا بصراحة معنديش فكرة
بس كنت قراءت هنا فى المنتدى عن الفرق ما بنهم
كان مكتوب ان التوكيل بتزل بتجهيزات rauf road package ال هو ان العربية بتكون مصفحة بصاج من تحت و كمان على ما اظن مسعدين رياضى
كمان بتكون اعلى شوية ب 1.5 سم
اما الخليجى بيكون فيبر من تحت و اوطى
لذلك التوكيل افضل
كمان هنا فى عضو محترم كان عندة مشكلة فى قطعة فى الموتور و كان صعب يلقيها لانها مختلفة عن الوكيل تماما و داخ عليها شوية و جبها مستعملة
يعنى انا قولت اقولك ال اعرف بس الكلام ده قبل الفانتزيا معرفش اه النظام فى الجديد
اسأل و اتاكد
و ما تنساش صلاة الأستخارة
اسف على الاطالة
بص ياباشا انا اشتريت فانتازيا وكيل للاسباب الاتية
1 موديل 2010 بدل من 2009 الخليخى
2- عربية غالية لازم تيجى بضمان علشان شكل جديد وقطع غيار اكيد مش حتكون موجدة غير فى الوكيل وبعدان راحة بال جامدة موضع الضمان
3 العربية الوكيل تعلى 4 سم عن خليجى انا قستها بنفسى وطبعا مهمة قوى فى الشوارع بتاعتنا
3-الخليجى ينقصة الاتى مريات ضم و تعتيم مرايات و سنسور مطر والتصفيح فيبر مش صاج واهم حاجة حساس ضغط الاطارات مش متاكد من الblutooth لان بيقولة مجهزة
وان كان على الجنوط الزيادة بتاعة الخلبجى فا دية ب 6000 جنية واعتقد ولا حاجة جنب الضمان
م / محمد عبدة