أول حادثة بالنيو اكسنت (قدر الله ماشاء فعل)

**muslimah_dentist** · 07-08-2009 12:47 AM

حمد لله على سلامتك يا رنا

قدر الله و ما شاء فعل

و ماتزعليش نفسك كله بأمر الله أهم حاجة انك بخير

**Ahmed A Rahman** · 07-08-2009 02:37 AM

يا ستي انتي تفرحي انك عملتي حادثة في شارع عين شمس والموضوع موضوع كاوتش وجنط

متعصبيش نفسك خالص
انا شارع عين شمس ده ليا فيه واحد صاحبي اوي
بقيت اوصله عند المزلقان والف عشان بقوله معلش آخر الخط يا حضرات !!!! وكان ساعتها معايا ال 128 !!!

فالحمد لله على كده

ويا ستي الحمد لله يا ما حتاخدي خبطات والحمد لله على السلامة

نصيحة ليكي دوري على الجنط بره لانك ممكن تلاقيه رخصيص اوي

يعني انا قصدي ان ساعات نفس الماركة بتنزل نفس مقاس الجنط في انواع كثير

يعني ممكن مثلا يطلع نفس جنط الفيرنا او الالنترا قصدي انك حتلاقيه متوفر في شارع دمشق بس اتاكدي هو مشترك معاهم ولا لأ

وتمشي نفسك اليومين دول بالاستبن خصوصا انه لسه بشوكه

الكاوتش الكومهو حلو فعلا خليكي في الكوري بلاش الفيتنامي ولا الصيني لان الانسان ماشي على اربع فرد هوا زي الناس البسيطة ما بتقول

وقولي اللهم اجرني في مصيبتي

مع خالص اسفي وتحياتي

**eslamrace** · 07-08-2009 03:22 AM

قدر الله وما شاء فعل

وان شاء الله متبقاش اكتر من الكاوتش والجنط وحمد الله على السلامه

**Terrible_DaRsH** · 07-08-2009 03:27 AM

ياااااه و انتى لحقتى تفرحي بيها .

قدر الله و ما شاء فعل , و احمدى ربنا انها مجتش فيكى و اخدت العين بدرى :)

**YaSSerwIN** · 07-08-2009 10:43 AM

هو شكل شارع عين شمس دة منحوس
لأنى بردك عربيتى أتحكت أمبارح بردك هناك

خلى بالك من زحمة المزلقان اللعين دة علشان هاتشوفى حرب مش سواقة والى عايز يعدى منه فى الزحمة لازم يكون معاه حد ينزل يعديه لأن الناس مش بيبقا عندها اى شىء من التفاهم

انا ليا أصدقاء كتير فى عين شمس ولما بروح لحد فيهم بحاول انى أتأخر لبعد 12 بليل علشان مواجهش الزحمة دة

وخلى بالك وبلاش نرفزة أقفلى زجاج العربية وشغلى التكييف وموسيقى هادية وأمشى براحتك علشان انتى فى فترة تلييين ياعنى مافيش الأمريكانى والكلام دة

**akram2010** · 07-08-2009 10:54 AM

سلامتك بمليون عربيه وحمدلله على سلامتك ... شوفى الكاوتش نفس نوع بقيه كاوتش عربيتك مهم قوى ونفس المقاس والجنط جديد واوعى المستعمل مهم قوى وخدى من الوكاله عندكم فى مصر لآن بصراحه السوق فيه غش كثير واللعب بالاسعار هو بسبب جودة بضائع فى النهايه مصلحتك فى قطع غيار مش مغشوشه او مقلدة او جودة اقل مستورد من الصين ومكتوب عليه كورى وامريكى ويابانى وزى ما المستورد عايز وما ينوبك الا فلوس مصنعيات فى فك وتركيب وعطله بسبب قطع الغيار الرخيصه .. احسيبيها صح وخدى حاجتك من الوكاله اصليه ووفرى فلوسك وجهودك والف سلامه

**madoo** · 07-08-2009 12:12 PM

الف حمد لله على سلامتك انتى بعد كده كله يغور فى داهيه

معلش احمدى ربنا

**نور القمر** · 07-08-2009 01:26 PM

معلش يا رنا الحمد لله انها جات على اد كدة وقدر الله وماشاء فعل
احمدي ربنا انه مخبطش فيكي ودخلتي في دوامة سمكرة ودوكو
مش انتي بتقولي عليا خوافة في السوقة خليكي خوافة زيي تسلمي ان شاء الله
انا خوفي بيخليني حت وانا عارفه ان الاولوية ليا اصبر لما اشوف في حد ناوي يتغابى ولا لأ
ويارب تكون اول واخر حادثة وربنا يعوض عليكي بكل خير يا حبيتبتي

-

الموضوع: أول حادثة بالنيو اكسنت (قدر الله ماشاء فعل)

LinkBack

أدوات الموضوع

عرض

-

-

-

المواضيع المتشابهه

الحمد لله - عملت حادثة - قدر الله و ماشاء فعل

عملت حادثة بالنيو أكسنت 2011

من صفر ل 100 بالنيو اكسنت في اد إيه ؟

ثاني حادثة بالنيو اكسنت (قدر الله وماشاء فعل) برده

عملت حادثة بالنيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة