الموضوع: أول حادثة بالنيو اكسنت (قدر الله ماشاء فعل)

ولا يهمك ... انا حصل معايا موقف زى كدة و أنا جايب العربية من المعرض ... بردو نيو أكسنت 2009 ...بس الحادثة جت فى رفرف و الحمد لله

المشاركة الأصلية كتبت بواسطة mohamedfawzyhassan

اولا حمدا لله على سلامتك قبل قل شىء و قدر الله وما شاء فعل
وزى ما بيقولوا قضى اخف من قضى

و ان شاء الله مش هيكون فيه اضرار ثانيه لآنه واضح ان الكاوتش و الجنط امتصوا الصدمه كلها و لو على قد كده يبقى كل اللى هتتكلفيه هما فرده كاوتش جديده و جنط ...

الكاوتش ممكن تجيبيه اى نوع بس يكون كويس و تشغليه استبن علشان الأربع فرد اللى راكبين يفضل ان يكونوا نوع واحد ولو هتجبيبى نوع غير اللى عندك يبقى زى ما قلتلك خليه استبن

اما الجنط فيفضل بصراحه تشتريه جديد لآن المستعمل فى موضوع الجنوط ده مبيبقاش مضمون و خصوصا انك عايزه جنط واحد .... يعنى لو حد عنده طقم مستعمل مش هيطلع منه جنط و يبوظ الطقم .... اكيد هيكون عايزك تشترى الطقم كله . فلو التوكيل ممكن تشترى منه جنط واحد يبقى كويس قوى

ثانيا لى عتاب صغير عند حضرتك وهوا : ان الحمد لله الموقف بتاع العربيه الريتمو عدى على خير يبقى ليه بقى النرفزه ؟

انتى ياما هتشوفى طالما انك و بكامل قوتك العقليه قررتى انك تسوقى فى مصر يبقى هتشوفى انواع لا تعد ولا تحصى من الغباء و الأستهتار و الامبالاه

يبقى لازم تتعودى انك متنرفزيش نفسك و متخليش اى حد يخليكى عصبيه و متنرفزه لآن اسواء قرار الواحد ممكن يخده وهوا متنرفز

انا كنت زيك كده فى بدايه سواقتى

لكن دلوقتى بقيت حاجه تانيه خالص وبدأت انظر للأمور بنظره اخرى و مبتعصبش

لآن العصبيه و النرفزه بتغير كل وظائف الجسم و الموضوع ده بعانى منه جدا لآن عندى قرحه فى المعده و بالتالى العصبيه و النرفزه ممكن تموتنى !!!

يبقى صدقينى زى ما قلتلك مفيش حاجه مستاهله ....

ربنا معاكى و ان شاء الله تكون الأضرار بسيطه و اهلا بك فى السيرك ... اقصد شوارع المحروسه

الله يسلمك والحمد لله على كل شئ فعلاً
والله موضوع العصبية والنرفزة ده حصل غصب عني تماما ولومت نفسي عليه جداً حتى قبل مالحادثة تحصل لما كنت بتنرفز كنت بعاتب نفسي بشدة لكن في تصرفات فعلا بتكون مستفزة لأبعد الحدود تخلي الواحد ميقدرش يسكت زي ماتلاقي ناس ماشية عكسي وتبتسملك بمنتهى البرود ومعلش والنبي عديني وواحدة تانية ماشية عكسي (رغم إن الشارع الموازي ليها ةاللي هو طريقها اصلا فاضي تماما) لما جيت جنبها بقولها على فكرة انتي كده ماشية غلط انتي كده عكسي راحت قالتي اه مانا عارفة قلتلها طب ياريت متعمليش كدة تاني عشان غلط عليكي (بس دي طلعت محترمة شوية وحاسة بغلطها واحدة تانية عملت نفس موقفها كانت بتتكلم بزعيق وقلة ادب رغم انها غلطانة) يعني انا مش بتللكك عشان اتنرفز ، مانا ياما بعدي مواقف تشّل وتغيظ لكن كل انسان وله طاقة وساعات اصلا الواحد بيكون فيه اللي مكفيه ومش مستحمل وربنا وحده يعلم وقت الحادثة انا اصلا كنت ماشية طول الطريق تعبانة وبتألم جدا وكان عندي الم شديد جدا في معدتي لإني اخدت برد في المعدة وكنت بحلم اني اروح البيت عشان استريح بس مش اكتر.
عموما انا نويت اشتري جنط جديد وكاوتش جديد اصليين وخلاص وامري إلى الله بس من جوايا مش مسامحة البني ادم اللي كن السبب في الخبطة دي
وعموما انا فعلاً هاحاول على قد ماقدر اكون هادية وباردة كمان
وفعلا تاني يوم قفلت الإزاز وشغلت التكييف وشغلت الكاسيت وسوقت بمنتهي البرود وسبت اللي حواليا يخبطوا دماغهم في الحيطة واللي كان بيديني كلاكس عشان اكسر علي اللي قدامي عشان اعديه مكنتش بعبره ماهو لما اتخبطت محدش نفعني بحاجة يبقي ليه اعمل حساب الناس بقي واستعجل عشان اوسعلهم.

المشاركة الأصلية كتبت بواسطة BASKOTA

انتى لحقتى يا رنا

معلش قدر الله وما شاء فعل
بس انتى خليكى هادية وانتى سايقة بعد كده وماتخليش حد يستفزك

وحمدالله على سلامتك اهم حاجة

ابقى طمنينى عملتى ايه ومستنين اخبار المقايسة

شوفتي يابسكوتة ملحقتش اتهنى بيها حتى دانا لسة مكنتش شلت البلاستيك بتاعها من على الكراسي ولسة موضوعي الأولاني معداش عليه كام يوم حتى

المشاركة الأصلية كتبت بواسطة ahmedhilmy

الحمد لله قدر الله و ما شاء فعل و طالما انت بخير ده اهم حاجة كله يتعوض

المشاركة الأصلية كتبت بواسطة zazw

قدر الله ومشاء فعل الحمد الله على كل شىء اهم حاجه انتى بخير

المشاركة الأصلية كتبت بواسطة elassar2010

قدر الله و ما شاء فعل

المشاركة الأصلية كتبت بواسطة mahgary

قدر الله و ما شاء فعل المهم انكى بخير ومش مهم اى شى اخر المهم سلامتك بس

المشاركة الأصلية كتبت بواسطة ابو حسين

الحمد لله قدر الله و ما شاء فعل و طالما انت بخير ده اهم حاجة كله يتعوض

متشكرة اوي ياجماعة لإهتمامكوا والحمد لله على كل شئ وقدر الله وماشاء فعل

المشاركة الأصلية كتبت بواسطة كبوس الليل

انا فتحت الملف الشخصى بتاعك اتاكد ان انتى الى كنتى عاملة موضوع :
http://www.nilemotors.net/Nile/86261-2010-10.html
مش مصدق
فعلا الواحد يجيب عربية اسمنت مسلح عشان البلد ديه
وقدر الله ما شاء فعل
وربنا يستر

ماهو اللي قاهرني اني لسة كاتبة موضوعي من كام يوم ملحقتش حتى اتهنى بالعربية وافرح بيها
فعلا انا حسيت ان البلد دي خسارة فيها اي عربية جديدة والواحد يجيب حتة حديدة مشلفطة من كل اتجاه عشان الناس تخاف منه وميبكيش علي حاجة لو اتخبطتت
يالا الحمد لله على كل شئ وكويس انها جت على أد كده وبس .

المشاركة الأصلية كتبت بواسطة Hondawy_2008

ألف سلامة عليكي ودايما خلي بالك أي واحد عربيته ب 20 جنيه سيبيه يعدي لأنه مش هيفرق معاه يخرشملك عربيتك ( نفسي في يوم من الأيام أركب هامر و أدوس على كل ولاد التيت دول زي اللي عمل معاكي الموقف ده)

الله يسلمك انا فعلا بحاول اتجبنهم على قد ماقدر وفعلا كان طريق وانا اللي ليا الحقية اني اعدي لكنه مصبرش وكسر عليا كسرة غبية بجد يالا بقي هو هيروح من ربنا فين
انا كمان نفسي اركب عربية كل الناس تخاف منها وتعملها الف حساب عشان مسمحش لإي حد من البلطجية دول إنه يقرب مني ولا من حد عربيته جديدة وخايف عليها

المشاركة الأصلية كتبت بواسطة محمد ابراهيم 1

مش مهم العربية الحمد لله إنك بخير واللى ييجى فى الريش بقشيش ودى بقى العين

المشاركة الأصلية كتبت بواسطة Terrible_DaRsH

ياااااه و انتى لحقتى تفرحي بيها .

قدر الله و ما شاء فعل , و احمدى ربنا انها مجتش فيكى و اخدت العين بدرى :)

الحمد لله وقدر الله وماشاء فعل وعموما الحمد لله انها جت على اد كده وخلاص اهو الموضوع عدّي وياريت بس العين تكون اتكسرت وسكتت عني بقي لحسن انا مكنتش بحط موضوع الحسد ده في دماغي اوي ومكنتش بربطه بحد معين شاف حاجة ليا وحسدها لكن لما جبت العربية الجديدة حسيت بجد اد ايه الموضوع ده ممكن يجيب الواحد الأرض فعلا لمجرد ان حد يشوف بنت وراكبة عربية جديدة وميقولش حتى بسم الله ماشاء الله زي مايكون جتلي بسهولة ولا متعبتش وطلع عيني عشان اجيبها
امال لو كنت جبت جراند شيروكي ولا باجيرو ولا مرسيدس ولا BMW كان حصل ايه بيتهيألي كانت اتقلبت بيا وانا طالعة بيها من المعرض بقي.

المشاركة الأصلية كتبت بواسطة muslimah_dentist

حمد لله على سلامتك يا رنا

قدر الله و ما شاء فعل

و ماتزعليش نفسك كله بأمر الله أهم حاجة انك بخير

المشاركة الأصلية كتبت بواسطة eslamrace

قدر الله وما شاء فعل

وان شاء الله متبقاش اكتر من الكاوتش والجنط وحمد الله على السلامه

المشاركة الأصلية كتبت بواسطة Islam Amer

قدر الله وماشاء فعل

اهم حاجه ان حضرتك تكوني بخير

والعربيه تتعوض

الف حمدلله ع السلامه

المشاركة الأصلية كتبت بواسطة madoo

الف حمد لله على سلامتك انتى بعد كده كله يغور فى داهيه

معلش احمدى ربنا

الله يسلمكوا وبجد متشكرة اوي ياجماعة على مشاعركوا واهتمامكوا بيا وادعولي بس ان ربنا يسلملي طريقي بعد كدة

المشاركة الأصلية كتبت بواسطة نور القمر

معلش يا رنا الحمد لله انها جات على اد كدة وقدر الله وماشاء فعل
احمدي ربنا انه مخبطش فيكي ودخلتي في دوامة سمكرة ودوكو
مش انتي بتقولي عليا خوافة في السوقة خليكي خوافة زيي تسلمي ان شاء الله
انا خوفي بيخليني حتي وانا عارفه ان الاولوية ليا اصبر لما اشوف في حد ناوي يتغابى ولا لأ
ويارب تكون اول واخر حادثة وربنا يعوض عليكي بكل خير يا حبيتبتي

ربنا يخليكي يانور وبجد ميرسي جدا علة مكالمتك النهاردة ليا واهتمامك واطمئنانك عليا وربنا يديم المحبة بينا يارب
عندك حق يانور بس الواحد مبقاش عارف يعمل ايه لو مشي بخوف وحرص زيادة الناس اللي ورايا مش هاتسيبني وتفضل تدي في كلاكسات وكلام بايخ مالوش لازمة ده غير اني هاروح بيتي في 3 ساعات مع إن المسافة كلها ماتجيش 12 كيلو ولو جمدت قلبي ومشيت طبيعي برده الناس بتتغابي وتكسر عليا بجد مبقتش عارفة اعمل ايه حسبي الله ونعم الوكيل في اللي وصلونا للحال ده .

المشاركة الأصلية كتبت بواسطة yasserwin

هو شكل شارع عين شمس دة منحوس
لأنى بردك عربيتى أتحكت أمبارح بردك هناك

خلى بالك من زحمة المزلقان اللعين دة علشان هاتشوفى حرب مش سواقة والى عايز يعدى منه فى الزحمة لازم يكون معاه حد ينزل يعديه لأن الناس مش بيبقا عندها اى شىء من التفاهم

انا ليا أصدقاء كتير فى عين شمس ولما بروح لحد فيهم بحاول انى أتأخر لبعد 12 بليل علشان مواجهش الزحمة دة

وخلى بالك وبلاش نرفزة أقفلى زجاج العربية وشغلى التكييف وموسيقى هادية وأمشى براحتك علشان انتى فى فترة تلييين ياعنى مافيش الأمريكانى والكلام دة

عندك حق والله انا نفسي اعزل من بيتنا عشان معديش علي الشارع الزبالة ده واترحم من زحمة المزلقان اللعين ده فعلا .
وانا خارجة من شغلي ومروحة ببقي حاملة هم الشارع ده وبفضل ادعي ان الدنيا تكون سالكة عشان اروح في معادي ومتأخرش وعشان في البيت ميلوموش عليا ويقولولي العربية هي سبب تأخيرك عن مواعيدك

المشاركة الأصلية كتبت بواسطة hamadamdph

يا ستي انتي تفرحي انك عملتي حادثة في شارع عين شمس والموضوع موضوع كاوتش وجنط

متعصبيش نفسك خالص
انا شارع عين شمس ده ليا فيه واحد صاحبي اوي
بقيت اوصله عند المزلقان والف عشان بقوله معلش آخر الخط يا حضرات !!!! وكان ساعتها معايا ال 128 !!!

فالحمد لله على كده

ويا ستي الحمد لله يا ما حتاخدي خبطات والحمد لله على السلامة

نصيحة ليكي دوري على الجنط بره لانك ممكن تلاقيه رخصيص اوي

يعني انا قصدي ان ساعات نفس الماركة بتنزل نفس مقاس الجنط في انواع كثير

يعني ممكن مثلا يطلع نفس جنط الفيرنا او الالنترا قصدي انك حتلاقيه متوفر في شارع دمشق بس اتاكدي هو مشترك معاهم ولا لأ

وتمشي نفسك اليومين دول بالاستبن خصوصا انه لسه بشوكه

الكاوتش الكومهو حلو فعلا خليكي في الكوري بلاش الفيتنامي ولا الصيني لان الانسان ماشي على اربع فرد هوا زي الناس البسيطة ما بتقول

وقولي اللهم اجرني في مصيبتي

مع خالص اسفي وتحياتي

الحمد لله على كل شئ وان الموضوع فعلا جه في جنط وكاوتش بس وربنا يتوب علينا من شارع عين شمس ده بقي

المشاركة الأصلية كتبت بواسطة akram2010

سلامتك بمليون عربيه وحمدلله على سلامتك ... شوفى الكاوتش نفس نوع بقيه كاوتش عربيتك مهم قوى ونفس المقاس والجنط جديد واوعى المستعمل مهم قوى وخدى من الوكاله عندكم فى مصر لآن بصراحه السوق فيه غش كثير واللعب بالاسعار هو بسبب جودة بضائع فى النهايه مصلحتك فى قطع غيار مش مغشوشه او مقلدة او جودة اقل مستورد من الصين ومكتوب عليه كورى وامريكى ويابانى وزى ما المستورد عايز وما ينوبك الا فلوس مصنعيات فى فك وتركيب وعطله بسبب قطع الغيار الرخيصه .. احسيبيها صح وخدى حاجتك من الوكاله اصليه ووفرى فلوسك وجهودك والف سلامه

الله يسلمك والحمد لله على كل شئ
عموما انا فعلا متخوفة من موضوع المستعمل ومش عايزة اغامر وشكلي كده هاجيبهم من التوكيل لو التأمين رضي يشيلهم الإتنين واريح دماغي وخلاص

المشاركة الأصلية كتبت بواسطة samirayad

فى أى حادثه فى مناطق مزدحمه .....ده بيكون لطف من الله وفضل عظيم
ومهما يحدث من آثار سلبيه على العربيه من جراء الحادثه .......مش مهم
ولكن ......أيه الحل ....لاقدر الله ...لو تعرض أى أنسان لحادث على طريق سريع
هى دى المشكله .....لأن مش العربيه اللى حتتأثر فقط .....لا دا الأنسان كمان حيتأثر بدون شك ..............
يبقى الواحد يعمل أيه فى حاله زى دى .....
يقول الحمد لله ....وميتنرفزش .....

طبعاً الحمد لله على كل شئ وانا لو مكنتش حمدت ربنا مكنش الموضوع جه في جنط وكاوتش وبس ويمكن كان يحصل اصابات اكتر من كده في عربيات حواليا وابقي بصلح عربيتي وعربياتهم كمان
بس انا اتنرفزت من الكسرة الغبية بتاعة الراجل ده يعني لو كان بس صبر ثانية واحدة بس واحترم نفسه ومشي في طريقه صح مكنتش الحادثة دي حصلت من اساسه لكن نعمل ايه بقي عموما قدر الله وماشاء فعل

المشاركة الأصلية كتبت بواسطة samirayad

وواضح طبعا أن أختنا الفاضله ....شكرت الله

المشاركة الأصلية كتبت بواسطة samirayad

وأعتقد الموضوع عادى جدا بالنسبه لها ولم يترك آثار سيئه على الحاله النفسيه
بدليل العرض الرائع للموضوع المحلى بالأبتسامات المعبره عن أن ده شىء عادى والحمد لله على كل حال

طبعا انا شكرت ربنا وحمدته ان الموضوع جه لحد كده وبس وعلى فكرة انا كتبت الموضوع ده بعد ماروقت خالص وهديت لإني لو كنت كتبته بعد ماحصل مباشرة كان الإسلوب هايختلف تماما واساسا انا بعد مالحادثة حصلت انهارت وعيطت وروحت البيت وانا حالتي في منتهي السوء ومكنتش راضية اكلم حد ده غير ان التعب زاد عليا والم معدتي زاد اكتر واكتر وكنت بموت بالليل واخدت الدوا من هنا ومعدتي كلها اتقلبت ورجّعت وكنت بصرخ من كتر الالم وكانت حالتي لا يرثى لها وتاني يوم الصبح صحيت بالعافية وانا بلبس عشان اروح شغلي كنت هاقع من طولي وشبه فقدت الوعي واغمى عليا لمدة 10 دقايق لإني كنت تعبانة جدا وطبعا مكنتش اكلت ومكنش ليا نفس للأكل يوم الحادثة باليل اصلا وفكرت اغير هدومي ومنزلش الشغل لكني استريحت شوية وبعدين جيت علي نفسي وكملت لبس ونزلت شغلي وانا برده على وشي ملامح الأسي لدرجة ان كل اللي كان يشوفني يقولي مالك حصل ايه انتي كويسة؟ وطبعا حكيتلهم بالعافية لإني مكنش ليا نفسي اكلم حد اصلا وكتبت علي الماسنجر Out Of Mood عشان محدش يكلمني .
وشوية واتصلت بشركة التأمين والتوكيل والحوارات دي وبعدين تمالكت نفسي وقلت لنفسي الزعل ممنوش فايدة يالا حتى لو جت في خساير مادية اهو ربنا هايدبرها وحاولت اهدي نفسي ووالله يابشمهندس سمير انا كتبت الموضوع بالصيغة دي من غُلبي لكن حالتي النفسية لسة مش على مايرام لكني بحاول مبينهاش عشان مكأبش الناس اللي حواليا ماهم مالهمش ذنب في اللي حصلي يعني .

المشاركة الأصلية كتبت بواسطة samirayad

وأذكر نفسى وأياكم بهذا القول

المشاركة الأصلية كتبت بواسطة samirayad

لو أطلعتم على الغيب .....لأخترتم الواقع
فالحمد لله على كل حال
وفى هاذوها الموقف .....
أنصح فقط برفع السياره فى بنزينه للأطمئنان على منطقة العفشه التى تعرضت للحادث
مع شراء فردة كاوتش وجنط جديد
وتجربة السياره ........
وصفحه وطويت ...ومع الأيام سيتم نسيانها

مانا فعلا رفعتها في بنزينة والراجل طمنّي لكنى فضلت قلقانة وخليت زميل ليا في الشغل يجربها قاللي مفيهاش حاجة بس عدلة الدريكسيون معووجة سنة صغيرة ودي امرها سهل عربتي مرة اخدت مطب جامدة عملت كده واتعدلت بسهولة.
وبعدين روحت مركز كارفان الرحاب والمهندس جربها طمني وقاللي مفيهاش اي حاجة وقاللي ان الجنط والكاوتش امتصوا الصدمة وهما بس هايحتاجو يتغيروا وعمللي مقايسة بيهم وهاشوف بقي يوم الأحد ان شاء الله الموضوع هايمشي ازاي.

المشاركة الأصلية كتبت بواسطة mobitic

حمدا لله على سلامتك والحمد لله جت سليمة
قدر الله وما شاء فعل

الله يسلمك والحمد لله على كل شئ

المشاركة الأصلية كتبت بواسطة mrzico2000

ولا يهمك ... انا حصل معايا موقف زى كدة و أنا جايب العربية من المعرض ... بردو نيو أكسنت 2009 ...بس الحادثة جت فى رفرف و الحمد لله

الحمد لله انها جت على أد كده وقدر الله وماشاء فعل وعلى رأي بتوع التوكيل لما كلمتهم المندوب بيسألني بيقوللي هيا عاملة كام كيلوا قلتله لسة مكملتش 500 كيلو قاللي دي لسة جديدة عموما هي دي ضريبة العربية الجديدة