| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 47

  1. #1

    الصورة الرمزية R A N A

    رقم العضوية : 11997

    تاريخ التسجيل : 01Jun2008

    المشاركات : 1,019

    النوع : انثى

    الاقامة : Cairo

    السيارة: مفيش ... هي سيارة واحدة والحمد لله

    السيارة[2]: New Accent 2010 - Maroon

    الحالة : R A N A غير متواجد حالياً

    Unhappy أول حادثة بالنيو اكسنت (قدر الله ماشاء فعل) - Facebook Twitter whatsapp انشر الموضوع فى :

    hasad">

    اول امبارح وانا ماشية في شارع عين شمس (وحسبي الله ونعم الوكيل في ده شارع وفي اللي صممه اصلا من كتر القرف اللي بشوفه فيه نفسي يلغوه واشوفلي طريق تاني امشي فيه ) المهم انا ماشية في طريقي عادي والطريق ده اللي ساق فيه قبل كده عارف إنه كتير بيتقفل قفلة سودة من غير حوادث ولا بتاع لكن بسبب كثرة الفتحات اللي في الرصيف واللي بيطلق عليها عبثاً "يوتيرنات" وكمان التقاطعات الزبالة اللي فيه عمال على بطال وطبعا معظم العربيات فيه ميكروباص ونص نقل والملاكي حدّث ولا حرج سلوكهم انيل من الباقيين والتقطاعات دي كلها بدون اي عسكري لعبة حتى يقف يشاور للعربيات وغالبا العربيات بتمشي في الطريق ده بالمجهودات الذاتية يعني لما الطريق بتقفل ويتلعبك تلاقي سواقين الميكروباص او التباعين بتوعهم أو المارة نفسهم (لو كانوا فاضيين وحابين يتسلوا) ينزلوا عشان يسلكوا الطريق ويوجهوا العربيات بنفسهم ووسع يافلان واستني انت وعدّي انت وهكذا لحد ماشوية عربيات تفلت من الزحمة وترجع تتلعبك تاني .
    المهم انا قدري كتب عليا اني اعدي في الشارع ده يومياً وطبعا الحمد لله الذي لايحمد على مكروه سواه
    وانا ماشية في طريقي عادي وسايقة على سرعة قليلة في شارع عين شمس الرئيسي وقبل الكنيسة في فتحة من ناحية الشمال وقصادها شارع يمين (انا اللي اعرفه ان الاحقية للي جاي على طول واللي قاطع الطريق ده المفروض يستني الطريق يفضي وبعدين يعدي) المهم مشيت وعربيتي عدت تلتين الفتحة وخلاص هاكمل طريقي علي طول الاقي واحد بعربية لونها سمني أو بيج تقريبا ريتمو او حاجة شبهها (إعذروني مش قادرة افتكر كويس لإن الحاجات اللي حصلت وقت الحادثة شبه اتمسحت من ذاكرتي تماما مش عارفة ازاي) المهم انا بصيتله وباين جدا اني هاعدي قبليه واسيبه يقطع الطريق بعدي لكنه مصبرش فراح رمي بوز عربيته قبلي وعدي عربيته بالعافية ومكنش في مسافة بينا تقريبا لدرجة اني افتكرته خبطني بس طبعا اول مارمي بوزه اضطريت اني افرمل وبعدين هو عدي ولا كإن اللي كسر عليها دي موجودة اصلا بمنتهي قلة الذوق ، انا للأسف اتنرفزت ودمي اتحرق من الحركة دي وغالبا كنت سايبة العربية علي الغيار التاني ومن كتر النرفزة روحت دايسة على دواسة البنزين جامد وطلعت بالعربية امريكاني (غصب عني ) وغالبا برده الدريكسيون كان ملفوف المهم معرفش حصل ايه كده (اللحظتين بتوع الحادثة دول واقعين من ذاكرتي تماما زي مايكون غبت عن الوعي في الوقت ده) ومفوقتش غير لما لاقيتني لابسة في الرصيف وسمعت صوت بوووووووم طراااااااااخ والعربية كل مافيها فصل تماما وانا رجلي علي البنزين وعمالة ادوس والعربية بتنط ومش بتتحرك وفوقت لنفسي طبعا اكتشفت انها فصلت قمت استجمعت قوايا ودورتها وعدلت نفسي وجيت عشان الحق اللي منه لله اللي كان السبب في اللبسة دي طبعا هيهات لإني اولاً حسيت العربية معووجة وبتمشي بالعافية عرفت ان الكاوتش فرقع ومرضتش امشي عليها عشان غلط والموضوع ميتطورش للأسوأ المهم هديت نفسي وشغلت الفلاشر وركنت على جنب ونزلت (طبعا كنت متوقعة اني هانزل الاقي مصيبة سودة منيلة بستين نيلة ) لكنها طلعت مصيبة سودة بس أولاً لاقيت الكاوتش الشمال على الأرض تماما ومتفرتك والطاسة معووجة ومتجرحة ومتشلفطة كنت قصاد البنزينة ولسة هاروح لاقيت علي الناحية التانية لاقيت بتاع كاوتش روحلته قلتله الكاوتش فرقع وتعالي شوف ايه اللي حصل وشوف هانعمل ايه قاللي معاكي عدة وكوريك قلتله معايا كل حاجة العربية لسة زيرو روحت ولأول مرة افتح شنطة العدة واستعمل المفك والكوريك بتوع العربية.
    فك الطاسة ولاقي الجنط معووج عوجة بشعة وفك العجلة وروحنا على المحل بتاعه ، الكاوتش اتقطع قطعتين كبار لايقلوا عن 1سم واتكحتت منه حتة برده نفس الحجم بإختصار الكاوتش مبقاش نافع تاني وكذلك الحال بالنسبة للجنط لإنه حاول يستعدله معرفش وغالبا برده الجنط كده بخ .
    المهم قاللي ممكن الحملك الكاوتش واركبلك شنبر بس الموضوع هايكون مكلف انا عندي فردة مستعمله ب 140 جنيه مبقتش عارفة اعمل ايه المهم كلمت أخ عزيز له باع قوي في عالم السيارات اقترح عليا اني مشتريش منه مستعمل ولا حاجة واخليه يركبلي الاستبن واروح وبعدين نبقي نشوف القصة ايه.
    وبالفعل عملت كده وروحت وانا منهارة وبعيط وكنت اصلا بعيط اول ماشوفت منظر الكاوتش والجنط وهما مبقوش نافعين تاني ودي كانت الخساير الواضحة الله اعلم بقي في حاجة تانية اتأثرت ولا لأ .

    المهم اتصلت بالتوكيل امبارح وحكيت على اللي حصل حجزلي معاد يوم السبت كلمت مندوبة التأمين قالتلي تحبي تصلحي فين قلتلها التوكيل قالتلي طيب روحي التوكيل وهناك اعملي مقايسة وابعتهالي علي الفاكس ومندوب التأمين يجيلك على التوكيل تاني يوم ويصور ويتناقش مع التوكيل وبعدين تتصلح وتجيبلنا الفاتورة ونطلعلك الشيك وكده.
    المهم كلمت التوكيل تاني عشان أسألهم لو في رسوم عشان اكشف على العربية واعمل مقايسة واديها لشركة التأمين قاللي بتدفعي 300 جنيه مقدم لو صلحتى عندنا بيتخصموا من الفاتورة لو مصلحتيش مبتسترديهمش تاني وبيعتبروا تمن المقايسة .

    كلمت مركز كارفان الرحاب قاللي حضرتك تشرفينا ونشوف حصل ايه قلتله طب جمعة وسبت قاللي بلاش بيكونوا زحمة اوي لو تقدري تيجي النهاردة الموضوع مش هياخد وقت كبير واحنا شغالين لحد 8:30 مساءاً سألته على رسوم الكشف عشان هاعمل مقايسة وأوديها لشركة التأمين لو الموضوع طلع كبير قاللي حضرتك شرفينا بس الاول ونشوف ومتحمليش هم حاجة.
    عموما انا هاروح النهاردة ان شاء الله اشوف ايه النظام وربنا يستر ميكونش سمَعت في حاجة تانية في العربية من تحت رغم اني روحت بنزينة شل الكوربة امبارح رفعتها و كشفلي عليها وانا شوفتها معاه طمني قاللي مفيهاش حاجة وكله سليم والجنط والكاوتش هما اللي خدوا الخبطة كلها وباقي العربية متأثرش والحمد لله.
    بجد الموضوع ده منكد عليا اوي عشان العربية لسة ملحقتش افرح بيها ويحصلها كدة منه لله اللي كان السبب عشان حدفته قدام عربيتي بالشكل ده هي اللي عملت ده كله وانا طبعا منكرش اني غلطانة لإني اتنرفزت واتغابيت علي العربية وطلعت نرفزتي فيها .
    عموما الحمد لله على كل شئ وقدر الله وماشاء فعل.
    انا دلوقتي المفروض اللي متأكدة منه اني لازم اجيب فردة كاوتش جديد وجنط جديد ولسة هاشوف في حاجة تاني ولا لأ.
    الكاوتش بتاعي كومهو R 14" 185/65 والجنط 14

    سألت في التوكيل سعر الكاوتش 450 وسعر الجنط 600 جنيه .
    سألت برده عند موزعين كومهو لاقيت سعر الكومهو فيتنامي ب 235 والكوري مكنش موجود ولسة هايجيله قاللي هايكون في حدود 260 جنيه اما الجنوط طبعا هاتكون مستعملة ومعرفش رنج الاسعار ايه.
    عموما ربنا يستر واشوف كشف النهاردة هايقولوا ايه.

    ودي كانت أول حادثة قوية لعربيتي النيو اكسنت 2010
    إهئ إهئ إهئ
    قولولي رأيكم ايه وماهي الحلول المتاحة حالياً في مثل هاذوها الموقف


  2. #2

    الصورة الرمزية Mohamed.Fawzy

    رقم العضوية : 8269

    تاريخ التسجيل : 01Apr2008

    المشاركات : 1,195

    النوع : ذكر

    الاقامة : Cairo

    السيارة: N/A

    السيارة[2]: Daewoo Lanos

    الحالة : Mohamed.Fawzy غير متواجد حالياً

    Post -

    اولا حمدا لله على سلامتك قبل قل شىء و قدر الله وما شاء فعل
    وزى ما بيقولوا قضى اخف من قضى

    و ان شاء الله مش هيكون فيه اضرار ثانيه لآنه واضح ان الكاوتش و الجنط امتصوا الصدمه كلها و لو على قد كده يبقى كل اللى هتتكلفيه هما فرده كاوتش جديده و جنط ...

    الكاوتش ممكن تجيبيه اى نوع بس يكون كويس و تشغليه استبن علشان الأربع فرد اللى راكبين يفضل ان يكونوا نوع واحد ولو هتجبيبى نوع غير اللى عندك يبقى زى ما قلتلك خليه استبن

    اما الجنط فيفضل بصراحه تشتريه جديد لآن المستعمل فى موضوع الجنوط ده مبيبقاش مضمون و خصوصا انك عايزه جنط واحد .... يعنى لو حد عنده طقم مستعمل مش هيطلع منه جنط و يبوظ الطقم .... اكيد هيكون عايزك تشترى الطقم كله . فلو التوكيل ممكن تشترى منه جنط واحد يبقى كويس قوى

    ثانيا لى عتاب صغير عند حضرتك وهوا : ان الحمد لله الموقف بتاع العربيه الريتمو عدى على خير يبقى ليه بقى النرفزه ؟

    انتى ياما هتشوفى طالما انك و بكامل قوتك العقليه قررتى انك تسوقى فى مصر يبقى هتشوفى انواع لا تعد ولا تحصى من الغباء و الأستهتار و الامبالاه

    يبقى لازم تتعودى انك متنرفزيش نفسك و متخليش اى حد يخليكى عصبيه و متنرفزه لآن اسواء قرار الواحد ممكن يخده وهوا متنرفز

    انا كنت زيك كده فى بدايه سواقتى

    لكن دلوقتى بقيت حاجه تانيه خالص وبدأت انظر للأمور بنظره اخرى و مبتعصبش

    لآن العصبيه و النرفزه بتغير كل وظائف الجسم و الموضوع ده بعانى منه جدا لآن عندى قرحه فى المعده و بالتالى العصبيه و النرفزه ممكن تموتنى !!!

    يبقى صدقينى زى ما قلتلك مفيش حاجه مستاهله ....

    ربنا معاكى و ان شاء الله تكون الأضرار بسيطه و اهلا بك فى السيرك ... اقصد شوارع المحروسه

    اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)

    *فى بلد اللى ملوش كبير لازم يشتريلوا كبير*
    *و اللى معهوش ما يلزموش*


  3. #3

    الصورة الرمزية ahmedhilmy

    رقم العضوية : 13412

    تاريخ التسجيل : 22Jun2008

    المشاركات : 3,079

    النوع : ذكر

    الاقامة : cairo

    السيارة: سابقا lanos 2

    السيارة[2]: Optra AT

    دراجة بخارية: no

    الحالة : ahmedhilmy غير متواجد حالياً

    افتراضي -

    الحمد لله قدر الله و ما شاء فعل و طالما انت بخير ده اهم حاجة كله يتعوض

    A.Hilmy


  4. #4

    الصورة الرمزية Hondawy_2008

    رقم العضوية : 8131

    تاريخ التسجيل : 29Mar2008

    المشاركات : 1,056

    النوع : ذكر

    الاقامة : Cairo

    السيارة: not avilable

    السيارة[2]: Honda Civic 2008 F/A

    الحالة : Hondawy_2008 غير متواجد حالياً

    افتراضي -

    ألف سلامة عليكي ودايما خلي بالك أي واحد عربيته ب 20 جنيه سيبيه يعدي لأنه مش هيفرق معاه يخرشملك عربيتك ( نفسي في يوم من الأيام أركب هامر و أدوس على كل ولاد التيت دول زي اللي عمل معاكي الموقف ده)


  5. #5

    الصورة الرمزية كابوس الليل

    رقم العضوية : 2363

    تاريخ التسجيل : 28Sep2007

    المشاركات : 1,823

    النوع : ذكر

    الاقامة : Egypt-Cairo

    السيارة: Lamborghini Reventon

    السيارة[2]: Proton Gen 2 2012

    دراجة بخارية: هوا رخامة انى اكتبها يعنى عشان افتح المنتدى؟

    الحالة : كابوس الليل غير متواجد حالياً

    افتراضي -

    انا فتحت الملف الشخصى بتاعك اتاكد ان انتى الى كنتى عاملة موضوع :
    http://www.nilemotors.net/Nile/86261-2010-10.html
    مش مصدق
    فعلا الواحد يجيب عربية اسمنت مسلح عشان البلد ديه
    وقدر الله ما شاء فعل
    وربنا يستر

    ستيكر نايل موتورز منور
    [shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2]


  6. #6

    الصورة الرمزية Samah AbdAllah

    رقم العضوية : 35540

    تاريخ التسجيل : 15Mar2009

    المشاركات : 26,487

    النوع : انثى

    الاقامة : Egypt_Alexandria

    السيارة: لا يوجد

    السيارة[2]: لا يوجد

    دراجة بخارية: -

    الحالة : Samah AbdAllah غير متواجد حالياً

    افتراضي -

    انتى لحقتى يا رنا

    معلش قدر الله وما شاء فعل
    بس انتى خليكى هادية وانتى سايقة بعد كده وماتخليش حد يستفزك

    وحمدالله على سلامتك اهم حاجة

    ابقى طمنينى عملتى ايه ومستنين اخبار المقايسة


  7. #7

    الصورة الرمزية ابو فرح

    رقم العضوية : 24565

    تاريخ التسجيل : 08Nov2008

    المشاركات : 1,495

    النوع : ذكر

    الاقامة : مدينه نصر

    السيارة: سيراتو 2016

    السيارة[2]: سبورتاج 2015

    دراجة بخارية: دراجه ناريه

    الحالة : ابو فرح غير متواجد حالياً

    افتراضي -

    قدر الله ومشاء فعل الحمد الله على كل شىء اهم حاجه انتى بخير

    ولا صاحب ندل يضيعك ولا عيشه مره تغيرك ولا قلب عشقته يحيرك ولا ناس حبتها تدمرك ولا غربه صعبه تكسرك ولا حبيب مخلص يخصرك ولا دمعت حزن تسهرك ولا كلمه تقولها تصغرك دى الدنيا لحظات والناس مقامات والزمن مسافات والحب كلمات وانت زى الورد ان دبل مات ممكن طلب صغير منك تصلى على النبى وتبعتها لكل اللى عندك عشان يصلو عليه


  8. #8

    الصورة الرمزية elassar2010

    رقم العضوية : 18427

    تاريخ التسجيل : 09Sep2008

    المشاركات : 2,370

    النوع : ذكر

    الاقامة : damanhour

    السيارة: no

    السيارة[2]: 131

    الحالة : elassar2010 غير متواجد حالياً

    افتراضي -

    قدر الله و ما شاء فعل

    من اهم انجازات مبارك :
    توحيد المصرين على كلمة حسبى الله و نعم الوكيل



    محمد العصار


  9. #9

    الصورة الرمزية mahgary

    رقم العضوية : 18776

    تاريخ التسجيل : 13Sep2008

    المشاركات : 807

    النوع : ذكر

    الاقامة : مصر

    السيارة: سيارة صغيره

    السيارة[2]: 504 بيجو سابقا

    دراجة بخارية: honda shadow aspret 1100cc

    الحالة : mahgary غير متواجد حالياً

    افتراضي -

    قدر الله و ما شاء فعل المهم انكى بخير ومش مهم اى شى اخر المهم سلامتك بس


  10. #10

    الصورة الرمزية ابو حسين

    رقم العضوية : 11046

    تاريخ التسجيل : 20May2008

    المشاركات : 1,406

    النوع : ذكر

    الاقامة : القاهرة

    السيارة: --------

    السيارة[2]: هونداي اكسنت

    دراجة بخارية: ..

    الحالة : ابو حسين غير متواجد حالياً

    افتراضي -

    hasad">

    الحمد لله قدر الله و ما شاء فعل و طالما انت بخير ده اهم حاجة كله يتعوض



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. الحمد لله - عملت حادثة - قدر الله و ماشاء فعل
    بواسطة shalaby2001 في المنتدى المنتــــــدى العـــــــــــام للسيــارات
    مشاركات: 40
    آخر مشاركة: 19-04-2012, 12:13 PM
  2. عملت حادثة بالنيو أكسنت 2011
    بواسطة fathi_8290 في المنتدى هيــونــداى
    مشاركات: 11
    آخر مشاركة: 11-09-2010, 02:05 PM
  3. من صفر ل 100 بالنيو اكسنت في اد إيه ؟
    بواسطة MNBahr في المنتدى هيــونــداى
    مشاركات: 1
    آخر مشاركة: 12-12-2009, 10:55 PM
  4. ثاني حادثة بالنيو اكسنت (قدر الله وماشاء فعل) برده
    بواسطة R A N A في المنتدى هيــونــداى
    مشاركات: 80
    آخر مشاركة: 13-10-2009, 01:11 AM
  5. عملت حادثة بالنيو سيراتو
    بواسطة mexxxxxx في المنتدى كـــــيا
    مشاركات: 36
    آخر مشاركة: 23-06-2009, 02:15 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2