ناوى اغسل دورة التبريد لانوس2006 لان المياة جوها بدات بالاحمرار فهل فيه اى نصائح علشان دورة التبريد متاخدش هواء
وناوى احط مياه مقطرة علشاناريح دماغى من حوارات المياه الخضراء
عرض للطباعة
ناوى اغسل دورة التبريد لانوس2006 لان المياة جوها بدات بالاحمرار فهل فيه اى نصائح علشان دورة التبريد متاخدش هواء
وناوى احط مياه مقطرة علشاناريح دماغى من حوارات المياه الخضراء
انا لسة غاسل بالغسالة من غير مافك الراداتير وبعد ماغسلت حطيت مياه خضرار
تكلفة الغسيل________ 25 جنيه
مياه خضراء _________23 جنيه
مفيهاش مشاكل
بس هات نوع مضمون
وهات كمان ريداتير فلاش (gunk) اغسل بيه وده عشان الصدأ والذي منه لو فيه طبعا
ونصيحة مني في علبة صفيح كده اسمها kool من شركة (gunk) بردو ودي مركزة اوي واخلطها مع الخضراء
انا مجربها وزي الفل
الحاجات ممكن تيجبها من اي محطة بنزين وكمان موجودة في on the run
هو فى الغسل بيلغى دخل و خرج الرادياتير و يكبس الموتور بواسطة مياه عادية و مضاف لها مزيل صدأ
و بعد كدة بيكبس الرادياتير بنفس الطريقة و يركب دخل و خرج الرادياتير مرة تانية
و بياخد الهواء عن طريق اعلى نقطة بالدايرة(القربة او لو فيه طبة هواء عندك)
لو مياه خضراء فيه MOBIL COOLANT بحوالى 40 جنيه 4 لتر و مفهوش مشاكل
لو مياه مقطرة برضه مفيس مشاكل لان بها نسبة تكاد تكون معدومة من الاملاح
و كل غسلة وانت طيب :colsmil:
طب فين احسن مكان اغسل فيه دورة التبريد؟
Iada ممتازة جدا
25 جم عند محلات قطع الغيار
37 جم عند محطات شل
لو الميه لونها اتغير و بقت بنى دور على فنى ريداتير يكون كويس و هات معاك مزيل للصدا عبوة فى حجم الكانز كده من بتوع الاكسسوارات ب 10 او 12 جنيه مش هتزيد و هات جركن ميه خضراء اسبانى iada الجركن بيعمل 35 جنيه و الميه دى مضمونه بشهادة اخونا محمد ممدوح
خلى الفنى يفك الريداتير و يسلكه بحاجة رفيعة مخصوصة للتسليك و يغسله و ينضفة و هو مفكوك و بعد كده يركبه بعد كد و يغسله مع الدورة كلها كذا مرة بميه لحد ما اللون يبقى شفاف
و بالمرة كمان خليه ينضفلك القربة سواء بفكها او غسلها بفرشة مخصوصة و تنظيفها .
و بعدين ضيف العبوة المزيلة للصدأ كما هو مكتوب عليها للميه و دور العربية لمدة 10 دقائق تقريبا و بعدين فضيها و املاه كذا مرة لحد ما المية ترجع شفافة و ماتحطش ميه حضراء
املا الريداتير و دور العربية و امشى بيها لتقليب اى رواسب لمشوار طويل شوية او روح له تانى يوم و اغسل برضة الريداتير كذا مرة بانك تملاه و تفضيه لحد ما تلاقى الميه شفافه
بعد كده املا بميه خضرا و انسى الريداتير خالص بمشيئة الله .
على فكرة بتاع الريداتير هياخد منك 20 او 25 جنيه حسب المكان .