ارجو المساعده بسرعه

**samir1900** · 08-08-2009 07:03 PM

لا يا باشا لا تعب ولا حاجه اهم حاجه مكنش ارفتك بس
موديل لانوس هاف اوبشن 2004
عدد الكيلو مترات 70000
موقف الزيت جيد لا يتم تزويدشكل العادم بتنزل مياه لا يوجد بخار
البوجيهات لسه مغيرها وجايب موبينه جديده بس معملتش اختبار للشراره
فلتر الزيت بغير بستمرار و فلتر البنزين كويس اما فلتر الهواء انت قصدك الى فى العلبه السوداء انا بنضفه بس وهل هو بيتغير
استهلاك البنرين كويس جدا
موقف الشكمان فى تفيص فى الفرن لسه معملتوش وبعدين بحس لما ازود بالعربيه وانا واقف انا الشكمان فى تاخير فى خروج الصوت وتقريبا من نصف العربيه
الفرامل ممتازه
موقف السيور لسه مغيرها كلها
البطاريه مياه مش جافه ودايما بلاقى ملوحه على الصوابع بستمرار بس شغاله
دى كل البيانات الى انا اعرفها
اسف على الاطاله

**samirayad** · 08-08-2009 07:12 PM

شوف ياسمير بيه
أنصحك بحاجتين
1- تغيير فلتر الهواء ....وهو فعلا اللى فى العلبه السوداء على الشمال وأنت فاتح الكبوت ورايح لخرطوم هواء البوابه
2- الكشف على الشكمان جيدا ....وبالذات علبة البيئه لأنها تقريبا محوشه كربون كتير ....وعاوزه تتغير ....ولكن ممكن تشيلها وتحط ماسوره بفلنشتين مكانها
الحاجتين دول بأذن الله فيهم الشفاء من مشكلتك ....والدبرياج سليم

**samirayad** · 08-08-2009 07:14 PM

شوف ياسمير بيه
أنصحك بحاجتين
1- تغيير فلتر الهواء ....وهو فعلا اللى فى العلبه السوداء على الشمال وأنت فاتح الكبوت ورايح لخرطوم هواء البوابه
2- الكشف على الشكمان جيدا ....وبالذات علبة البيئه لأنها تقريبا محوشه كربون كتير وبها سدد كبير....وعاوزه تتغير ....ولكن ممكن تشيلها وتحط ماسوره بفلنشتين مكانها
الحاجتين دول بأذن الله فيهم الشفاء من مشكلتك ....والدبرياج سليم

**samir1900** · 08-08-2009 10:18 PM

'طب الفلتر الهواء اعرف منين انه بايض و اشتريه منين
وبعدين انا معنديش علبه بيئة

**samirayad** · 08-08-2009 10:36 PM

موقف الشكمان فى تفيص فى الفرن لسه معملتوش وبعدين بحس لما ازود بالعربيه وانا واقف انا الشكمان فى تاخير فى خروج الصوت وتقريبا من نصف العرب

يبقى علبة النص مخرومه مثلا .....عموما بتاع شكمانات كويس حيحل المشكله بتاعة الشكمان

'طب الفلتر الهواء اعرف منين انه بايض و اشتريه منين

ياباشا عربيتك عامله 70 ألف .....والفلتر المفروض يتغير على 40 ألف ......
وبيشترى من عند بتوع قطع الغيار .....وشكله مستطيل
شوف مكتبة الصور أعلى القسم علشان تتعرف على قطع الغيار وشكل الفلتر

**samir1900** · 08-08-2009 10:43 PM

شكرا على تعبك معايا
انا حشترى الفلتر و ابقى اقولك على النتيجه

**samirayad** · 09-08-2009 12:22 AM

بالتوفيق أن شاء الله
ومفيش تعب ولا حاجه

**megosoft** · 09-08-2009 12:11 PM

السلام عليكم..
باشمهندس سمير . بعد إذن حضرتك انا كان عندي عيب مشابهه( لانوس 2005) والعربيه بادره ولسه ما ستخنتش اوي والمرواح اشتغلت- كانت متنحه على الاول والتاني- بس صوت الموتور مكنش بيكون عالي لما ازودلها- يعني ما فيش تفويت في السحب- وكنت ناوي بإذن الله اغير فلتر البنزين وفلتر الهوا - واشوف ح تمشي ازاي--- لكن اثناء فترة التفكير والاعداد والتجهيز والعزم والهمه على تغيير الفلتريين - ظهر موضوع الدبرياج والحمد لله- بدأ بعضة في الغيارات وتقل في الدواسة. وبعد ما كنت عمال أفكر في الخمسين جنيه بتاعة فلتر الهوا والبنزين- لاقيت نفسي في مواجهه عارمه وصراع من أجل مبلغ 500 جنيه - اللي هما تمن طقم الدبرياج - والحمد لله عملته - والمفاجئة ان العربيه بقت زي الفل الحمد لله وهي بارده على الاول والتاني - يعني راح العيب = ووفرت الخمسين جنيه.
شكرا لكم جميعا...

**samirayad** · 10-08-2009 08:32 PM

السلام عليكم..
باشمهندس سمير .

وعليكم السلام ورحمة الله وبركاته ....
وكل عام وحضرتك بخير قبل أى حاجه

ظهر موضوع الدبرياج والحمد لله- بدأ بعضة في الغيارات وتقل في الدواسة. وبعد ما كنت عمال أفكر في الخمسين جنيه بتاعة فلتر الهوا والبنزين- لاقيت نفسي في مواجهه عارمه وصراع من أجل مبلغ 500 جنيه - اللي هما تمن طقم الدبرياج - والحمد لله عملته - والمفاجئة ان العربيه بقت زي الفل الحمد لله وهي بارده على الاول والتاني - يعني راح العيب = ووفرت الخمسين جنيه.

بس أخونا الأستاذ : سمير صاحب الموضوع
لم يذكر موضوع عضه أثناء النقل
يعنى أعتقد الوضع مختلف
فقلنا نبدأ الموضوع بالأسهل ....الفلتر والشكمان
وأذا كنت حضرتك وفرت 50 ج ......بس صرفت 500 ج ......ههههههههههههه
ولو أن موضوع الفلاتر ده مهم جدا .....لأنه روح المكنه ....
فلتر الهواء بالنسبه للمكنه زى الأنف بالنسبه للأنسان
وفلتر البنزين بالنسبه للمكنه زى الكبد بالنسبه للأنسان