يعنى تجد صعوبه فى تحريك عصاية الفتيس والنعشيق من وضع المور للأول أو الخلف مثلا
عرض للطباعة
يعنى تجد صعوبه فى تحريك عصاية الفتيس والنعشيق من وضع المور للأول أو الخلف مثلا
انا ساعات بلاقى صعوبه وهى وقفه فقط بلاقى الاول مش راضى يجى و بحس ان فى حاجه حيشاه بس ده الاول بس اما باقى النقل كويس
مادام ساعات يا أستاذ: سمير
يبقى مش عيب فى مكونات العربيه ( فتيس أو دبرياج )....وكل ده (علشان مندخلش نفسنا فى مشكلة غويشة فتيس أو دبرياج عاوز يتعمر )....فعاوزك تختار السهل الأول
ممكن تكون قوة فصلك للدبرياش بقوة القدم مش بنفس الوضع كل مره
عموما ....حاول أنك تبقى تجيب دواسة الدبرياج على الأرضيه وأنت بتنقل كل مره على الأول
وياريت تأخد خطوه برضه فى موضوع الفلتر والشكمان
علشان تطمن على موضوع السحب والتسارع ده
وده شىء يجب أنك تعمله لعدم التأثير على كفاءة التسارع.....يعنى حاجه طبيعيه وصيانه عاديه (سواء فيه مشكله أو لا )
السلام عليكم
يا باشمهندس انا بدأ عندي الموضوع بالخنقه في الطلعة- وزي ما قولت العربيه متنحه- وبعدها الموضوع دخل على العضه- ولما غيرت طقم الدبرياج- الحمد لله الطلعه اتعدلت- وبرضه اقولك ان ما كنش في عندي اي تفويت في السحب- وكان الدبرياج غايب عني خالص في موضوع الخنقه دي-- عشان كده لما حضرتك شكيت في الدبرياج- بدون عضه او تفويت في السحب- عجبني جدا رأيك- وبس حبيت اني اذكر ان الموضوع حصل معايا بالشكل اللي انا ذكرته-- وبالنسبه للفلاتر -- حاضر عنيا الاتنين- ان شاء الله يوم الجمعه- شكرا جدا على رأيك وتحليلك للمشكله.و اكثر الله من امثالك...
الله يخليك
ماهو أنا شايل موضوع الدبرياج على جنب للآخر
يمكن ربنا يسهل وتتحل الخنقه اللى عند أخونا : سمير
بتغيير الفلتر والكشف على الشكمان وعمل الازم مع الشكمان ...يعنى نبدأ بالأسهل ....مش جراحه كده على طول .....هههههههههههه
وكده كده الحاجات دى .....المفروض متكونش موجوده كملاحظات على العربيه
عموما موضوع الدبرياج .....أنا شايف نسيبه للآخر
بعد موضوع الفلاتر عامة والشكمان .....لعل وعسى يجىء الخير
وأشكرك مره ثانيه على زوق حضرتك .....اللى واضح من الصوره فعلا ............
وحتة فكاهه برضه بما أن حضرتك بتحب الفكاهه
بيقولوا الجواب بيبان من عنوانه
وواضح أن حضرتك بتتميز بالبشاشه ....وخفة الروح ....وكل الصفات الحلوه ......ده رأيى الصراحه لما أستشفيته عن بعد
يا باشا ربنا يخليك... انت الاحسن والله... وفعلا بنتعلم من حضرتك الأخلاق والعلم ... ربنا يحفظك ويبارك فيك. وكل عام وحضرتك وكل أعضاء المنتدى بخير وصحة وسعادة.
[marq="3;left;3;alternate"]
رمضان كريم
[/marq]
الله يخليك ....وكل عام وحضرتك وجميع الأخوه الزملاء بخير وسعاده
طيب يا باشمهندس بالنسبه لعلبه البيئه تكلفتها كام؟؟؟؟
وإيه موضوع تغيرها بماسوره ده
هل ده حل عملى ولا أيه ؟؟؟؟ وحيتكلف كام ؟؟؟؟
حقول لحضرتك على حاجه
- خطوط الشكمان فى عائلة الدايو ....قبل حدوث تطورات فى التصميمات
وتعليمات منظمات المحافظه على البيئه
كانت بتصمم بدون علبة بيئه catalytic converter
- الجماعه الخواجات علشان بيهمهم صحة الأنسان .....وشغالين فى الأبحاث والتطورات
عملوا موضوع علب البيئه
علشان صحة الأنسان ....والأنسان عامة ليها قيمه عندهم
وفيه أحترام للعلم والتقدم وخلافه
أما أحنا للأسف .....لانحترم الا أمثال شعبان عبد الرحيم وريكو وخلافه
- وأساسا 90% من عربياتنا ....شغاله بدون علبة بيئه
- يبقى مش حاجى أنا ......وأحترم البيئه
ماهى خربانه ....خربانه
علشان كده ....وللأسباب عاليه
أنصحك بأستئصال علبة البيئه .....وتركيب ماسوره بفلانشتين ....بنفس البعد الطولى لعلبة البيئه
والموضوع حيديك كفاءه أفضل للمكنه ووفره فى البنزين وسهوله فى السحب
وحيكلفك حاجات بسيطه .....................قول 60 ج
وأدى الرسم الهندسى الذى يدعم رأيى هذا
http://i728.photobucket.com/albums/w...untitled-5.jpg
ألف شكر يا باشمهندس طمنت قلبى
كتير 700 جنييه علشان خاطر أغير علبه البيئه دى