| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 23

  1. #1

    الصورة الرمزية eng.octooo

    رقم العضوية : 25711

    تاريخ التسجيل : 20Nov2008

    المشاركات : 4,864

    النوع : ذكر

    الاقامة : 6octoper

    السيارة: nissan sunny 2010 ex

    السيارة[2]: renult duster 2014 fo

    دراجة بخارية: nefssssy

    الحالة : eng.octooo غير متواجد حالياً

    افتراضي اتمنيت انى اموت لانى اكتشفت بعنى اية مصرى ............ - Facebook Twitter whatsapp انشر الموضوع فى :

    hasad">

    انا هادخل فى الموضوع على طول
    .
    .
    .
    .
    .
    .
    .
    .
    وانا هاتكلم بالتفصيل الممل فياريت محدش يتضايق
    من 3 ايام استقبلنا صديق والدى هوة وبناتة (3 بنات) (هما من الكويت المهم ...)
    وكان هايحجز فى فندق بس والدى مارضاش وقالة الدور الى تحت كلة فاضى
    وبعد الحاح وافق و كان بناتة اول مرة فى حياتهم ينزلوا مصر (اعمارهم 16-18-21)
    وطبعا اول يوم كنا مقضينة فى البيت وقعنا واتكلمنا وكان البنات بيتكلموا انهم من امانى حياتهم انهم يشوفوا مصر ومعجبين جدا بزحمتها وان الناس دايما مبتسمة حتى مع المشاكل والنيل والجو الجمييل والكورنيش والخروجات ووو واتفقنا انى هاخرج معاهم ويشوفوا الاماكن دى وبجد سعادتهم ماكانتش تتوصف (لان والدهم راجل محافظ جدا ومكانش عاوز يخرجهم بس كالعادة وبعد الحاح وافق ) لدرجة انهم ماناموش لحد الصبح فضلوا صاحيين فى البلكون مستنين الخروج وبعد الافطار المصرى الى والدتى اصرت انها تعملة ليهم (لانى قلت اننا هانتكلم بالتفصيل فلازم اقول الفطار كان فية اية ؟)
    اطباق فول مصرى معتبر بالزيت الحار وزيت الزيتون والزبدة والسمن البلدى
    بيض مقلى بالبسطرمة وزبادى بلدى وسلطة خضراءو جرجير وبقدونس ومربى فراولة وعيش بلدى وعصير ليمون والاكل عجبهم جداااااااااااا لدرجة انهم اخدوا طريقة تدميس الفول فى البيت
    ووالدى وابوهم خرجوا للشغل وراحوا رمسيس طبعا استغلينا الفرصة ورحنا معاهم ومن هناك ناخد تاكسى لسيتى ستارز (طبعا العربية كانت مش هاتكفينا فاخدنا عربية واحد صاحب بابا وادينالة عربيتنا يقضى بيها مشاويرة وكانت تويوتا افانزا) ونزلنا هناك واخدنا تاكسى من عند الاسعاف (لان والدى كان مستعجل ومش هاينفع يوصلنا)
    شاورت لتاكسى (ابيض واسود نوبيرا ) قلتلة سيتى ستارز طبعا هوة ماكانش معبرنى وبص للناس الى معايا وقالى هاخد 100 ج قلتلة ربنا يكرم اصلك ومتشكرين وشاورت لتاكسلى تانى قالى الى تدفعة قلتلة 25 (دى اكتر حاجة باروحها فى العادى ب15 وب 20 لما يكون الدنيا زحمة ) قالى لا يا هندسة انا مش هاخد اقل من 80 ج وطبعا كان باصص للناس الى معايا سيبتة وشاورت لتاكسى العاصمة كان معدى وركبنا ووصلنا ب ............................................18.35 ج شفتوا الفرق طبعا دة غيير المكيف ونجوم اف ام
    واتفقت معاة انة هايجيلنا بعد 5 ساعات ويودينا الحسين ورحنا الحسين واول ما نزلنا البنات قالوا هانحط الحاجات الى اشتريناها فيين فلقيت سواق التاكسى قالى يافندم حط حاجتك فى العربية وخد رخصتى انا مش هاتحرك من هنا واخد الرخصة وقلنالة ساعتين بالكتيير ونرجعلك والبنات واتفرجوا على البازارات وخان الخليلى وكل شوية يطلع واحد من بتوع البازارات والمحلات ويقول اتفضلوا عندى وووو وبجد مفيش اى احترام للناس وقعدنا على الفيشاوى شربنا قهوة جميلة وجيت احاسب لقيتة بيقولى حضرتك 52 ج قلتلة لية مش القهوة فى المنيو ب 5ج يعنى 20 ج ورسوم خدمة يعنى مش هايعدوا ال30 قالى لا حضرتك شفت المنيو بتاع المصريين وحضرتك المفروض تحاسب بمنيوا الاجانب 40 ج (4 فناجين قهوة ) و7ج زجاجة ماء ك و5ج ضريبة طبعا (وكنت ناوى اموتة ولا حاجة ) بعد شد الكلام وقلتلة طيب ماورتنيش المنيو دى الاول لية قالى حضرتك مصرى وانا جبتلك المنيو لانى عرفت انك مصرى اما هما ماكنتش اعرف انهم عرب وحضرتك هاتحاسب زى حسابهم لان دى الاغلبية ودى القوانين هنا (وورانى ورقة متعلقة فى مكان سرى ومكتوب فيها (يتم احتساب الاسعار على حسب فئتين الفئة الاولى مصرى والفئة الثانية اجنبى)(وحسبى الله ونعم الوكيل) ودفعت وانا دمى محرووووووق لان دة نصب وعديت الموضوع لان الناس اتلمت والى حصل حصل ورجعنا التاكسى وقت للراجل ودينا على الاسعاف ورحنا هناك وركبنا عربيتنا وروحنا اكتوبر وطبعا طول الطريق كانت فية ضحكات غريبة جدا بين الوالدين ولما نزلنا من المحور كدة قبل هايبر بشوية قالولنا انهم اتفقوا بكرة اننا كلنا هنروح الاسكندرية(لان فية حاجات للشغل لازم يجيبوها من هناك وهايخدونا معاهم) طبعا البنات كانت عنيهم بتدمع من الفرحة وانا كنت بافكر فى المشاكل الى هاتحصل والاحتقار للجنسية المصرية مش عارف لية .....
    المهم ووصلنا وجهزنا شنطنا ورحنا انا ووالدى والضيوف
    وحجزنا فى فندق هلنان فلسطين
    ووقت الحجز انا ووالدى الاوضة بتاعتنا كانت ب اى 140 دولار لمدة يومين
    ونفس الاوضة للضيوف حجزوا اوضتين كانت الاوضة ب 160 دولار لان عليها ضريبة سياحة والراجل مارضاش يخلى والدى يدفع حجز الفندق ودفع هوة
    (وخلى بالكم من ان الدفع بالدولار لان الراجل هوة الى حجز باسمة ودفعونا انا ووالدى بالدولار لان البوكيتينج بنفس الاسم ونفس الخدمة )
    وطبعا طلعنا غيرنا هدومنا ونزلنا نتمشى على كوبرى ستانلى ولما رجعنا الفندق كان الساعة حوالى 4 العصر والبنات كان نفسهم يتمشوا على البحر حفاة الاقدام (زى بطلات الافلام المصرية القديمة زى شادية وسعاد حسنى ووو) وطبعا الوالد رفض ولكن كالعادة بعد الالحاح وافق بس ينزلوا بالعبايات والطرحة والماء مايتعداش الكعبين يعنى يدوب على الرمل وطبعا وافقوا ونزلنا نتمشى وقلنا هانروح الشاطى الكبير الى جنب السينما (مش فاكر اسمة ) لانة مليان حيوية و ناس ورحنا وشافوا بتاع الفريسكا وجبنا فريسكا بجوز الهند والسمسم وطبعا بيقولى الواحدة ب 5 ج يا باشا قلتلة اولا انا مش باشا انت الى باشا وثانيا دى حتى فى ارقى الشواطى فى العجمى مابتتعداش ال1ج وقالى اصل حضرتك ماكنتش اعرف انك ابن بلد والمهم وحاسبتة ب1 ج للواحدة و خرجنا من الشط ورحنا الفندق ونمنا من التعب وصحينا تانى يوم وقلنا هانروح القلعة وبعدها المتحف بتاع الاحياء المائية وبعدين المكتبة رحنا القلعة ومالحقناش المتحف لانة بيفتح متاخر لانة كان فية صيانة ورحنا المكتبة دخلنا لقينا ان التذاكر للمصرى تقريبا 10 ج والاجنبى 60 ج تقريبا مش فاكر لان والدى الى دفع ودخلنا واول حاجة اخدوها الكاميرات لان التصوير ممنوع ولقينا فية اكتر من قاعة ممنوع دخولها للمصريين وفية قاعات للاطفال وووو كانت خروجة مالهاش اى لازمة وخرجنا واتمشينا على الكورنيش لحد ما اليوم خلص ورجعنا الفندق جهزنا حاجتنا ورجعنا البيت فى اكتوبر (تصوروا انى اكتشفت ان البيت المكان الوحيد الى كنت واخد حقى فية اكتر من الاجنبى)
    واليوم عدى ووصلناهم بعدها للمطار وكلة تمام بس والله قى بعض الاوقات كنت عاوز

    الارض تنشق وتبلعنى
    او انى اموت بسرعة
    او انى ارجع بالزمن لورا علشان ماعملش حاجات عملتها

    عارفين لية ...........لانى مصرى ايوة
    لية التاكسى يطلب فلوس زيادى يعنى السياح دول حايخلوا الكاوتش يتاكل بسرعة مثلا ولا حاجة

    طيب لية لما رحنا مطعم واكلنا كان فية اسرة مصرية قاعدة قبلنا والمقبلات كانت نازللهم قبل ما احنا نقعد والاكل بتاعنا احنا وصلنا قبل ما اكلهم يوصل والراجل عمل مشكلة فى المطعم وانا سامعة بيقول للجرسون (يعنى علشان هايزودك فى التبس شوية تعمل معايا كدة ياخى تعالى قولى زودلى التبس وهازودهولك بس تجيبلى اكلى ) وانا كنت باتمنى الموت فى اللحظة دى لان الراجل عندة حق
    لية الاسعار بتاعة المصريين اقل من الاسعار بتاعة الاجانب يمكن هما يباكلوا اكتر (بالعكس)
    لية لما اكون باحجز تذاكر سينما وواقف فى الطابور والاقى الراجل بيقولى كام تذكرة يا باشا مع ان فية واحد مصرى قدامى (يمكن ما اخدش بالة منة مع انة اتخن منى ب10 مرات ) ولما اقولة الراجل المصرى دة واقف قبلى بيحسسنى انى شتمتة بالاهل والراجل الى فى الطابور قدامى يقولى شكرا (يعنى اية شكرا شكرا لانى سمحت لية ياخد حقة يعنى لو كنت اخدت التذاكر قبلة ما كانش فتح بقة وطلب حقو ولا اية ..... )
    لية فى المطار لو مصرى سال سؤال بيجاوبوا علية ماعرفش والتكشيرة المعروفة ولو واحد اجنبلى سال بيقول نعم وممكن يوصلة لحد هناك
    طيب لية لما اروح اشرب عصير فى محل العصير .... العصير بتاع المصرى ييجى فى كوباية مكسورة (غالبا ) والاجنبى يجيلة عصير فى كوباية جديدة مش ابن البلد اولى ولا دة كوسة



    بجد انا عارف ان فية ناس هاتدايق من كلامى دة ولانى طولت بس بجد لية نحط نفسنا فى الارض مع اننا المضروض نكون فوق السحاب دة مصر ام الدنيا وتم ذكرنا فى القرأن ومصر البيت بيتك وبلد السياحة الترفيهية الثانية على الوطن العربى بعد الامارات والاولى عالميا فى سياحة الاثار
    .
    .
    .
    .
    .
    ودلوقتى بعد ما الاعضاء شافوا الموضوع ممكن حد فينا يعمل حاجة لبلدة ولا ها نرد على الموضوع ونقول شكرا ونكمل قعدة على النت .... وانا بجد اسف لو كنت طولت عليكم



  2. #2

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    بص يا اوكتو , انا هقولك باختصار شديد ليه كل ده .

    حط نفسك مكان الناس الى انت اتعاملت معاهم من اول السواق لحد المطار و شوف مين هيظبطك اكتر فى الفلوس

    المصرى ولا الاجنبي !!

    اكل العيش مفيهوش ولاد بلد ولا مش ولاد بلد , الناس كل همها انها تجيب حق عيشتها و خلاص .


  3. #3

    الصورة الرمزية نور القمر

    رقم العضوية : 7138

    تاريخ التسجيل : 08Mar2008

    المشاركات : 8,275

    النوع : انثى

    الاقامة : ..............

    السيارة: .............

    السيارة[2]: ..............

    دراجة بخارية: ...................زز

    الحالة : نور القمر غير متواجد حالياً

    افتراضي -

    حاجات تكسف وهي دي اللي مقللة من قيمتنا وسط البشر


  4. #4

    الصورة الرمزية muslimah_dentist

    رقم العضوية : 20705

    تاريخ التسجيل : 01Oct2008

    المشاركات : 899

    النوع : انثى

    الاقامة : ismailia

    السيارة: shahin

    السيارة[2]: maruti

    الحالة : muslimah_dentist غير متواجد حالياً

    افتراضي -

    فعلا حاجة تحزن و عندك حق فى كل اللى بتقوله

    ربنا يرحمنا برحمته الواسعة

    [bor=#f7ff00]سبحان الله و بحمده ...سبحان الله العظيم[/bor]


  5. #5

    الصورة الرمزية كابوس الليل

    رقم العضوية : 2363

    تاريخ التسجيل : 28Sep2007

    المشاركات : 1,823

    النوع : ذكر

    الاقامة : Egypt-Cairo

    السيارة: Lamborghini Reventon

    السيارة[2]: Proton Gen 2 2012

    دراجة بخارية: هوا رخامة انى اكتبها يعنى عشان افتح المنتدى؟

    الحالة : كابوس الليل غير متواجد حالياً

    افتراضي -

    غير كدة انت فكرتنى بقصة لما كنت فى دبى وعربية والدى جديدة مبقلهاش اسبوعين واتخبطط من واحد باكستانى ولما رحنا الشرطة الشرطة هناك بيتكلم فى التليفون وبيقول ده واحد مصرى واعد يهز ايهده كدة باستهزاء لولا انه شرطى كان زمان زمارة رقبته فى ايدى واعرفه مين المصرين دول

    كمان انت لما بتصحلك مشكلة هناك الشرطة بتقف مع مواطنين بلدهم
    هنا الشرطة بتقف مع الاجانب عشان التبس
    البلد ديه ملهاش حل

    ستيكر نايل موتورز منور
    [shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2]


  6. #6

    الصورة الرمزية جمال

    رقم العضوية : 3982

    تاريخ التسجيل : 06Jan2008

    المشاركات : 2,033

    النوع : ذكر

    الاقامة : الاسكندرية

    السيارة: Bata 44

    السيارة[2]: HAIMA - Family

    الحالة : جمال غير متواجد حالياً

    افتراضي -

    ملحوظة صغيرة
    تذاكر دخول المكتبة 10 ج و فيه سعر مخفض 4 ج للمصريين وسعر خاص اقل من ذلك للطلبة مصريين و اجانب
    ممنوع دخول الشنط وفيه مكان لوضعهم فى الامانات و لكن مسموح بالكاميرات و الموبيلات و اللاب توب
    لاتوجد قاعات ممنوعة للمصريين و لكن توجد متاحف ( كمتحف المخطوطات مثلا ) الدخول له بتذاكر خاصة 4 ج
    انا بقول الكلام ده كشاهد عيان لانى كنت هناك يوم الخميس الماضى
    وكل الكلام ده مذكور على موقع المكتبة على الانترنت
    www.bibalex.org


  7. #7

    الصورة الرمزية zyadahmed

    رقم العضوية : 14494

    تاريخ التسجيل : 10Jul2008

    المشاركات : 1,075

    النوع : ذكر

    الاقامة : اسكندرية

    السيارة: لا يوجد

    السيارة[2]: سكودا فيليشيا

    دراجة بخارية: لا يوجد

    الحالة : zyadahmed غير متواجد حالياً

    افتراضي -

    بلاش جلد الذات ده الطبيعى ولما تروح الخليج هاتلاقى ان الاسعار بتاعة مصر دى بالنسبة ليهم فكة وكلام فاضى انا اتنصب عليا فى قطر نصببببب
    شقة عزاب للمصريين 5000 ريال ايجار شهرى
    كهربا ومياه 1200 ريال قطرى ؟؟؟؟؟؟؟؟؟؟؟؟؟
    مع العلم المواطن القطرى معافى من رسوم الكهرباء والمياه !!!!!!!!!!!!! رغم انه سايب التكيفات ال 20 فى كامل القصر بتاعه شغالة ليل نهار ولو سافر بيخلى الخدم يشغلوها عشان العفش لا يتلف


    مواصلات تاكسى كروة مشوار زى اللى قلت عليه 18.5 مش ااقل من 150 جنيه هاتدفعهم هناك

    وحاجات كتير حاول تعدى على معبر العقبة الاردنى وشوف النصب الحقيقى

    ولا جرب تروح مكة فى موسم الحج يوم العيد الكبير وانت نازل من رمى جمرة العقبة الكبرى ومحتاج تروح مكة للطواف الافاضة وتعبان ويجى اخ سعودى يقولك 100 ريال فى مشوار يكلف فى يوم اخر 15 ريال

    احنا طيبين واكتر ناس متحملين والطبيعى السياح فى كل بلد ليهم تسعيرة مختلفة وده مش عيب

    وخلى الشعب يعيش

    مصر تستحق الخير


  8. #8

    الصورة الرمزية Dr_Smart

    رقم العضوية : 805

    تاريخ التسجيل : 28May2007

    المشاركات : 1,608

    النوع : ذكر

    الاقامة : Cairo

    السيارة: Daihatsu Charmant 83 , Kia Rio 2011

    السيارة[2]: Suzuki SX4 sedan 2009

    دراجة بخارية: لا يوجد

    الحالة : Dr_Smart غير متواجد حالياً

    افتراضي -

    بص يا باشا قول الحمدلله ان الامانه رجعت لاصحابها سليمه وانهم ما اتخطفوش ولا اتعوروا !!!

    دي اول حاجه

    المشكله بقى عندنا اننا بلد الفهلوه وكل واحد بيقلب رزقه والرزق يحب الخفيه ... وبعدين هتروح بعيد ليه ... شوف اي واحد مصري بيشتغل في الخليج ونازل بعربيه جمرك وشوف معاملة اي حد ليه بتبقى عامله ازاي عشان ياخد اللي فيه النصيب

    ده حتى رجال المرور المحترمين لو واقف في اشارة ولا كمين لو لمح العربيه الجمرك هيسيب الدنيا كلها ويروح يطلع بالسبوبه !!!

    روح بقى شوف اراء ناس كتير اجانب وعرب بعد ما يزوروا مصر .. أكاد أؤكد ان 50% ان لم يكن اكتر من السياح دول عمره ماهييجي مصر تاني لسبب او لاخر

    احنا لو نبقى متحضرين شويه ونبطل الثلاثي اللي مضيعنا ( الفهلوه ... التناحه ... قلة الضمير ) الحال هيبقى افضل كتير

    بس برضو الاسعار السياحيه مهما شفتها غاليه بالنسبه لك هي اكيد اقل بالنسبه للسائح من دول كتير جدا
    بس ارجع واقول ان اي بلد هتروحها سياحه اكيد الدنيا مش هتكون وردي في كل حاجه ...

    سبحان الله وبحمده ... سبحان الله العظيم
    تحياتي ,,,
    أحمد مجدي


  9. #9

    الصورة الرمزية fady.bekatcho

    رقم العضوية : 5879

    تاريخ التسجيل : 17Feb2008

    المشاركات : 1,020

    السيارة[2]: شيفورلية افيو 2009 هاف اوبشن

    الحالة : fady.bekatcho غير متواجد حالياً

    افتراضي -

    بص انا هجكيلك حكاية بسيطة خالص

    واحدة اعرفة بيحكيلى مرة

    بيقلى ليا واحد صحبى هاجر امريكا واتجوز وخد الجنسية الامريكية
    وهو نازل مصر زيازة الشنط بتاعتة هو والمدام اتبدلت وراحت طيارة تانية
    فمراتة بتكلم الراجل فى المطارة بكل ذوق طبعا وادب لانها اجنبية حاضر يا فندم يومين ونبعتها لغاية حضرتك فى العنوان الى انتى نازلة فية
    وانتوا عارفين الباقى

    جى جوزها الى هو المصرى بيكلمة وطلعلة البسبور المصرى
    فبكل قرف الراجل يقلة عدى علينا بعد اسبوع

    بنفس الطريقة راح رد علية بيقلة ما انا حقير انى شلت البسبور دة
    وطلعلة البسبور الامريكى فثانية الراجل يرد علية
    انا اسف يا فندم معلش ماكنتش اعرف يومين بالظبط والشنط توصلك لحد البيت

    شفت الفرق


  10. #10

    الصورة الرمزية ahmad alshaaer

    رقم العضوية : 17146

    تاريخ التسجيل : 25Aug2008

    المشاركات : 1,424

    النوع : ذكر

    الاقامة : egypt

    السيارة: getta

    السيارة[2]: gen2

    الحالة : ahmad alshaaer غير متواجد حالياً

    افتراضي -

    hasad">

    كلااااااااااامك فوق التمام فعلا
    كلنا اتعرضنا ليه واحنا معانا حد من اصحابنا الاجانب



 
صفحة 1 من 3 1 2 3 الأخيرةالأخيرة

المواضيع المتشابهه

  1. اموت واعرف
    بواسطة neron في المنتدى BYD
    مشاركات: 11
    آخر مشاركة: 02-09-2011, 09:06 PM
  2. الحمد لله شوفت الجين2 في التلبفزيون قبل ما اموت
    بواسطة mido_soliman في المنتدى بــروتـــون
    مشاركات: 15
    آخر مشاركة: 30-08-2011, 07:36 AM
  3. اموت واعرف........ ؟؟!!!
    بواسطة rotato في المنتدى مقــاطـع الفيــديـو و الكليبات و صـور للسيارات
    مشاركات: 3
    آخر مشاركة: 02-04-2011, 03:15 PM
  4. 250 فاير ب18000 جنيه ليه بعنى ؟
    بواسطة sno7y في المنتدى مختــلف أنواع الدراجات النارية
    مشاركات: 10
    آخر مشاركة: 31-12-2010, 02:58 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2