قدر الله وما شاء فعل والحمد لله على كل شىء(عملت حادثة كبيرة)
الحمد لله على كل شىء
انا عملت حادثة كبيرة اوى بعربيتى الانسر البوما
وكنت عايز اسأل على اسعار الحاجات اللى هغيرها فى التوكيل وياريت البشمهندس طارق يوقولى هتتكلف كام
عايز اعرف سعر القطع دى فى الوكيل كام بالمصنعية والدهان وكل حاجة
1- كبوت و2 مفصلة كبوت
2- رفرف شمال
3- اكصدام امامى
4- صدر امامى+ حتة كارتيرة شمال
5- زجاج امامى
6- سربنتينة تكييف
7- فانوس امامى شمال
8- علبة الفيوزات (الحساسات)
9- شبكة كاملة
10- كنترول المراوح
11-عمة ماتور (فلتر الهواء) كامل
12- شاسيه مراوح
13- 2 كارتيرة فبر
14- فبرة توربيدو شمال
انا عارف ان الخسائر متير والحمد لله على كل شىء وقدر الله وما شاء فعل
وياريت يا بشمهندس طارق تقولى الحاجات دى هتتكلف كام فى التوكيل كاسعار ومصنعية ودهان وكل حاجة
اللى حصل يا جماعة انى دخلت فى عربية نقل من ورا كانت واقفة فى الحارة الشمال
كان ماشى قدامى عربية جامبو وعلى جانبى اليمين اتوبيس وكنت فى طريق الزقازيق (الطريق حارتين) وفجأة بتاع العريبة الجامبو خد غرزة جامدة اوى وحدف على الاتوبيس جامد جدا عشان كان فيه عربية جامبو تانية كانت بتلف وواقفة فى الحارة الشمال انا ضربت فرامل وال مرة العربية تزحف منى بالطريقة دى ولقيت نفسى لابس فى العربية الجامبو
الحمد لله على كل شىء وقدر الله وما شاء فعل
بس فعلا العربية اتكسر فيها حاجات كتير بس الاساسيات سليمة جدا (شاسيه وموتور)
ياريت يا بشمهندس طارق ترد عليا بسرعة وتقولى الاسعار عشان الحق اصلحها
ولو حد عندو نصيحة تانية ليا يقولى عشان بجد انا فى حالة نفسية صعبة
انا مش معايا صور بس لما اجيبها من زميلى هبقى ارفعها
والف شكر مقدما لكل اللى هيساعدنى بأى معلومة
