الموضوع: سؤال علي الماشي

متهيالي 1000 كيلو كتير يا كلودا انت كدا الزيت بيفنش يا ريت لو تلحق بسرعة و خاصة لو انت بتحرق على العربية

المشاركة الأصلية كتبت بواسطة mohamed_3abdel3al

متهيالي 1000 كيلو كتير يا كلودا انت كدا الزيت بيفنش يا ريت لو تلحق بسرعة و خاصة لو انت بتقرس على العربية

انا عارف يا محمد و الله بس المشكلة ان عندي حاجات كتير اوي و معنديش وقت
انا اصلا بقيت ماشي بالنوبيرا
شكرا علي ردك الجميل دة

طب ياخالووود ... لو مش فاضى كده

خلى حد ياخد عربيتك ويعملها الصيانه حتى ولو فى -امير وجوزيف-

لا هو زيت الــ 5000 ... اسمه كده لانو بيتغير عند الــ 5000 كيلو ... وبيمشى حوالى 4000


تحيـــــــــــــــــــــا تـــــــى

المشاركة الأصلية كتبت بواسطة ayman_52

طب ياخالووود ... لو مش فاضى كده

خلى حد ياخد عربيتك ويعملها الصيانه حتى ولو فى -امير وجوزيف-

المشكلة يامون اني لا انا فاضي و لا اي حد فاضي و لمبة السقف مش بتنور و عايز اوديها الصحراوي
انت واحشني اخر حاجة

المشاركة الأصلية كتبت بواسطة tweety26980

انا من مؤيدي تغيير الزيت قبل اوانه
يعني انا مثلا بغير ال 10000 على 8000 كم بالكتير

نصيحه مني

ماطولش على الزيت دايما وضحي بالكام جنيه دول قصاد حياة الموتور

انا معاك ياباشا طبعا هي مشكلة وقت فعلا
شكرا ياباشا علي مرورك الكريم

المشاركة الأصلية كتبت بواسطة medhat_skaik

أنا مش شايف إنه متأخر. مش مفروض إنه لما عمل صيانة ال 1000 الزيت اللي بيستعملوا يمشي 5000 يعني مفروض يوصل للرقم 6000 صح ولا أنا فاهم غلط؟

هو المفروض يتغير في صيانة ال 5000 يا باشا و ال 10000 في صيانة ال 10000 و كدة
شكرا ياباشا لمرورك

المشاركة الأصلية كتبت بواسطة ayman_52

لا هو زيت الــ 5000 ... اسمه كده لانو بيتغير عند الــ 5000 كيلو ... وبيمشى حوالى 4000


تحيـــــــــــــــــــــا تـــــــى

مظبوط يامون

معلش يا رجالة ممكن بس أقول حاجة .......

العربية في الأول ( أول عشرة الاف كم ) بتكون لسة في فترة تليين
يعني أول ألف ...... دول التليين الأولى ...... و بعدين لسة الموتور برضه جديد و محتاج يطبع تمام
و لكن فترة أول ألف كم هي الفترة اللي بنكون فيها حريصين شوية على الموتور .

في أول فترات الموتور أو أول فترات حياته بيكون الموتور بيطبع مما يعني أن فيه رايش معدن اللي هو ناتج التطبيع
علشان كدا بيتم تغيير الزيت بدري ...... اللي هو بتاع 5000 و هو فعلا المفروض يقعد 5000 كم و ليس 4000 .

يعني زيت 5000 بيقعد 5000 كم فعلا
و لكن علشان ثاني صيانة بعد صيانة الألف الأولى هي صيانة الخمسة الالف بيتم تغيير الزيت ........
مش علشان الزيت بيقعد 4000 بس ......... لاءة علشان الزيت أصلا لازم يتغير على صيانة 5000 علشان رايش الموتور .

و بعد كدا لو حطينا زيت 5000 بيتم التغيير عادي على 10 الاف مش 9 الاف .........

يعني من الأخر يستحسن تغيير الزيت خصوصا في أول عشرة الاف كم في مواعيده ................. و يستحسن الزيت أبو 5000 كم في أول عشرة الاف كم .
بعد كدا لو عايز تحط زيت يقعد عشرة الالف كيلومتر .......... يبقى مفيش مشاكل .
إنما النصيحة لوجهة الله تعالى ..... أن في أول 10 الاف كم يتم تغيير ثلاثة مرات للتخلص من رايش الموتور بإستمرار .
و هي صيانة الألف الأولى .
و بعدين صيانة الخمسة الالف .
و بعدين صيانة العشرة الاف .

بس يا كلودا لازم تغير الزيت ....... لازم لازم لازم ........... علشان عُمر موتورك يطول إن شاء الله .