الى سيناء: كوبرى السلام، نفق أحمد حمدى أم عبارة من الغردقة؟

**sh_masry** · 10-05-2007 03:45 PM

باشا انا ماخدتش العباره و سافرت بالعربيه من شرم للغردقه .... انما بخصوص العباره انا فاكر ان العربيه ب 350 جنيه و كل فرد ب 250 جنيه و بتاخد ساعتين فى البحر .......
و انا سافرت شرم و الغردقه كتير جدا و الطريق بتاع شرم مش وحش بس الطريق رايح جاى يعنى تسافر الصبح بدرى احسن حاجه ..... انما طريق الغردقه بقى حلو قوى و عملوه طريق رايح و طريق راجع منفصل عن بعضه و ده من عند الزعفرانه و هى بعد القاهره بحوالى 160 كيلو .
بالنسبه لشرم اخر الطريق يعنى بعد حوالى 360 كيلو من القاهره يوجد مجموعه جبال لا تتعدى 40 كيلو بس لازم تبقى مهدى سرعتك و مصحصح على الأخر.

a7'ook
Sherif

**جندى مجند** · 10-05-2007 04:36 PM

شكراً يا شريف على المعلومات القيمة و معاك حق كدة لازم أطلع من اسكندرية وقت الفجر عشان أفضل ماشى فى النور طول الطريق ....

**Salah_sr** · 10-05-2007 07:13 PM

أنا أقترح عليك السفر برا و تأخذ معك كاميرا جيدة وخذ رحتك في الطريق و لن تندم يوجد كثير من المناظر الجميلة و قبل رأس صدر يوجد عيون موسي و يوجد تبه عيون موسي متبقية من خط بارليف متفوتهاش فهي فخر لكل مصري كيف أستطاع أخترقها و رحلة سعيدة إن شاء الله

**Salah_sr** · 10-05-2007 07:15 PM

عندي سؤال من الأسكندرية للشرم كام كيلو تقريبا وشكرا

**sh_masry** · 10-05-2007 10:22 PM

من الأسكندريه الى القاهره حتى اول طريق السويس = 260 كيلو
من اول طريق السويس و حتى نفق الشهيد احمد حمدى= 100 كيلو
من بعد النفق الى شرم = 350 كيلو
حوالى 710 كيلو
و مش لازم تنزل من الفجر , لو طلعت من الأسكندريه الساعه 9 صباحا توصل شرم الساعه 6 مساءا (وطبعا ده حسب سواقتك فى الأخر) مع وقوفك للراحه مرتين مره و انت بتحط بنزين فى اون زا ران اللى اول طريق القاهره , و مره تانيه فى موبيل اللى فى الغراندل و دى بعد النفق بحوالى 200 كيلو و دى من احسن الأستراحات على الطريق و بتقعد فى مكان محترم و مكيف و فيه كل طلباتك من شرب او اكل و صاحبها راجل محترم جدا .
و عموما بعد الغراندل بحوالى 100 كيلو لازم تبتدى تهدى علشان الجبال و الملفات و هى مش خطيره بس لازم الحذر (مرفق صوره للجبال مع الموضوع) .
و اى استفسار ان تحت امركم فى شرم او الغردقه لأنى سافرتهم كتير جدا .
a7'ookom
Sherif

**sh_masry** · 11-05-2007 06:49 PM

انا اسف مش عارف انزل الصوره بتاعت الجبال .... الموقع مش عايز ينزلها مش عارف ليه !!!!!!

Sherif

**Salah_sr** · 11-05-2007 07:19 PM

ياباشا أنا قصدي الطريق من الأسكندرية إلي الشرم عن طريق الطريق الساحلي الجديد ثم الكوبري المعلق كام كيلو هل أقصر من طريق القاهرة النفق؟؟؟؟؟؟ وشكرا :roll:

**vooooo** · 12-05-2007 12:07 PM

انا اسف مش عارف انزل الصوره بتاعت الجبال .... الموقع مش عايز ينزلها مش عارف ليه

اكيد الموقع مش بيقبلها علشان حج الصور كبير. ممكن لو عندك برنامج معالجه الصور تقلل ال resolution بتاع الصوره

ابسط برنامج هو ال ACD see ده اكيد هيبقى عندك جربه و نزلنا الصور

**vooooo** · 12-05-2007 07:36 PM

طريق الأسكندريه ماعرفوش
لكن بالنسبالى العباره أسهل بكتير بتاخد ساعتين و ب 150 جنيه
لكن نصيحه ماحدش يفكر يركب اتوبيس أبدآ ابدآ. ( بهدله و كل شويه بتقف بتتفتش )
و كمان لو طالع من شرم هيوقفوا الأتوبيس قبل النفق و يفتشوا الركاب بالشنط بتاعتهم
و بالنسبه للطيران افضل بكتير لكن من الغردقه مفيش طيران لشرم
هى عباره واحده و مافهاش جراج للعربيات يعنى ركاب بس
طيران من الأسكندريه ميعادين فى الأسبوع تقريبآ
و طيران من القاهره اكتر من طياره فى اليوم

على فكره الطريق بالعربيه متعه . انا لسه ماجربتهاش لكن انشاء الله هجرب قريب

**adelnafei** · 13-05-2007 12:21 PM

انا اعتقد انك تنزل على القاهره صحراوى ثم دائرى المعادى وتنزل على طريق السويس الى النفق ثم طريق شرم وده احسن بكتير من كوبرى السلام لانه طرىق طوييييل جدا انا اشتغلت فى شرم 6 سنين و كان معايه ناس من الاسكندريه بيجوه بعربياتهم عن طريق القاهره بس خاى بالك من المنحنيات بعد ابو رديس وقبل ابو زنيمه وكمان قبل شرم ب20 كيلو و توصل بالسلامه ان شاء الله

الموضوع: الى سيناء: كوبرى السلام، نفق أحمد حمدى أم عبارة من الغردقة؟

LinkBack

أدوات الموضوع

عرض

-

-

-

المسافه من الأسكندريه الى شرم (sherif) -

-

-

-

-

المواضيع المتشابهه

افتتاح الجزء الثانى من كوبرى السلام"القاهرة - الاسماعيلية الصحراوى "

انا من حلوان وعايز اروح الغردقة طريق حلوان الكريمات الغردقة

الكلمات الدلالية لهذا الموضوع

المفضلات

المفضلات

ضوابط المشاركة