سيارة شوما 2000

**ghost300095** · 07-08-2009 08:44 AM

لو سمتحوا يا خبرائنا ارجو تسعير سيارة كيا شوما سوداء اللون موتور بحالة جيدة جدا والسيارة بحالة جيدة موديل 2000 اوتوماتيك ولكم الشكر

**asimo** · 29-08-2009 01:58 PM

تقريبا حاليا تعمل 42 الف لو فابريقة برة وجوة

**tomas_ezak** · 07-10-2009 05:21 AM

السلام عليكم
يا جماعة الخير رجاء اخوى افيدونا بسرعه عشان انا بدور على سياره موديل الفينات تكون كبيره ومحترمه وبصراحه مستريح للكيا شوما
ولو حد عنده عربيات تانيه فى حدود 45000 موديلات 2000 فى ما فوق وتكون العربيه كبيره زى الشوما والنوبيرا يا ريت يدلنى وينصحنى
واكون شاكر ليكم جدا وبارك الله فيكم

**zezo13178** · 08-10-2009 09:46 AM

الشوما سعرها بسعر السفيا يمكن السفيا بياع اكتر كمان
السعر من 40 - 42 حسب الحاله والله اعلم

**tomas_ezak** · 09-10-2009 07:00 AM

شكرا ليك يا اخ zezo13178
واشكرك على الاهتمام والنصيحه
بس انا كان ليا طلب اخر
وهو ماذا ترشح لى ايضا غير الشوما والسيفيا لانى بعد ردك دورت على معلومات عنهم لاقيت ان قطع غيارهم اغلى حاجه فى الكورى
واخوك لسه مدخلش دونيا
ومن انصار انى اجيب اللى فى نفسي قبل الجواز
احسن ما اجوز وبعدين تسد نفسي
فمعلش يا غالى وانتوا كمان يا حبايب
دلونى اجيب ايه فى حدود من 40000 الى 45000 وتكون عربيه موديل الفينات وكبيره ومحترمه
بجد شاكر ليكم جدا ولحضرتك يا اخ zezo13178 على ردك السريع على اخوك
والسلام

**zezo13178** · 10-10-2009 08:08 AM

هات اللي في نفسك ياعم توماس ودلع نفسك , بس حدد اولا احتياجاتك في العربيه اللي انت عاوزها لو انت عاوز كوري وشايف ان الكيا بانواعها قطع غيارها غاليه مفيش قدامك غير اللانوس والاكسنت واعتقد انك مش عاوزهم يبقي ممكن تجيب نوبيرا 2001 مانيوال مثلا او انك تجيب نوبيرا الشكل القديم 97 -2000 ودي حسب حالتها ممكن من 35 ل 45 بس قطع غيارها غاليه شويه برضه
لو عاوز تخرج من الكوري وتدخل ع الياباني عندك هوندا si او ex بس برضه قطع غيارها غاليه او كورولا 1300 مو 92 - 95
عندك في الالماني برضه اوبل فكترا 94 -96 او 96 -99 بس قطع غيارهم ولعه برضه
كل العربيات دي عربيات جميله ومناسبه وكبيره وحتلاقي منها المانيوال والاتوماتيك لكن قطع غيارهم اغلي من الكوري بفارق كبير بس عاوز اقولك حاجه بالنسبه لقطع غيار الالماني والياباني عموما انها قطع غيار معمره يعني حتغير الحاجه وتنساها , اهم حاجه في قطع الغيار انها تكون متوفره بالكامل مش انها تبقي رخيصه لانها لو غاليه واصليه حتعيش معاك مده كبيره باذن الله