الموضوع: جروب جديد اوى يا جماعه...كفايه!!!!!!

كفايه ايه بالظبط؟؟؟؟ هوه مش موضوع سياسى ولا حاجه بس ممكن يكون كده. امبارح بالليل أكلت غطا بلاعه هايل على طريق القرى فى الغردقه وباااااااظت عندى فردتين الكاوتش الشمال. وعوضى على الله.الغريب ان مش أنا الوحيد اللى كنت راكن عمال أحسبن وأدعى على العامل اللى كسل يقفل الغطا بشكل كامل.كان فيه معايا 4 أو5 عربيات اقلهم اصابه كانت اكصدام وفرده يمين.البلاعه يا جماعه فى نص الطريق تقريبا . مش هوجع دماغكوا المطلوب باختصار عمل حركة مقاومه نقول فيها كفايه بأه اهمال كفايه بلاعات كفايه مطبات بدون اى علامات تحذيريه كفايه باه حفر وخوازيق كفايه باه شحاتين فى الاشارات كفايه باه نقل الظلط والرمل اللى مش متغطى كفايه باه طرق وكبارى منسيه وبايظه ....كفايه كده وحسبى الله ونعم الوكيل.