الليجانزا ولعت و اتحرقت ، ارجو المساعدة
بداية الحمد لله على كل شىء
و انا نازل من الدايرى على الكورنيش ، لاقيت فى دخنه جايه من الموتور ، قمت ركنت و نزلت اشوف فى ايه
لاقيت النار ماسكه فى الموتور جريت جبت طفاية الحريق و حاولت اطفى و الناس وقفت و جابو طفاياتهم و قعدو يطفو و المطافى جت و قعدت تطفى و الحمد لله انطفت بس بعد ما الدنيا اتدمرت ....
جبت الونش و ودتها للميكانيكى محمد عبده اللى بينصح بيه ملك الدايو محمد ممدوح و طبعا قلتله انى من طرف محمد باشا و بعد ما فحصها كتب بتاع ورقه فلوسكاب حاجات عاوزه تتغير ....
رحنا لأبو هاشم بتاع قطع الغيار الاستيراد لاقينا الحاجات دى تكلف حوالى 7200 جنيه .... مش عارف اعمل ايه .. الرقم ده طبعا مبدأيا ده غير ما يستجد و غير المصنعيه و ما الى ذلك ....
سألت ابو هاشم على الربع بحاله قالى 8500 بس قالى مفيهوش كل حاجه ... يعنى بردو هحتاج اشترى شوية حاجات ... و قالى النص بحوالى 11000 مش فاكر قوى ....
و بالمناسبه الكلام ده كله حصل تانى يوم بعد ما الكهربائى بتاعى ركب فيها كتاوت للدينامو ...
ارجو النصيحه من اهل الخبره و ياريت ممدوح باشا يشاركنا الرأى ....
دعواتكم ... :ask: