أستلمت البيرسونا الحمد لله
أخيرا بعد شهرين من الإنتظار استلمت البيرسونا فول اوبشن اوتو رمادى امبارح :36_1_34[1]: .
كنت حاجز مع عبداللطيف جميل, توكيل دايهاتسو, عشان كنت عايز تقسيط إسلامي, بس ماعرفش يجيب العربية من التوكيل.. مش عارف ليه:dunno:
فا قولت ماليش غير أيمن ربا يبارك فيه و أحجز من كونتاكت تبع الديل, و كلمت أيمن, و فعلا الراجل ماتأخرش عنى و ظبتني مع محسن, روحتلو حجزت و أخدنى ل كونتاكت خلصت الورق معاهم, و في خلال اسبوع تقريبا كانت العربية معايا :36_1_1[1]:
أول ما شفت العربية عرفت اللى كانت الناس بتقول عليه انك بتقع فى حبها من أول نظرة :B4_007: , لدرجة حسيت زوجتى هاتبتدى تغير منها شويه :36_1_1[1]:
مالحقتش أجرب العربية كتير, بس مبدأيا لقيت فيها اللى توقعتو و ممكن أكتر شويه, قصدى الحاجات الحلوة طبعا :colsmil:
بكرر شكرى لأيمن, من الشخصيات المحترمة فعلا.