الموضوع: خبرتي مع نيو اكسنت 2010

بسم الله الرحمن الرحيم

عاوزكو تهنوني على استلامي هذه السيارة التي أقل ما اقول عنها انها رائعة

أنا استلمت السيارة يوم 21-06-2009 الساعة 11 مساءاً وده طبعاً كان بمعجزة لان التوكيل (غبور اسكندرية) بيقفل المخزن الساعة 9 مساءاً
المهم أخدت العربية من ش صلاح الدين وفولتها وطلعت بيها على الجيزة لاني سكنت هناك وعملت زي ما الكتاب بيقول اقصى سرعه 60 - 70 كم؟س وادوس فرامل بشويش ونفس الطريقة على البنزين وبدون تشغيل التكييف لغاية ما وصلت ش الهرم فولت تاني واخددت 14 لتر فقط مع العلم اني فولت في اسكندرية للزور وفي الهرم للزور برده فمعنى كده انها مخدتش بنزين كتير يعني لو قسمنا 225 على 14 يساوي 16 كم للتر الواحد.
بعد يومين اتخبطت العربية في الرفرف اليمين وهي واقفة بس خبطة بسيطة ومش حصلحها علشان كلام في سركو (تاخد العين) بس بحافظ على الخبطة من انها تجيب بارومة عن طريق الغسل ثم الدهان ببولش ناعم ثم الورنيش f1 الامريكي

عملت صيانة الالف بعد اقل من اسبوعين لأني بعشق السفر وشغلي في سيتي ستارز يبعد عن سكني ب 33 كم يعني 66 كم كل يوم وغيرت بزيت شل الترا 10000 كم + الفلتر وده ب 260 جنية

ولسة من 4 ايام كنت في مطروح عملت صيانة ال 5000 كم في اسكندرية وكانت الملاحظات من التوكيل انه لا يوجد اي شئ بالسيارة يستوجب الاصلاح فالعفشة حديد ومتربطة مع اني كنت باخد بيها مطبات جامدة والتكييف مش محتاج فريون لانه بالفعل لما بشغلة بيخلي الدنيا تلج .

المهم الان انني قمت في اثناء سفري من القاهرة لمطروح بمحاولة جعل السيارة تسير باقصي سرعة لها خاصة انني من عشاق السرعة ولدي موتوسيكل ياماها 750 سس فانطلقت على طريق العلمين من الصفر الى 195 كم في زمن لا يتعدي 87 ثانية فلاحظت ان السيارة غير ثابتة على الطريق بعد 140 كم؟س كما ان استهلاكها للبنزين اصبح شره جداً في تلك الفترة فقط وخاصة مع بلوغ ال rpm 4 أي 140 كم؟س

أما من حيث الاعتناء بها فأذهب بالسيارة كل اسبوع او اثنين للبنزينة لرفعها وغسلها بالكامل ماعدا الموتور فأغسلة بنفسي بواسطة الفوم السبراي وقطع القطن الطبي لمسح ما تم رشه على الموتور فلا تحاول غسل الموتور لدى البنزينة حتى لا يتلف جهاز الانذار والسنتر لوك وقبل القيام باي رحلة سفر اقوم بتفحص المياة الخضراء وبالطبع اشتريت مياه خضراء لزيادتها اذا ما كانت اقل من مستوى f ولم يحدث نقص في مستوى زيت الباور او الفرامل او زيت الموتور على الاطلاق.

كل ما اوده الان هو دليل الاصلاح للنيو اكسنت 2007 - 2010 وان وجدته سارفعة اليكم على الفور

الحمد لله ربنا هداني بعد ما كنت على طول بعمل غرز والذي منه وبالمناسبة انا كنت واحد من اول سبعة على مستوى مصر في رالي افراعنة فالخبرة التي اكتسبتها من هذه الايام استطعت ان استغلها في الحفاظ على السيارة وتفادي حوادث مؤكده فالقياده عندنا يجب ان تكون

فن وذوق وأخلاق