الموضوع: ادخل هاخد من وقتك 5 دقايق و هتاخد فكرة عن جمعية رساله

نشاط الملابس المستعملة
( فرز ومعارض )
التبرع : التبرع في النشاط دة بيكون بالملابس المستعملة القديمة بدل متديها لحد مش محتاجها أو مش مشيا مع ذوقه حد ممكن يستعملها بس ممكن كتير يرموها
عندنا في رسالة لا الملابس بتروح لحد محتاجها بجد اذاى : إحنا بنشوف الملابس الجديدة . مش مقطعه . مش مبقعة. وبتروح للغلابة باكتر من طريقة في حاجة اسمها معارض الملابس ..... بنروح القرى الفقيرة جدا والملابس بتتباع بأسعار رمزية جدا ( جنية أتنين تلاتة ) والعائد يروح لمساعدة أنشطة الجمعية وعلى رأسهم الأيتام
اية الفكرة في المعارض : التوزيع ببلاش بيخلى اى حد يجرى ياخد محتاج أو مش محتاج لكن في المعارض المحتاج بيشترى اة مش بمبلغ عالى لكن بيبقى اشترى ولو في حد محتاج وكرامته تمنعه من أنة ياخد صدقة لا دة كدة اشترى وفاصل واتخانق معانا وماشى جايب هدوم كأنة شريها من روكسى .. وفى حاجة تانية وهيه ان الناس الى حتى مش هتقدر تشترى تاخد الملابس الى محتجاها بقرارات من لجان لمعرفة حالتهم وفى حاجات شبة كدة كتير
التطوع : انت تيجى اقرب فرع تملى استمارة وتبدا شغل الملابس بتيجى على بعضها مهمتنا نفرزهم يعنى رجالى اطفالى حريمى ولو انت عندك القدرة انك تطلع المعارض ممكن تطلع معانا
وجزاكم الله كل خير

نشاط الملابس المستعملة
( فرز ومعارض )

التبرع : التبرع في النشاط دة بيكون بالملابس المستعملة القديمة بدل متديها لحد مش محتاجها أو مش مشيا مع ذوقه حد ممكن يستعملها بس ممكن كتير يرموها
عندنا في رسالة لا الملابس بتروح لحد محتاجها بجد اذاى : إحنا بنشوف الملابس الجديدة . مش مقطعه . مش مبقعة. وبتروح للغلابة باكتر من طريقة في حاجة اسمها معارض الملابس ..... بنروح القرى الفقيرة جدا والملابس بتتباع بأسعار رمزية جدا ( جنية أتنين تلاتة ) والعائد يروح لمساعدة أنشطة الجمعية وعلى رأسهم الأيتام
اية الفكرة في المعارض : التوزيع ببلاش بيخلى اى حد يجرى ياخد محتاج أو مش محتاج لكن في المعارض المحتاج بيشترى اة مش بمبلغ عالى لكن بيبقى اشترى ولو في حد محتاج وكرامته تمنعه من أنة ياخد صدقة لا دة كدة اشترى وفاصل واتخانق معانا وماشى جايب هدوم كأنة شريها من روكسى .. وفى حاجة تانية وهيه ان الناس الى حتى مش هتقدر تشترى تاخد الملابس الى محتجاها بقرارات من لجان لمعرفة حالتهم وفى حاجات شبة كدة كتير
التطوع : انت تيجى اقرب فرع تملى استمارة وتبدا شغل الملابس بتيجى على بعضها مهمتنا نفرزهم يعنى رجالى اطفالى حريمى ولو انت عندك القدرة انك تطلع المعارض ممكن تطلع معانا
وجزاكم الله كل خير

[color="rgb(255, 140, 0)"]نشاط بنك الدم
التبرع : إحنا عندنا تبرع في الخميس الاول من كل شهر لو انت حالتك الصحية تسمح بكدة ودة بقرار من اللجنة الطبية بتاعتنا ممكن تسجل نفسك عندنا بفصيلة دمك ويسلام لو فصيلة دمك نادرة اول متحصل حادثة لقدر الله ممكن تكون انت السبب في انقاذ حياة انسان
التطوع : انت ممكن تكون منظم معانا أو تعرف الناس عن النشاط دة
وجزاكم الله كل خير
.................................................. .................................................. ............................
نشاط رعاية الأيتام
التبرع : انت ممكن تتبرع للايتام بالفلوس وممكن تكفل طفل يتيم بمبلغ يبداء من عشرة جنية في الشهر تخيل بقى انت بقيت مع سيدنا محمد في الجنة بتمن تاكسى تركبة في مشوار واحد في الشهر

التطوع : ممكن تكون اخ اكبر لطفل يتيم تحددلة معاواعيد الزيارة كل اسبوع تهتم بيه زى ميكون اخوك بالظبط وكدة بردو انت بقيك ان شاء الله مع سيدنا محمد في الجنة بجزء من وقتك زز أو بحد ادنى تكون صديق لطفل تيم بردو وشوفو الثواب
وجزاكم الله كل خير
.................................................. .................................................. ...............................
نشاط مساعدات الاسر الفقيرة
التبرع : ممكن تشارك بكل حاجة من احتياجات الناس الفقير ودى بتروح لحد محتاجها
التطوع : انت بردو تقدر تنظم الحاجات دى ممكن تطلع معانا قوافل الاستكشاف للاسر الفقيرة والبلاد الفقيرة و كمان قوافل التوزيع للحاجات الى لقينا البلاد دى محتجاها
وجزاكم الله كل خير
.................................................. .................................................. ...............................
نشاط رعاية الأيتام
التطوع : ممكن تساعد المكفوف وتكون العين الى هو بيشوف بيها توصلة مشاويرة تقرالة كتب ...........
[/color]