تنك البنزين أتخرم تنصحو بإية

**SBkr** · 07-08-2009 09:38 PM

النهاردة بدور العربية (نوبيرا 2 موديل 99) لقيتها مبتدورش خالص مع ان كل حاجة عادية ولا يوجد مشكلة تخص البوجيهات او الأسلاك او خلافة وكان تقريبا معي اقل من ربع التانك يعني حوالي 11 لتر مثلا لكن الطرمبة شغاله وصوتها مسموع قمت فكيت خرطوم التغذية من بعد فلتر البنزين إلي رايح للمسطرة بتاعة الرششات وفتحت الكونتاك ملقيتش اي بنزين واصل من التنك قمت رحت جبت حوالي 6 لتر بنزين وحطتهم قلت يمكن العربية فضيت مع العلم اني متأكد ان كان فيها موش اقل من 11 لتر بحاول ادور برضة مفيش تغذية واصلة من التنك قلت ابص تحت العربية لقيت التنك ناشع من مساحة كبيرة زي مايكون مخروم من عدة اجزاء من لحام المنتصف ومن قاع التانك يوجد لحام قديم بردة بينشع تنصحو بإية عند لحام التانك وحد عندة فكرة الأمور هتمشي ازاي و لو لقيتة تعبان اجيب غيرة ويعمل كام تقريبا

**gebreel** · 07-08-2009 09:52 PM

انا لحمت التانك بتاعي بأرانديل اللي هو الانبوبتين اللي بيتخلطو على بعض دوول و بيعمل الانبوبتين دول حوالي 10 جنيه و ربنا يكون في عونك

**samirayad** · 07-08-2009 10:36 PM

قلت ابص تحت العربية لقيت التنك ناشع من مساحة كبيرة زي مايكون مخروم من عدة اجزاء من لحام المنتصف ومن قاع التانك يوجد لحام قديم بردة بينشع

طالما التنك كان ملحوم قبل كده
وفيه تنشيع على مساحه كبيره
فأكيد الصاج بقه معظمه بايش
والأفضل حاليا تغيير التنك

**waleedrahmy** · 07-08-2009 10:37 PM

فكة وودية يتلحم نحاس

**kareembelal** · 08-08-2009 02:04 AM

التغيير افضل شئ

**elwad_crazy** · 08-08-2009 03:05 AM

طالما عربيتك فحاول انك تحافظ عليها بدل ميتلحم ويتخرم تانى ولا قدر الله يتخرم فى حته مفهاش اي خدمات
فتغيره احسن ليك

**Morieno** · 08-08-2009 01:03 PM

التغيير هيريح بالك من اى مفاجئه ممكن تحصل فى مكان او زمان غير مناسبين
بس التغيير طبعا هيتعب جيبك شويه لان التنك يعمل حوالى 700 وانا غير متأكد من السعر دا لكن دا قالهولى الميكانيكى من يومين كنا بنتكلم على عربيه نوبيرا التنك بتاعها مخبوط ومحتاج يتعدل

وربنا يوفقك للى فيه الخير