الموضوع: حادثة-تأمين=محدش هينفعك

يا أخ صاوي
ياريت صدرك يتسع ليا
في موضوع سابق لو حضرتك تفتكر كتبتلك انك تراعي ان في ناس عندهم حساسية من الموضوعات الدينية (وده مش عيب) وأنا من الناس دي .
انت طبعا مش ضد الدين وده أكيد زين الناس كلها بس باحس ساعات ان حضرتك مش من المهتمين بالقياس في كل معاملاتك على مقياس الشرع (وده بينك و بين ربنا و ماحدش له عندك حاجه الا النصيحة المهذبة)
ولكن .... نصيحة من أخ و الله نصيحة صادقة ليك لو تحب تقبلها
اعرض رأيك زي مانت بس اقراء موضوعك قبل ماترسله واضعا في اعتبارك نقطة الحساسية دي (مش خوفا طبعا و لكن دول اخواتك واصحابك في النتدى وانت ماتحبش تضايقهم) و على فكرة أنا كذا مرة ناس فهمتنى غلط و زعلت أول ماشفت الردود وأحيانا حذف المشاركة -وده ما حصللكش- بس لما حطيت نفسي مكان القارئ لاقيت كلامي ممكن يتفهم غلط , فاعتذرت عن سوء التعبير ووضحت وجه نظري بمنتهى الحرص .
و ساعات باحس اني مش غلطان و الموضوع في جدال شنيع لن ينتهى , فا بكون عاقل و اسكت ليس عن ضعف حجة و لكن تركا للجدال الذي يستهلك الوقت و يثير المشاحنات .
انا باحب موضوعاتك جدا والله و ماقدرش افوت مداخله ليك لأنها معظمها مفيدة و ظريفة
بس خلي بالك زيي كده كلامك مين هايقراه
وربنا يديم المحبة

فى كلمات و أمثال شعبية كتييير بنستخدمها فى حياتنا اليومية...... لو درسناها هنلاقى فيها أخطاء
و أكيد مش كلنا نعرف أنهى صح و أنهى غلط ..... لأن إحنا إتعلمناها كده و إتعلمنا الموقف اللى نقولها فيه

و مثل رزق الهبل عالمجانين حضراتكم ده مش أستاذ الصاوى اللى ألفه
متهيألى كلكوا سمعتوه قبل كده ألف مرة
و بلاوى الزمن برضه زى ما بنقول زمن أخبر و حاجات كتيير

لو واحد قال الكلام ده عفوياً و مش قصده منه حاجة غير إنه يوضح فكرة
يبقى مش مشكلة
نوضحله الغلط فين فى الكلام ده....... بس بلاش نطلع كل حاجة بيقولها غلط و ندرس و نتمعن فى كل الكلام اللى بيقولوا ....... واحده واحده
أنا عن نفسى كان فى أمثال كتير بقولها و قريت إنها فيها غلطات خطيرة جداً
مره فى مره بطلت أقولها و حتى بطلت أقول أمثال خالص رغم أهميتها (جاتلى عقده منها بقى :mrgreen: )

و أنا أسف ألف مرة إنى بقول الكلام ده لأنى عارف إنه ممكن يضايق حد ....... بس لازم أقوله لأنه رأيى
و برضه أسف إنى خرجت بره الموضوع الأساسى اللى هوا التأمين
بس معرفتش أقول الكلام ده فين