موضوع جديد لجيل السيارة لاتستهكل بنزين كثير

السلام عليكم اولا

انا مش هي دماغي باظت ولا ايه بس المهم انا قصدت المنتدي ده بالذات لان في اخاخ حلوة

المهم علشان ماكترفي الكلام هو انا لو دخلت هايدروجين مع فلتر الهوا هو كده هايزود عملية الاشتعال ولا لا

ارجو الاجابة

لاني قمت باحضار وعاء ماء ووضعت فية قطعة الومنيوم وقمت بتوصيل القطبين بقطعة الالومنيوموعملت مخرج لخرطوم

وقمت باغلاق الوعاء باحكام وقمت بتوصيل القطبين ببطارية العربية وكان النتيجة ان اللي خرج هو غاز hho

بس بكمية ضعيفة مش زي اللي عند بتاع اللحام لا اضعف شوية لدرجة اني حفرت اسمي علي ازازة كانز واللي عرفتو ان

الغاز ده جامد جدا وبيحرق اكتر من 300% من غاز البنزين انا جاتلي فكرة في دماغي وقلت لازم اخد راي الناس اللس هنا كلهم

عايز اخد الغاز اللي خارج ادخلو مع فتحة فلتر الهواء ( في الماسورة بتاعة فلتر الهوا ) انا عايز اعرف كده اية النظام في خطورة ولا ايه بالضبط

ولقيت عاليوتيوب واحد عامل التجربة دي الرجاء الرد لاني مهتم جدا بالموضوع ده

رابط YouTube - Hydrox mobile. ذ£رپر‚ذ°ذ½ذ¾ذ²ذ؛ذ° ذ½ذ° Kia..

مساء اللسعان
فعلا زى ما انت شكيت بالزبط ان دماغك باظت
عارف سعادتك انت كدة بتعمل ايه؟
بتعمل تحلل مائى للمياه
الناتج اكسجين وهيدروجين
وده تحلل لا تستطيع التحكم فيه
عارف ممكن يحصل ايه؟
انفجار لعربيتك لو انت ماشى بسرعة وقدرة الدينامو فى قمتها
لان الهيدروجين شديد الاشتعال وانفجارى
وممكن بعد ماتطفى العربية برضو شغال التحلل
ويتجمع الهيدروجين
ومع اول شرر
او تدويرة محرك
هوباااااااااااااااااااااا ااااااااااااااااااا
عليه العوض ومنه العوض

بيقوللك مرة واحد صعيدى حب ينور بيته ولع فيه

بلاش تريقة .. الراجل عنده تفكير منهجي علمي بس اتوجه غلط
طبعا ال هيدروجين لن يفيد بقدر ما يضر لأن نتيجة احتراقه ماء حيخرب احتراق البنزين أصلا غير إن الموتور غير مجهز لذلك !
الأفضل بقي لو اتعمل هو الأوكسجين .. نفس فكرة النيتروس حيث يحتوي علي 33 % اوكسجين بدل 20 % في الهوا العادي .. بس خلي بالك كله بيقصر عمر الموتور ( ده لو مانفجرش أصلا ) محتاجة حسابات و تجهيزات دقيقة

كل التعليقات بتأكد ان الراجل رايح فى الطريق الصح
ودا من نص الكلام

1- "الناتج اكسجين وهيدروجين ... وده تحلل لا تستطيع التحكم فيه"
ممكن الناتج من التحلل المائى يعدى على ماده تمتص الأكسجين وفى مواد كتير ليها الخاصيه دى "زى فلتر كدا" ويطلعلنا هيدروجين بس

2- "ان الهيدروجين شديد الاشتعال وانفجارى"
يعنى هى نفس فكرة الحتراق الانفجارى اللى فى الموتور ... مش بس كدا لا دا كمان شدبببببد

3-"وممكن بعد ماتطفى العربية برضو شغال التحلل"
ليه يا عم هى مكنة رى ..... أول ما هتطفى العربيه هيقف التيار اللى بيحلل الميه وهتقف المعادله

4- " ويتجمع الهيدروجين"
احنا خلاص وقفنا المعادله ... ومع ذلك لو فرضنا استمراريه عمل التحلل لفتره بعد التوقف "ودا فرض غير منطقى" فممكن يتعمل نظام للتخلص من الفايظ بفتح بلف لإخراج الزياده اتوماتيكيا عند التوقف التام شرط ان يكون البلف فى نقطه بعيده اى مصدر شرار "دا بفرض انها برضه مكنه رى بتدعك وخلاص" لان انت لما هتطفى العربيه مش هيبقى فى شرار

5- "ويتجمع الهيدروجين ... ومع اول شرر"
يتجمع فين وازاى هيا العربيه محطوطه فى كيس دا اهوا خارج داخل من فوق ومن تحت

وبعدين واضح من كلام حضرتك ان تخوفاتك كلها قايمه على نقطتين
أ - عدم التحكم فى الهيدروجين
ب- احتراق الهيدروجين فى مكنا او زمان غير المخصص ليه
ودا كله ممكن يكون حقيقى لو الفكره هتتنفذ عند ورشة سيد بنطه اللى على الناصيه ... انما لو الموضع اتصمم صح واتنفذ صح هتقدر تتحكم فى كل حاجه ومافيش حاجه هتفرقع فى وشك ولا هتولع فى غير مكانها

نكمل باقى التعليقات

6- "نتيجة احتراقه ماء هيخرب احتراق البنزين"
بس صاحب الموضوع بيقول احتراقه قد غاز البنزين 300% يبقى بلاش بنزين اساسا او التأثير السلبى اقل من الايجابى اللى هنحصل عليه من انفجار الهيدروجين

طبعا كل الكلام دا ممكن يكون فاشوش وتهييس من صاحب الموضوع ومنى شخصيا ..... بس انا حبيت نفكر كلنا بالاسلوب العلمى اللى مضمونه

" وليه لأ مش يمكن يكون جايز "

السلام عليكم اولا

انا ماكنتش اعرف ان الموضوع ممكن يعمل دربكة كدة بس انا خلاص كبرت في دماغي ولا بد من التنفيذ بس هاجربها علي موتور موتوسيكل الي هو الصيني بس محتاج حد يكون فاهم معايا انا هانز من بكرة اجيب الموتور واشوف هايعمل كام

وهاقولكم اول باول علي المستجدات

للمساعدة وااللي مهتم بالموضوع

سيارة تعمل بالماء بدلا من البنزين - اسرار و خفايا تكشف لاول مرة - ملتقى المهندسين العرب

يا اخواننا صح ايه وكلام فاضى ايه وفلتر ايه؟
انا راجل كيميائى اصلا
هو الموضوع ببساطة كدة؟ يعنى تخلو الراجل يخرب بيته وتحصل له عاخة او يموت بسبب تجارب مالهاش معنى؟
يعنى ايه نفس الاحتراق اللى موجود فى الموتور ؟
انت عارف اصلا اهم شىء من الاحتراق هو تامين الاحتراق ودة استحالة باى كلام فارغ من اللى بيتقال
الهيدروجين ده غاز وخفيف الكثافة جدا جدا ازاى بقى هيقدر يعمل تامين لسريانه؟
ده محتاج فيلم كبير وحيز الموتور لايمكن ينفع لتطبيقه عمليا لكن لو عملها بلدى كدة عليه وعلى عربيته واللى راكب معاه يارحمن يا رحيم
ثانيا انت هتخلط ده بالبنزين ازاى؟ ولا هتدخله مع الهوا؟
طيب الرشاشات بتطلع وتقفل بتوقيت حاسبه الكمبيوتر لكن ده هتعمل فيه ايه؟
مين قاللك اصلا ان جسم الموتور وغرف الاحتراق والجوانات مستعدة لتحمل ضغط الهيدروجين الانفجارى؟
هتعمل ايه فى الباك فاير اللى هيضرب فى الرجعة مع الهوا لما يقفل البستم ومش هيكون قدامه الا فلتر الهوا يولعه او يطلع على حوض الموتور يفجر العربية؟
ياريت قبل الفتاوى نشغل عقلنا
كان ببساطة اصلا فى بيتنا ولا اجيب غاز ولا يحزنون وجركن ميه بمليم اطلع منه هيدروجين واخده على البوتاجاز واولع الشعلة واعيش حياتى
ياخواننا العربية دى روحك وسلامتك وارواح اللى راكبين معاك امانة فاتقو الله فى انفسكم واستعيذو بالله من همزات الشياطين
كانت كل المصانع دى اللى بتتشحتف على البترول جابت ماسورة من البحر وحلل يا ريس وطز فى البترول
اللى يتكلم يكون فاهم وعلى اساس علمى مش اى افتراض ييجى فى راسنا نطبقه وخلاص زى اللى نور بيته بحريقة

كدا بدأت تشتغل بجد "بغض النظر عن تعبير كلام فارغ"
انا المره اللى فاتت نهيت كلامى بجملة:

اقتباس:

---

المشاركة الأصلية كتبت بواسطة morieno

طبعا كل الكلام دا ممكن يكون فاشوش وتهييس من صاحب الموضوع ومنى شخصيا

---

يعنى انا لا اجزم بصحة الموضوع
ومادام حضرتك اوجدت موانع يبقى الموضوع ممكن .... الفكره بس انه مش ممكن منزليا ..... ولكن محتاج اجهزه وتجهيزات وامكانات

المهم اننا نبدأ نفكر بالطريقه دى
إن الأساس هو إثبات عدم صحة الأشياء ..... فكل شئ ممكن إلى إثبات العكس

وبعدين لامؤاخذه ياباشا حضرتك كميائى مش مهندس يعنى تعرف خصائص الماده اه لكن تصميم الآله اللى هتتحكم وتحتوى وتسيطر على الماده أعذرنى احنا محتاجين مهندس وعلى راي حضرتك :

اقتباس:

---

المشاركة الأصلية كتبت بواسطة afandeena

اللى يتكلم يكون فاهم وعلى اساس علمى مش اى افتراض ييجى فى راسنا

---

طب ما العربيات دلوقتي بتمون هيدروجين بدل البنزين
بس موتورها مجهز لكدا
وهوندا نزلت عربية انتشرت حاليا في امريكا وبالذات في لوس انجلس لانها الوحيدة تقريبا ال فيها محطات هيدروجين

ياجماعة الموضوع مش مستحيل عمليا لكن محتاج تجهيزات خاصة لان المحركات الحالية اللي بتشتغل بالبنزين غير مجهزة لتحمل الانفجار الناتج وكمان ان انت عندك ناتج الحريق هيطلع بخار ماء وده طبعا هيأثر على عمر الموتور لانه مش هيقدر يقاوم البخار (هيصدي)


فكرة الحصول على طاقة من الماء ليست مستحيلة وبالعكس تم تطبيقها وقدامي كمان وقدرنا نحصل على طاقة 610 وات من 400 وات يعني كفاءة الخلية 150% وده شئ كويس بس ما ننساش ان احنا شغلنا كله كان على مجسم صغير وحسابات صغيرة

نيجي لفوائد طاقة الهيدروجين واللي طبعا فوائدها كتير أولها حماية البيئة من التلوث بس طبعا نيجي للناحية التانية محتاجين alloys خاصة عشان ظروف الحريق

طبعا وبما اننا كلنا عارفين ان البنزين مركب عضوي C6H6 وده رمزة الكيميائي احنا عندنا كل اللي عامل المشاكل دي كلها من تلوث وترسبات في الموتور واللذي منه هو الكربون C فطبعا لو استعملنا الهيدروجين الناتج من الماء H2O لو تم تحليله هينتج غاز الهيدروجين بدون كربون ويمكن اشعالة دون وجود لعنصر الكربون وبكده تخلصنا من مشكلات كبيرة جدا جدا ولكن عاوزين شغل من بتوع ال material وال physics عشان نعمل محرك احتراق داخلي بالماء

الموضوع مش سهل قوي زي ما انتوا متخيلين

طيب مادام الموضوع محتاج مهندسين فين مهندسين المنتدي وايه الموانع وايه اللي المفروض يتجاب ايه ياجماعة انا عارف ان الموضوع كبير بس هايوفر يعني انت عاجبك سعر البنزين في بلدك

بلاش الاحباط والنبي ياجماعة وانا قلت قبل كده انا مش هاينفع اعمل حاجة لوحدي محتاجين مهندسين يفهمونا الموضوع ده من a to z

فكرة جامده مووووووووووووت
بس واضح من الاراء انها محتاجه لحسابات وتجهيزات صعب اننا نعملها بس مش مستحيلة

يا جماعة الموضوع في عداد المستحيل
مش لانه صعب لان المعدات مش متوفره لينا
يعني تخيل الناس بتوع العربيات لسه بيجربو الموضوع ده
مينفعش احنا ال نعمله
مش لاننا منقدرش
لاننا معندناش الامكانيات كفاية

فية عضو مجرب الموضوع ده فى عربية ريجاتا فارجو زيارة الموضوع فى منتدى لهواة الاختراعات
ستجدون صور ومناقشات جميلة

الموضوع دة ممكن وفكرة كويسة وفية شركات عالمية كبيرة بدات بالفعل في اجراء التجارب علي الموضوع دة وبيطلق علية خلية الوقود ويمكن اكتر الشركات المتقدمة في المجال دة تويوتا وبي ام وفورد بس مشكلة الهيدروجين الكبري هي كيفية التحفظ علية في صورة سائلة ان يكون مؤمن تماما لانة خطير جدا عند اشتعالة المتفجر لحل المشكلة دي لجئت بعض الشركات الي تبريد الهيدروجين الي درجة 280 تحت الصفر لسهولة وامان تداولة تحت تاثير الحرارة المنخفضة دىوفية شركات اخري صنعت خزانات لخلط الهيدروجين بمواد اخري تمنع اشتعالة اثناء التداول لكن مؤكد ان هناك ابحاث ووصلت لمرتبة عالية في كيفية السيطرة علية بس الانتاج الكمي حاليا تكاليفة باهظة نظرا لاحتياجة لتجهيزات خاصة في المحركات الحالية رباعية الاشواط وان كان هناك توجة لاستخدامة بصورة اكبر في المحركات التوربينية ذات غرف الاحتراق المفتوحة

لسه في ناس يتفكر الحمد لله

يجماعه احنا مصريين والمصريين عبقره مش بقول كدا موجمله الى خلى واحد مصرى يعمل الى عجزت عنه كبرا شركات وعقول العالم ومشى العربيه بالميه يخلينا برضو نمشيها بالهيدروجين و مع ان فكرت الهيدروجين ارخص واسهل فهى اصلا معمول بيها فى الدول الخارجيه هما مشكلتهم ازاى ىامنوه علشان هم بيبيعو نيتروجين خالص لكن لم نكون احنا حنستخلصه من الميه مش حيبقا فى اى خطوره من ده وحيكون امن المرحله الوحيد الى حيبقا فيها خطر لما يوستخلص وده حيكون بكميه بردو صوغيره على اد الاحتراق يعنى الخطر مش حيكون كبير اوى نظرا لقلت الكميه المنتجه للحرق احنا كل الى محتجينه ضبط الكميه المناسبه للاحتراق فى السلندرات زى فكرت الغاز الطبيعى لكن الفكره والله سهله بس يريت منتفزلكش ونهبط بعض الى عنده فكره يقولها والى يعرف يجيب حاجه من على النت تسعدنا يبقا كتر خيره غير كدا مش عوزين تهبيط كفايه الزفت الى احنا فيه وكل الى بيخترع حاجه ويروح ياخود ليها براءت اختراع يقولولو حنشكل لجنه وحنعمل وحنسوى وفى الاخر عدى علينه بكره

ببساطه شديده اكتب
hydrogen cell
واتفرج علي اللي انت عايز تعمله وشرح كامل ليه وكل اللي تتمنه ولا عربيات انفجرت ولا ناس ماتت ولا اي حاجه اتفرج علي اليوتيوب تجارب باللاف يعني الموضوع مش افتكاسه ولا تعليقت دماغ بالعكس انت انسان اقل ما يقال علي دماغك نظيففففه لانك فكرت في الموضع وانت مش عارف انه حاليا متداول جدا في اوربا

اه كمان نسيت اقولك انها بتولد كهرباء اثناء التفاعل يعني دينمو علي خفيف كمان يا باشا

YouTube - Hydrogen Fuel Cell with 5 plates. Completed Unit! mixcatcom HHO

دا واحد عامل من فلتر مياه عادي جدا
YouTube - Hydrogen cell

ودي تجربه تانيه

YouTube - HHO Fuel Cell - How To Make Hydrogen Generator Build Kit
دي طريقه عامل واحد بكل سهوله