الموضوع: حسبي الله و نعم الوكيل

المشاركة الأصلية كتبت بواسطة Ezzat-fayek

حسبي الله و نعم الوكيل للكل الي بيحسد الناس و كارهي النعمة للغير

انا هحكي الحكاية من الاول

معلش استحملوني


انا خلصت الثانوية العامة و كان املي اني اخش حاسبات و معلومات

للاسف حصلي انها فرقت معايا علي 1.3%

الحمد لله علي كل شيء

اتجهت للمعاهد الخاصة و الحمد لله الامكانيات المادية متوافرة يعني مش هتبقي مشكلة

رحت اكاديمية الشروق و قدمت و قبلت الحمد لله و دفعت فلوس التقديم و خلاص

الخبر انتشر في العائلة و المعارف

طبعا في ناس مش بتحب الخير لحد و لازم تحشر نفسها في الي مالهاش فيه

و المشكلة انهم بيبقو من اقرب الناس مش هقول غرب

مسكو والدي و والدتي

حرام عليكم
7 الاف جنية في السنة غير مصروفه

و تضيع وقت و كلية و لا ليها اي لزمة
و هيروح البيت الساعة 7
و مفيش وقت المذاكرة

فضلو وراهم لحد ما عندي اقتنعو بكلامهم و هيحولولي
تجارة

انا من ساعتها و انا منهار

خسرت المجال الي كان نفسي فيه طول عمري

بسبب ناس حسبي الله و نعم الوكيل بيكرهو ان ناس بتبقي احسن منهم


كدة انا اتدبست في تجارة

هل ممكن اني بعد ما اخلص اخد دبلومة في الحاسبات ؟؟

بص يا سيدي , في بدايه الأمر ما تزعلش نفسك و انا مريت بنفس مشكلتك لما جيت ادخل كليه الهندسه و الحمد لله مجموعي كان يدخلني صيدله و المشكله كانت في اختيار التخصص الهندسي في حد ذاته يعني انا كنت عايز هندسه سيارات و هما قالوا الكترونيات و طبعا والدي كان خريج تجاره و اللي اقنعه عمي و خالي لانهم مهندسين و قالوا له المستقبل في الالكترونيات وووو و دخلت هندسه اتصالات , المهم انا عايز اوجهلك نصيحه و هي:


1- مجالات تكنولوجيا المعلومات سهل الحصول علي كورسات فيها في الخارج زي ما الاخوه الأفاضل ذكروا ذلك في iti و شركه رايه و شركات كثيره و بتبقي منحه من وزاره الاتصالات و لها شروط و انا لي زملاء اخدوها و شغالين في اماكن كويسه زي مجلس الوزراء و شركات اجنبيه في الخارج , المهم تكون غاوي و ربنا هيكرمك .

2-مجالات التجاره مجالات كويسه جدا و مطلوبه بس اللي يدرسها صح , يعني مثلا لو فرضنا انك دخلت تجاره القاهره او عين شمس و اجتهدت فيها بتقدير و بعد ما اتخرجت اخدت كورسات ( بفلوس طبعا ) و فلوسها كثير في مجالات زي اداره الأعمال او دبلومه المحاسبه الأمريكيه مثلا علي سبيل المثال ويا سلام لو في الجامعه الأمريكيه هتبقي اضفت لنفسك مهارات ممتازه تؤهلك لوظائف محترمه

علي العموم فكر تاني و ربنا يوفقك .