الموضوع: حسبي الله و نعم الوكيل

هقولك حاجة مع الاسف مش هتتساوى ومادام زى ما بتقول الاماكنيات المادية متوفرة والحمدلله حاول تانى مع والديك حاول تقنعهم بهدوء ان فرص العمل المتاحة فى الحالة الاولى افضل من التانية يعنى دعم حوارك معاهم بالبراهين والادلة والامثلة من المجتمع المحيط
وان شاء الله يقتنعوا وتدرس اللى تحبه

باشا

مبدئيا ممكن تحاول تقنعهم ...... بس خليك في مودرن اكاديمي لانها اقرب الكليات الخاصة للحكومية في المستوى في المجال ده

و لو ما اقنعتهمش لا قدر الله و هتكمل في تجارة

و مش عايز تخسر المجال

يبقى قدامك حل من تلاتة

حل ال ITI و ده هيفرق معاك فعلا ...... بس خلي بالك ان دخوله مش سهل لازم تبقى جامد في الانجليزي و فيه اختبار قدرات و انترفيو ...... و لازم تقدير جيد عالأقل

و حل تاني انك من دلوقتي أيوة من دلوقتي تبتدي كورسات متخصصة في ال IT

بس بدون تشتيت

يعني شوف انت عايز تبقى ايه

Developer و لا System Admin و لا DBA و لا Network Admin ..... الخ و امسك مجال واحد منهم و ابتدي خد كورسات في اماكن نضيفة و على فكرة نضيفة مش معناها اسم كبير و مشهور لا معناها حد قبل كده راح و انبسط منهم لان ياما اماكن غالية و اي كلام

و بجانب كده الاهم من الكورسات ال Self study كمان ..... و يا سلام لو تشتغل اثناء الكلية ..... و لو ببلاش حتى بس تاخد خبرة


و الحل التالت هو انك تجمع ما بين الحلين الاول و التاني و ده عايز منك شطارة جامدة جدا عشان تجمع بين الكورسات او الشغل و التقدير عشان تعرف تخش ITI


و ربنا يوفقك و الرزق على الله

و حاول تتكلم مع والدك و والدتك بالعقل و المنطق



فيه ناس حاولت تقنع ابويا انه ما يدخلنيش حاسبات و معلومات و انها كلية اي كلام و مالهاش مستقبل و بتاع

بس انا صممت على رأيي

و دلوقتي اهه بعد 11 سنة ابويا بنفسه بيقول لي الحمد لله انك نشفت دماغك و كملت في السكة اللي انت نافع فيها